განათლების საერთაშორისო გამოფენა 2018

შავი ზღვის საერთაშორისო უნივერსიტეტი, ტრადიციულად, იღებს მონაწილეობას განათლების საერთაშორისო გამოფენაზე.

23-24 თებერვალს, ექსპო ჯორჯიას მე-11 პავილიონში იბსუს სტენდთან ფაკულტეტების წარმომადგენლები და მოხალისე სტუდენტები მომსვლელთ სასწავლო პირობებს და შეღავათებს, გაცვლით პროგრამებს, სასკოლო ოლიმპიადას თუ ყველა იმ სიახლეს გააცნობენ, რომელსაც მათ უნივერსიტეტი 2017-2018 სასწავლო წელს სთავაზობს.

 

აღსანიშნავია, რომ იბსუმ ნომინაცია "სტენდის დიზაინში ახალი კონცეფცია"-ში გაიმარჯვა.

ზამთრის სკოლა „ჩემი ბიზნეს გასაღები“

შავი ზღვის საერთაშორისო უნივერსიტეტის #IBSU ბიზნესის მართვის ფაკულტეტმა 17 თებერვლიდან 19 თებერვლის ჩათვლით, ზამთრის სკოლის ფარგლებში, ყოველწლიურ პროექტს: „ჩემი ბიზნეს გასაღები“ უმასპინძლა. პროექტის მიზანია მოსწავლეებს გაუზიაროს საუნივერსიტეტო ცხოვრების გამოცდილება, წარმოდგენა შეუქმნას საფაკულტეტო სასწავლო კურსებზე, მიაღებინოს ანალიტიკური, ჯგუფში მუშაობის, გადაწყვეტილების მიღების, პრაქტიკული ქეისების განხილვის გამოცდილება.

„სტრატეგიული დისკუსიები''

შავი ზღვის საერთაშორისო უნივერსიტეტის საერთაშორისო ურთიერთობების მიმართულების სტუდენტებმა მონაწილეობა მიიღეს პრეზიდენტის ადმინისტრაციისა და უშიშროების საბჭოს აპარატის მიერ გამართულ „სტრატეგიულ დისკუსიებში“. შეხვედრაში მონაწილეობდნენ საერთაშორისო და ადგილობრივი ექსპერტები, არასამთავრობო ორგანიზაციების აქტიური წარმომადგენლები და რამდენიმე ქართული უმაღლესი სასწავლებლის სტუდენტები.

არქიტექტურის ინგლისურენოვანი პროგრამა

 

ახალი სასწავლო წლიდან, შავი ზღვის საერთაშორისო უნივერსიტეტის პროგრამების ჩამონათვალს არქიტექტურის ინგლისურენოვანი პროგრამა დაემატება!

პროგრამამ აკრედიტაცია გაიარა და განათლების ბაზარზე იმით არის უნიკალური, რომ ერთადერთია სადაც ინგლისურენოვანი სწავლებაა.