„მოხალისე“ - ინგლისური ენა

IBSU-ში პროექტმოხალისე“- ინგლისური ენის კურის დასრულდა. სამი თვის განმავლობაში ინტენსიური მეცადნიეობების შემდგომ შემაჯამებელმა ღონისძიებამ ძალიან ამაღელვებლად ჩაიარა, ჩვენ მოხალისეებსა და მათ მოსწავლეებს გაუჭირდათ კურსის დასრულება საბოლოოდ, ღონისძიება საზეიმოდ დასრულდა და მონაწილეებს სერტიფიკატები გადაეცათ. განსაკუთრებული მადლობა პროექტმოხალისესერთგულ და თავდადებულ ტრენერებს, როლებიც ინგლისური ენის კურსს უძღვებოდნენ: ნიკა კობერიძეს, მეგი გოდერძიშვილს, მარიამ მურადელსა და მაგი გამსახურდიას. IBSU - კამპუსის გარშემო საქართველოს ოკუპირებული ტერიტორიებიდან დევნილი მოსახლეობა ცხოვრობს. წლების წინ დაახლოებით 200-მა ოჯახმა საკუთარი სახლ-კარი მიატოვა, დღეს მათი სოციალიზაცია შედგა, თუმცა აუცილებელია, გვახსოვდეს ჩვენი წარსული და საკუთარი წვლილი შევიტანოთ იძულებით გადაადგილებულ პირთა განვითარებასა და წინსვლაში. მოხალისეობრივი საქმიანობა არის ის, რაც გვეხმარება, რომ ჩვენი ცოდნა და გამოცდილება სხვა ადამიანებს გავუზიაროთ.

IBSU-ში განათლების საკითხებზე მე-9 საერთაშორისო კონფერენცია გაიმართა

შავი ზღვის საერთაშორისო უნივერსიტეტი „განათლების, ენის და ლიტერატურის საკითხებზე მეცხრე საერთაშორისო კვლევით კონფერენციას მასპინძლობს. შეხვედრას 27 ქვეყნის წარმომადგენელი ესწრება, მათ შორის: საფრანგეთის, საბერძნეთის, ჰონგ-კონგის, ამერიკის, ავსტრალიის, უნგრეთის, ისრაელის და სხვა ქვეყნების სამეცნიერო წრეებიდან. კონფერენცია საქართველოში ამერიკის შეერთებული შტატების ელჩის მოვალეობის შემსრულებლის მოადგილე ელიზაბედ რუდმა გახსნა.

„ძალიან მნიშვნელოვანია ეს ღონისძიება იმ მხრივ, რომ მასში ჩართულები არიან როგორც საქართველოს, ასევე უცხო ქვეყნების წარმომადგენლები, სტუდენტები, დოქტორანტები. ეს კონფერენცია, ასევე ძალიან მნიშვნელოვანია ინგლისური ენის განმტკიცების კუთხით და ეკონომიკური თვალსაზრისითაც. მოხარული ვარ, რომ მაქვს აქ ყოფნის შესაძლებლობა“, – განაცხადა ელიზაბედ რუდმა.

შავი ზღვის საერთაშორისო უნივერსიტეტის რექტორის ილიას ჩილოღლუს თქმით, შეხვედრაზე ბევრი საინტერესო საკითხი იქნება განხილული, მათ შორის განათლების სფეროში არსებული გამოწვევები და მათი გადაჭრის გზები.

„ ჩვენი მიზანია, ვისაუბროთ განათლების პრობლემებზე, თუ როგორ უნდა იქნას გადაჭრილი არსებული გამოწვევები, ვფიქრობ, ძალიან საინტერესო იქნება“, – განაცხადა ილიას ჩილოღლუმ. განათლების, მეცნიერებისა და კულტურის კომიტეტის თავმჯდომარემ მარიამ ჯაშმა ხაზი გაუსვა მსგავსი კონფერენციების აუცილებლობას: "საერთაშორისო თანამშრომლობის გაფართოების კუთხით საუნივერსიტეტო და სამეცნიერო სივრცეშიმსგავსი შეხვედრები არის უაღრესად მნიშვნელობანი" - მარიამ ჯაში.

