•   ibsu  კურსდამთავრებულები

Counselling Line

Mail Mail

IBSU Movie

IBSU Media Chanel

IBSU 3D Tour


შავი ზღვის საერთაშორისო უნივერსიტეტის ბიზნესის მართვის ფაკულტეტის სტუდენტთა საყურადღებოდ! 
ძვირფასო სტუდენტებო, როგორც იცით ახალი სასწავლო წლიდან დაგეგმილი იყო ბიზნესის მართვის ფაკლულტეტის გადასვლა ახალ კამპუსში. დღევანდეი მონაცემებით კამპუსში ჯერ კიდევ მიმდინარეობს სარემონტო სამუშაოები, მოსაწესრიგებელია ეზო, სპორტული მოედნები. აღნიშნული ვითარებიდან გამომდინარე გაცნობებთ, რომ ახალ კამპუსში გადასვლა რამდენიმე თვით გადაიდება, ხოლო სასწავლო პროცესი განახლდება დათქმულ ვადებში, უნივერსიტეტის ძველ კამპუსში (დიღომში, აღმაშენებლის ხეივანზე მე13 კმ N2.).

პატივისცემით ადმნისტრაცია

 


შავი ზღვის საერთაშორისო უნივერსიტეტის ბიზნესის მართვის ფაკულტეტის სტუდენტთა საყურადღებოდ!
ძვირფასო სტუდენტებო, გაცნობებთ, რომ 2015-2016 სასწავლო წლის სექტემბრიდან, ბიზნესის მართვის ფაკლულტეტის ბაკალავრიატი სასწავლო პროცესს განაახლებს შავი ზღვის საერთაშორისო უნივესრსიტეტის ახალ, თანამედროვე კამპუსში, რომელიც მდებარეობს კახეთის გზატკეცილზე.
რუკებზე მოცემულია უნივერსიტეტის ადგილმდებარეობა და მისი მიმართულებით მოძრავი მუნიციპალური ტრანსპორტი (ყვითელი ავტობუსები). საჭიროების შემთხვევაში დაინიშნება დამატებითი ტრანსპორტი.



16 ივლისს საქართველოს ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტოს, შავი ზღვის საერთაშორისო უნივერსიტეტსა და კომპანია “სინგულარს” შორის ურთიერთთანამშრომლობის მემორანდუმი გაფორმდა. დოკუმენტს ხელი საქართველოს ინოვაციების და ტექნოლოგიების სააგენტოს თავმჯდომარემ ირაკლი ქაშიბაძემ, კომპანია ,,სინგულარის“ დირექტორმა აკაკი მელაძემ და შავი ზღვის უნივერსიტეტის კანცლერმა რესულ დიქმენიმ მოაწერეს.
მემორანდუმის საფუძველზე მხარეები ვებ და მობილური პროგრამირების მიმართულებით ინოვაციების ლაბორატორიას და სტარტაპ აქსელერატორს შექმნიან.
ლაბორატორიის მიზანია მოამზადოს პრაქტიკული ცოდნის მქონე მაღალკვალიფიციური კადრები, რომლებიც შეძლებენ მაღალანაზღაურებად პოზიციებზე დასაქმებას, ან საკუთარი მაღალტექნოლოგიური ბიზნეს საქმიანობის დაწყებას.
ინოვაციების ლაბორატორია წარმოადგენს პროექტს, რომელიც საგანმანათლებლო სფეროში კომპანიისა და სასწავლო დაწესებულების თანამშრომლობას ითვალისწინებს. ლაბორატორია აღჭურვილია უახლესი ტექნოლოგიებით, მოსწავლეები კი მათი გამოყენებით მუშაობენ ახალი, ინოვაციური პროექტების შექმნასა და განვითარებაზე. ლაბორატორიის პარტნიორი კომპანია კი სასწავლო პროცესებს ბაზრის მოთხოვნებზე ორიენტირებული ამოცანებით უზრუნველყოფს.
პროექტის ფარგლებში შავი ზღვის საერთაშორისო უნივერსიტეტში, ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტოსა და კომპანია “სინგულართან” თანამშრომლობით შეიქმნება ინოვაციური ლაბორატორია, რომელიც ვებ და მობილურ პროგრამირების მიმართულებით იმუშავებს. ლაბორატორია ხელს შეუწყობს ახალგაზრდების მიერ ინოვაციური პროექტების შემუშავებას.
გარდა ამისა, უნივერსიტეტისა და სააგენტოს თანამშრომლობით გაიხსნება სტარტაპ აქსელერატორი, რომელიც უნივერსიტეტის ბაზაზე შექმნილი ახალგაზრდული ინოვაციური ბიზნეს იდეების კონკრეტულ სტარტაპ კომპანიებად ქცევაზე იზრუნებს. აქსელერატორი უზრუნველყოფს ახალგაზრდებს, როგორც სამუშაო სივრცით, ისე ექსპერტული მენტორშიპითა და ტრენინგებით, რაც მნიშვნელოვანია ინოვაციური სტარტაპ იდეების ეფექტურად განვითარებისათვის.
ლაბორატორიის ბაზაზე გაიმართება სხვადასხვა ღონისძიებები, სემინარები, მასტერკლასები, ტრენინგები და ახალგაზრდული კონკურსები, მათ შორის ე.წ. ჰაკათონები.
ეს იქნება ინოვაციების რიგით მეექვსე ლაბორატორია, რომელიც სააგენტოს ხელშეწყობით შეიქმნება.



