საზაფხულო სკოლა 2019 - ანგლო-ამერიკული კულტურა

17-21 ივნისს შავი ზღვის საერთაშორისო უნივერსიტეტის განათლებისა და ჰუმანიტარულ მეცნიერებათა ფაკულტეტის ორგანიზებით, საქართველოს საჯარო და კერძო სკოლებისთვის იმართება ,,საზაფხულო სკოლა 2019 - ანგლო-ამერიკული კულტურა’’. თბილისისა და სხვადასხვა რეგიონების სკოლების მე-9, მე-10 და მე-11 კლასის მოსწავლეებს საშუალება აქვთ მონაწილეობა მიიღონ აღნიშნულ პროექტში და გეცნონ საუნივერსიტეტო გარემოს.

პროექტში მონაწილეობა უფასოა და მისი მიზანია, მონაწილეებს გააცნოს ანგლო-ამერიკული კონტექსტის სხვადასხვა ასპექტები: 
• ენა; 
• ლიტერატურა; 
• ხელოვნება;
• კულტურა;
• ღირსშესანიშნაობები და ა.შ.

ამის გარდა მოსწავლეები იმუშავებენ სხვადასხვა სახალისო პროექტებზე, პრეზეტაციებისა და გამოფენების მოწყობაზე. 
პროგრამა მიმდინარეობს ინგლისურ ენაზე; შესაბამისად, პროექტის მონაწილები გაივლიან პრაქტიკას ინგლისურ ენაში და გაეცნობიან ანგლო-ამერიკულ კულტურას.

პროექტს უძღვებიან ინგლისური ფილოლოგიისა და ამერიკათმცოდნეობის პროგრამის პროფესორები და სტუდენტები.

ბიზნესის მართვის ფაკულტეტის მკვლევარის ვიზიტი კემბრიჯის უნივერსიტეტში

20-22 მაისს შავი ზღვის საერთაშორისო უნივერსიტეტის ბიზნესის მართვის ფაკულტეტის მკვლევარმა გიორგი ყუფარაძემ მონაწილოება მიიღო ეკონომიკსის, მენეჯმენტისა და ფინანსების მეორე საერთაშორისო კონფერენციაში, კემბრიჯში დიდ ბრიტანეთში. წარდგენილ იქნა მოხსნება: კონკურენციისა და ანტიმონოპოლიური რეგულირების გამოწვევები (საქართველოს მაგალითი).

ვიზიტი განხორციელდა სსიპ შოთა რუსთაველის ეროვნული სამეცნიერო ფონდის მიერ დაფინანსებული საგრანტო პროექტის ფარგლებში: “საინვესტიციო აქტივობებზე კონკურენციის პოლიტიკის გავლენის შესწავლა” (YS17_90).

IBSU-ის სტუდენტებმა, კრაკოვში, მარკეტინგული სცენარის შექმნის ოლიმპიადაზე პირველი ადგილი დაიკავეს

შავი ზღვის საერთაშორისო უნივერსიტეტის ბიზნესის მართვის ფაკულტეტის მარკეტინგის პროგრამის კოორდინატორი კახაბერ ჯაყელი და მენეჯმენტის კოორდინატორი მაკა ბუღულაშვილის დოქტორანტურისა და ბაკალავრიატის სტუდენტებთან ერთად 17,18,19,20 მაისს მონაწილეობდნენ MBA კონგრესზე, რომელიც გაიმართა პოლონეთის ქალაქ კრაკოვში კრაკოვის ეკონომიკის უნივერსიტეტის ორგანიზებით.

აღსანიშნავია, რომ 20 მაისს კრაკოვის ეკონომიკის უნივერსიტეტში გაიმართა მარკეტინგული სცენარის შექმნის ოლიმპიადა, რომელიშიც 4 გუნდი მონაწილეობდა. IBSU-ის სტუდენტებმა აღნიშნულ ოლიმპიადაში პირველი ადგილი მოიპოვეს.

IBSU-ს დელეგაცია, ასევე ეწვია ხელოვნური ინტელექტის განვითარების სამეცნიერო და სასწავლო კერას, გაეცნო პოლონეთის ინდუსტრიას და დაესწრო ბიზნეს თემატიკაზე ჩატარებულ სემინარებს. პროფესორები შეხვდნენ პოლონეთის ბიზნეს სექტორისა და სხვადასხვა ქვეყნის უნივერსიტეტების წარმომადგენლებს, სტუდენტებმა კი შეიძინეს მრავალი მეგობარი კრაკოველ სტუდენტთა შორის.

„მოხალისე“ - ინგლისური ენა

IBSU-ში პროექტმოხალისე“- ინგლისური ენის კურის დასრულდა. სამი თვის განმავლობაში ინტენსიური მეცადნიეობების შემდგომ შემაჯამებელმა ღონისძიებამ ძალიან ამაღელვებლად ჩაიარა, ჩვენ მოხალისეებსა და მათ მოსწავლეებს გაუჭირდათ კურსის დასრულება საბოლოოდ, ღონისძიება საზეიმოდ დასრულდა და მონაწილეებს სერტიფიკატები გადაეცათ. განსაკუთრებული მადლობა პროექტმოხალისესერთგულ და თავდადებულ ტრენერებს, როლებიც ინგლისური ენის კურსს უძღვებოდნენ: ნიკა კობერიძეს, მეგი გოდერძიშვილს, მარიამ მურადელსა და მაგი გამსახურდიას. IBSU - კამპუსის გარშემო საქართველოს ოკუპირებული ტერიტორიებიდან დევნილი მოსახლეობა ცხოვრობს. წლების წინ დაახლოებით 200-მა ოჯახმა საკუთარი სახლ-კარი მიატოვა, დღეს მათი სოციალიზაცია შედგა, თუმცა აუცილებელია, გვახსოვდეს ჩვენი წარსული და საკუთარი წვლილი შევიტანოთ იძულებით გადაადგილებულ პირთა განვითარებასა და წინსვლაში. მოხალისეობრივი საქმიანობა არის ის, რაც გვეხმარება, რომ ჩვენი ცოდნა და გამოცდილება სხვა ადამიანებს გავუზიაროთ.