IBSU-ს განათლების და ჰუმანიტარული მეცნიერებების ფაკულტეტის პროფესორი ნათელა დოღონაძე ამბობს, რომ საერთაშორისო კონფერენცია მრავალფეროვან თემატიკას მოიცავს და მათ შორისაა: განათლების ფილოსოფია, საკლასო ოთახის მენეჯმენტი, განათლების ფსიქოლოგია, ლინგვისტიკა, განათლების ტექნოლოგია, დისტანციური განათლება, მობილური სწავლება, ენების პროგრამების ევოლუცია და ა.შ. „ეს არის საერთაშორისო კვლევითი კონფერენცია განათლების, ენის და ლიტერატურის სწავლების მეთოდიკაზე, მე- 9 წელია ტარდება და წელს 27 ქვეყანა მონაწილეობს. თუ სახელმწიფოს წარმატება უნდა, განათლება არის ერთ-ერთი მთავარი ასპექტი ქვეყნის განვითარებისთვის. ეს არის თვალსაზრისებისა და ინფორმაციის გაზიარება განათლების სფეროში, გარდა ამისა, ეს არის შესანიშნავი ადგილი კონტაქტების დასამყარებლად. ყველანაირი საკითხი გვაქვს გამოტანილი, მაგალითად განათლების ფსიქოლოგია, სწავლების მეთოდები სხვადასხვა დარგების მიხედვით; არის ინჟინერია, ენების სწავლება, ასევე სასკოლო ასაკის, უმაღლესის და პოსტუმაღლესის სწავლების მეთოდები და ა.შ. კონფერენციის სამუშაო ენა არის ინგლისური, მნიშვნელოვანია, რომ მასალები ყოველთვის იბეჭდება და ჩვენს თანამშრომლებს და მაგისტრანტებს აქვთ შესაძლებლობა გაეცნონ, ეს მათთვის ძალიან დიდი შანსია მეცნიერულად განვითარდნენ“, – ამბობს ნათელა დოღონაძე. კონფერენცია შავი ზღვის საერთაშორისო უნივერსიტეტში ორი დღის მანძილზე გაგრძელდება.

იბსუ კოლუმბიის უნივერსიტეტთან თანამშრომლობას იწყებს

 ამერიკისმცოდნეობის საბაკალავრო, სამაგისტრო და სადოქტორო პროგრამების ხელმძღვანელმა, განათლების და ჰუმანიტარულ მეცნიერებათა ფაკულტეტის დეკანმა აფილირებულმა პროფესორმა დოქტორმა თამარ შიოშვილმა, ნიუ-იორკში 26 აპრილს წარმოადგინა მოხსენება თემაზე “Popularization of Women’s Studies among the Georgian Students through the First Institutionalized American Studies English Program at the International Black Sea University, Tbilisi-Georgia” კონფერენციაზე 9th International ICE19 New York Conference.

პროფესორმა შიოშვილმა დაიწყო თანამშრომლობა ამერიკის შეერთებული შტატების კოლუმბიის უნივერსიტეტის ამერიკისმცოდნეობის სამ პროგრამასთან (საბაკალვრო, სამაგისტრო, სადოქტორო პროგრამები). თანამშრომლობა გულისხმობს შავი ზღვის საერთაშორისო უნივერსიტეტის ამერიკისმცოდნეობის საბაკალვრო, სამაგისტრო და სადოქტორო სტუდენტების ვიზიტებს, ლექციებზე დასწრებას, ბიბლიოთეკაში მუშაობას.

ზემოხსენებული პროგრამების ხელმძღვანელებმა გამოთქვეს სურვილი წაიკითხონ ინტესიური მოკლე კურსები ამერიკისმცოდნეობის სტუდენტებისთვის შავი ზღვის საერთაშორისო უნვერსიტეტში დაესწრებიან რა ამერიკისმცოდნეობის მე-12 ყოველწლიურ საერთაშორისო კონფერენციას 2019 წელს.

თანამშრომლობა ჟენევის უნივერსიტეტთან

შვეიცარიის „იუმეფ“ (UMEF) ჟენევის უნივერსიტეტსა და შავი ზღვის საერთაშორისო უნივერსიტეტს შორის ურთიერთთანამშრომლობის მემორანდუმი გაფორმდა. მემორანდუმი ითვალისწინებს ორი დიპლომის გაცემას და სტუდენტების, მკვლევარების, პროფესორების გაცვლითი პროგრამაში ჩართვას, საბაკალავრო, სამაგისტრო და სადოქტორო პროგრამების დონეზე. აპრილში იბსუს UMEF-ის ვიცე რექტორი ესტუმრება და ადგილზე გაეცნობა უნივერსიტეტის აკადემიურ გარემოს და მომავალ გეგმებს. 

პროფესიული ვიზიტი აშშ-ში და 2019 წლის TESOL-ის კონფერენცია

შავი ზღვის საერთაშორისო უნივერსიტეტის განათლებისა და ჰუმანიტარულ მეცნიერებათა ფაკულტეტის პროფ. დოქტ. ნიკოლოზ ფარჯანაძემ მონაწილეობა მიიღო აშშ-ს სახელმწიფო დეპარტამენტის მიერ დაფინანსებულ გაცვლით პროგრამაში ინგლისური ენის პროფესიონალებისათვის. პროექტი განხორციელდა პროგრამა ,,ინგლისური ენის პროფესიონალის’’ (English Language Fellow) 50 წლის იუბელეს აღსანიშნად. პროგრამის მიზანი იყო საერთაშორისო მასშტაბით ინგლისური ენის პროგრამების ადმინისტრატორების ხელშეწყობა, ადგილობრივ კონტექსტში ახალი მიმართულებების ინიცირება და პროექტების განხორციელება ინგლისური ენის სწავლა-სწავლების ხელშეწყობის კუთხით; ასევე, პროგრამის მიზანი იყო, დახმარებოდა პროგრამის მონაწილეებს პროფესიულ განვითარებასა და ამერიკული კულტურისა და ტრადიციების შესახებ თავიანთი ცოდნის გაღრმავებაში.