23-24 ივნისს შავი ზღვის საერთაშორისო უნივერსიტეტმა უმასპინძლა ლა მანშის ტემპუსის ფარგლებში კონფერენციას თემაზე: უმაღლეს განათლებაში ცვლილებების მართვა. ლა მანშის პროექტის ძირითად მიზანს წარმოადგენს სომხეთში, ბელორუსიაში, საქართველოში, მოლდოვასა და უკრაინაში უმაღლესი განათლების მოდერნიზაციის ხელშეწყობა. ლა მანშის კონსორციუმი წარმოადგენს 29 დაწესებულების ამხანაგობას - 23 უმაღლესი სასწავლებელი აღმოსავლეთ სამეზობლო რეგიონებიდან, 5 ევროკავშირის ქვეყნებიდან და ერთი ბიზნესის განვითარების კომპანია გაერთიანებული სამეფოდან. კონსორციუმი წარმოდგენილია 10 ქვეყნით: 5 პარტნიორი ქვეყანა აღმოსავლეთ სამეზობლო რეგიონიდან - სომხეთი, ბელორუსია, საქართველო, მოლდოვა და უკრაინა და 5 ევროკავშირის ქვეყანა - ბულგარეთი, საფრანგეთი, საბერძნეთი, პორტუგალია და გაერთიანებული სამეფო.

კონფერენცია გახსნა შავი ზღვის საერთაშორისო უნივერსიტეტის პრორექტორმა, ქალბატონმა ნათელა დოღონაძემ და ეროვნული ერასმუს+ საქართველოს წარმომადგენელმა ქალბატონმა ნინო ურუშაძემ. ლა მანშის პროექტსა და სტრატეგიებზე ისაუბრა პროექტის კოორდინატორმა კრისტინა არმუტლიევამ. კონფერენციის ძირითადი მომხსენებლები იყვნენ ირინე დარჩია - განათლებისა და მეცნიერების სამინისტრო; ლაშა მარგიშვილი - განათლების ხარისხის ხელშეწყობის ეროვნული ცენტრი; მელანი შოუ - ბირმინგამის საუნივერსიტეტო კოლეჯი, გაერთიანებული სამეფო; ნეტკა დიმიტროვა - ვარნას მენეჯმენტის უნივერსიტეტი, ბულგარეთი; ჟოზე ლუის პარდაო ექსპოსდო და ლეონელ დომინგეს დუესდადო - ბრაგანცას პოლიტექნიკური უივერსიტეტი, პორტუგალია;  ძირითადი აქცენტი გაკეთებული იყო უმაღლესი განათლების ინსტიტუტების მოდერნიზებასა და განვითარებაზე.



  1. 2015 წლის 26 ივნისიდან 2015 წლის 30 ივნისის ჩათვლით - შავი ზღვის საერთაშორისო უნივერსიტეტის აკადემიურ პროგრამებზე ვაკანტური ადგილების რაოდენობის განსაზღვრა;
  2. 2015 წლის 1 ივლისიდან 2015 წლის 10 ივლისის ჩათვლით - შიდა მობილობაში მონაწილეობის მსურველ სტუდენტთა განცხადებების მიღება/რეგისტრაცია (შესაბამის ფაკულტეტებზე);
  3. 2015 წლის 13 ივლისიდან 2015 წლის 24 ივლისის ჩათვლით - კრედიტების აღიარება და ჩასარიცხ პირთა შესახებ შავი ზღვის საერთაშორისო უნივერსიტეტის ფაკულტეტების გადაწყვეტილების და დასკვნების მომზადება;
  4. 2015 წლის 20 აგვისტოდან 2015 წლის 21 აგვისტოს ჩათვლით - შავი ზღვის საერთაშორისო უნივერსიტეტსა და შიდა მობილობაში მონაწილე სტუდენტთა შორის ახალი ხელშეკრულების გაფორმება;
  5. 2015 წლის 24 აგვისტო - შიდა მობილობის წესით ახალ ფაკულტეტებზე ჩასარიცხ პირთა შესახებ რექტორის ბრძანების მომზადება.

