იბსუს სტუდენტები DAAD-ის პროექტის გამარჯვებულები არიან და გერმანიაში გაემგზავრებიან

შავი ზღვის საერთაშორისო უნივერსიტეტის აკადემიურმა პერსონალმა კომპიუტერული ტექნოლოგიებისა და საინჟინრო საქმის ფაკულტეტის სტუდენტებმა DAAD-ის პრექტში გაიმარჯვეს და 28 აპრილიდან 9 მაისის ჩათვლით გერმანიაში გაემგზავრებიან.

სტუდენტები გერმანიის ორ უნივერსიტეტში The University of Applied Sciences Zwickau (WHZ)- სა და The University of Applied Sciences Dresden (HTW)-ში ვორქშოპებს გაივლიან. ასევე, ესტუმრებიან სხვადასხვა კომპანიას და სოციალურ პროქტებში ჩაერთვებიან.

ვიზიტი DAAD-ის ''Extension of Practical Oriented Study in Kyrgyzstan and Georgia" პროექტის ფარგლებში ხორციელდება და გერმანიის ეკონომიკური თანამშრომლობის და განვითარების ფედერალური სამინისტროს მიერ არის მხარდაჭერილი.

აღნიშნული თანამშრომლობა, 2019 წელს კიდევ უფრო გაღრმავებას და ერთობლივი კვლევებისა და პროექტების განხორციელებას ითვალისწინებს. ასევე, იგეგმება აკადემიური პერსონალის გაცვლითი პროგრამებში ჩართვაც.