IBSU-ში განათლების საკითხებზე მე-9 საერთაშორისო კონფერენცია გაიმართა

შავი ზღვის საერთაშორისო უნივერსიტეტი „განათლების, ენის და ლიტერატურის საკითხებზე მეცხრე საერთაშორისო კვლევით კონფერენციას მასპინძლობს. შეხვედრას 27 ქვეყნის წარმომადგენელი ესწრება, მათ შორის: საფრანგეთის, საბერძნეთის, ჰონგ-კონგის, ამერიკის, ავსტრალიის, უნგრეთის, ისრაელის და სხვა ქვეყნების სამეცნიერო წრეებიდან. კონფერენცია საქართველოში ამერიკის შეერთებული შტატების ელჩის მოვალეობის შემსრულებლის მოადგილე ელიზაბედ რუდმა გახსნა.

„ძალიან მნიშვნელოვანია ეს ღონისძიება იმ მხრივ, რომ მასში ჩართულები არიან როგორც საქართველოს, ასევე უცხო ქვეყნების წარმომადგენლები, სტუდენტები, დოქტორანტები. ეს კონფერენცია, ასევე ძალიან მნიშვნელოვანია ინგლისური ენის განმტკიცების კუთხით და ეკონომიკური თვალსაზრისითაც. მოხარული ვარ, რომ მაქვს აქ ყოფნის შესაძლებლობა“, – განაცხადა ელიზაბედ რუდმა.

შავი ზღვის საერთაშორისო უნივერსიტეტის რექტორის ილიას ჩილოღლუს თქმით, შეხვედრაზე ბევრი საინტერესო საკითხი იქნება განხილული, მათ შორის განათლების სფეროში არსებული გამოწვევები და მათი გადაჭრის გზები.

„ ჩვენი მიზანია, ვისაუბროთ განათლების პრობლემებზე, თუ როგორ უნდა იქნას გადაჭრილი არსებული გამოწვევები, ვფიქრობ, ძალიან საინტერესო იქნება“, – განაცხადა ილიას ჩილოღლუმ. განათლების, მეცნიერებისა და კულტურის კომიტეტის თავმჯდომარემ მარიამ ჯაშმა ხაზი გაუსვა მსგავსი კონფერენციების აუცილებლობას: "საერთაშორისო თანამშრომლობის გაფართოების კუთხით საუნივერსიტეტო და სამეცნიერო სივრცეშიმსგავსი შეხვედრები არის უაღრესად მნიშვნელობანი" - მარიამ ჯაში.

IBSU-ს განათლების და ჰუმანიტარული მეცნიერებების ფაკულტეტის პროფესორი ნათელა დოღონაძე ამბობს, რომ საერთაშორისო კონფერენცია მრავალფეროვან თემატიკას მოიცავს და მათ შორისაა: განათლების ფილოსოფია, საკლასო ოთახის მენეჯმენტი, განათლების ფსიქოლოგია, ლინგვისტიკა, განათლების ტექნოლოგია, დისტანციური განათლება, მობილური სწავლება, ენების პროგრამების ევოლუცია და ა.შ. „ეს არის საერთაშორისო კვლევითი კონფერენცია განათლების, ენის და ლიტერატურის სწავლების მეთოდიკაზე, მე- 9 წელია ტარდება და წელს 27 ქვეყანა მონაწილეობს. თუ სახელმწიფოს წარმატება უნდა, განათლება არის ერთ-ერთი მთავარი ასპექტი ქვეყნის განვითარებისთვის. ეს არის თვალსაზრისებისა და ინფორმაციის გაზიარება განათლების სფეროში, გარდა ამისა, ეს არის შესანიშნავი ადგილი კონტაქტების დასამყარებლად. ყველანაირი საკითხი გვაქვს გამოტანილი, მაგალითად განათლების ფსიქოლოგია, სწავლების მეთოდები სხვადასხვა დარგების მიხედვით; არის ინჟინერია, ენების სწავლება, ასევე სასკოლო ასაკის, უმაღლესის და პოსტუმაღლესის სწავლების მეთოდები და ა.შ. კონფერენციის სამუშაო ენა არის ინგლისური, მნიშვნელოვანია, რომ მასალები ყოველთვის იბეჭდება და ჩვენს თანამშრომლებს და მაგისტრანტებს აქვთ შესაძლებლობა გაეცნონ, ეს მათთვის ძალიან დიდი შანსია მეცნიერულად განვითარდნენ“, – ამბობს ნათელა დოღონაძე. კონფერენცია შავი ზღვის საერთაშორისო უნივერსიტეტში ორი დღის მანძილზე გაგრძელდება.