კურსდამთავრებულთა გამოსაშვები საღამო 2018

22 ივნისს, შავი ზღვის საერთაშორისო უნივერსიტეტში კურსდამთავრებულთა გამოსაშვები საღამო გაიმართა. ღონისძიებაზე, 300-მდე მეოთხე კურსელს, საზეიმო ვითარებაში გადაეცა დამადასტურებელი სიგელები. შეკრებილ საზოგადოებას მისალოცი სიტყვებით მიმართეს როგორც ადმინისტრაციის წარმომაგენლებმა, ისე იმ სტუდენტებმა, რომელთაც ყველაზე მაღალი აკადემიური მოსწრება ჰქონდათ. მოგვიანებით, საღამო ჯგუფ MokuMoku-ს კონცერტით გაგრძელდა.

ფრედერიკ ლაბარრეს ლექციათა ციკლი

შავი ზღვის საერთაშორისო უნივერსიტეტის სოციალურ მეცნიერებათა ფაკულტეტის მოწვევით, PfP კონსორციუმში რეგიონალური სტაბილურობა სამხრეთ კავკასიის კვლევის ჯგუფის თანათავმჯდომარემ ფრედერიკ ლაბარრემ 11, 12 და 13 ივნისს, საერთაშორისო ურთიერთობების საბაკალავრო და სამაგისტრო პროგრამის სტუდენტებისთვის ლექციათა ციკლი „კანადის საგარეო და თავდაცვის პოლიტიკა“ გამართა.

ვიზიტი კოჟმინსკის უნივერსიტეტიდან

შავი ზღვის საერთაშორისო უნივერსიტეტს კოჟმინსკის უნივერსიტეტიდან (ვარშავა, პოლონეთი), საერთაშორისო ბიზნეს კომუნიკაციების განყოფილების უფროსი დოქტ. ჰალინა ვიშნიევსკა ეწვია.

პროექტი „ნაციონალისტური ნარატივები და მეხსიერების ფორმირება ყოფილი კომუნისტური ბლოკის ქვეყნებში“ დასრულდა

12 ივნისს, პროექტ „ნაციონალისტური ნარატივები და მეხსიერების ფორმირება ყოფილი კომუნისტური ბლოკის ქვეყნებში“, მრგვალი მაგიდის დისკუსიის ფორმატში, დასკვნითი ღონისძიება გაიმართა. დისკუსიის ფარგლებში, პროექტის მონაწილე სტუდენტებმა შავი ზღვის საერთაშორისო უნივერსიტეტიდან და თბილისის სახელმწიფო უნივერსიტეტიდან წარადგინეს საკუთარი კვლევითი ნაშრომები, რომლებიც შავი ზღვის საერთაშორისო უნივერსიტეტის სოციალურ მეცნიერებათა ფაკულტეტის ჟურნალის (JSS) სპეციალური გამოშვების სახით გამოქვეყნდა.

ტრენინგი საერთაშორისო სისხლის სამართალში

შავი ზღვის საერთაშორისო უნივერსიტეტში რენე კასინის ფონდის - სტრასბურგის ადამიანის უფლებათა საერთაშორისო ინსტიტუტის მიერ ინიცირებული სამდღიანი ტრენინგი „საერთაშორისო სისხლის სამართალში“ მიმდინარეობს. პროექტი მიზნად ისახავს მონაწილეთა ცოდნის გაღრმავებას ადამიანის უფლებათა დაცვის შიდა და საერთაშორისო სამართალში, შესაბამისი სამართლებრივი მექანიზმებით უზრუნველყოფას და ფუნდამენტური უფლებების დარღვევის თავიდან აცილებას.