ამა წლის 17 და 22 ივნისს, შავი ზღვის საერთაშორისო უნივერსიტეტის პრორექტორი განათლების დარგში, პროფ. დოქტ. ნათელა დოღონაძემ ჩაატარა შემაჯამებელი შეხვედრა ფაკულტეტის დეკანებთან, უნივერსიტეტის ხარისხის მართვის სამსახურის უფროსთან, ფაკულტეტის ხარისხის მართვის მენეჯერებთან და უნივერსიტეტის იურისტთან.

შეხვედრაზე განიხილეს 2014-2015 სასწავლო წლის განმავლობაში საგანმანათლებლო პროცესთან დაკავშირებული საკითხები და  ფაკულტეტების მიერ წარდგენილი წლიური ანგარიშები, რის შედეგადაც შეაჯამეს მათი შედეგები და იმსჯელეს სასწავლო პროცესის მარეგულერებელი წესის სრულყოფაზე, ასევე მომავალი სასწავლო წლის საგანმანათლებლო საქმიანობების შესახებ.



შავი ზღვის საერთაშორისო უნივერსიტეტის აკადემიური პერსონალისთვის ტარდება ტრენინგ კურსები. ლექტორთა ხმათა უმრავლესობით შეირჩა სამი თემა: „თვით-განვითარება“ (Self-Development),  „წყვილში და ჯგუფში მუშაობა“ (Organizing Pair and Group Work)  და „ინტერაქტიური ლექცია“ (Interactive Lecture)

ამა წლის 16 ივნისს, შზსუ-ს განათლებისა და ჰუმანიტარულ მეცნიერებათა ფაკულტეტის პროფესორმა ეკატერინე ფიფიამ ჩაატარა რიგით მეორე ტრენინგი თემაზე: „წყვილში და ჯგუფში მუშაობა“, რომელსაც ესწრებოდა უნივერსიტეტის აკადემიური და ადმინისტრაციული პერსონალის 23 თანამშრომელი. შეხვედრა იყო ძალზედ  ეფექტური, ტრენინგი ატარებდა ინტერაქტიურ ხასიათს, სადაც ლექტორები  საინტერესო აქტივობებს გაეცნენ.

შეგახსენებთ, რომ მომდევნო ტრენინგ კურსი თემაზე „ინტერაქტიურ ლექცია“, მას ჩაატარებს ამავე ფაკულტეტის ასოცირებული პროფესორი ნიკოლოზ ფარჯანაძე, სამშაბათს, 23 ივნისს 3 საათზე (ადმინისტრაციული შენობა, მე-2 სართული, ოთახი #214).



შავი ზღვის საერთაშორისო უნივერსიტეტი შუერთდა საქველმოქმედო ღონისძიებებს, რომლებიც მიმართულია დაზარალებულთა ოჯახების დასახმარებლად და ქალაქის რეკონსტრუქციისათვის!

ღონისძიების ფარგლებში უნივერსიტეტმა თავისი წვლილი შეიტანა საკვებისა და წყლის უზრუნველყოფის საკითხში. ასევე მოხალისე სტუდენტებისა და ადმინისტრაციის ჩართულობით მონაწილეობა მიიღო დედაქალაქის დასუფთავებაში.

შავი ზღვის საერთაშორისო უნივერსიტეტი დიდ მადლობას უხდის ყველა მოხალისეს, რომელიც ჩართული იყო ზემოთ ხსენებულ ღონისძიებებში!



შავი ზღვის საერთაშორისო უნივერსიტეტი ღრმა მწუხარებას გამოთქვავს 2015 წლის 13 ივნისს დედაქალაქში სტიქიური მოვლენებით გამოწვეული შედეგების გამო და უსამძიმრებს სტიქიის შედეგად დაღუპულთა ოჯახებს!

უნივერსიტეტი უერთდება საქველმოქმედო ღონისძიებებს, რომლებიც მიმართულია დაზარალებულთა ოჯახების დასახმარებლად და ქალაქის რეკონსტრუქციისათვის!


12 ივნისს შავი ზღვის საერთაშორისო უნივერსიტეტში რიგით მე-16 გამოსაშვები საღამო გაიმართა.

წელს უნივერსიტეტი 276-მა წარმატებულმა სტუდენტმა დაამთავრა. ცერემონიალზე სხვადასხვა კონკურსებსა და კონფერენციებში გამოვლენინ სტუდენტებს სერთიფიკატები გადაეცათ.

ცერემონიალზე დასახელდა 4 ძირითადი ფაკულტეტის (ბიზნესის მართვის ფაკულტეტი; სოციალურ მეცნიერებათა ფაკულტეტი; კომპიუტერული ტექნოლოგიებისა და საინჟინრო საქმის ფაკულტეტი; განათლებისა და ჰუმანიტარულ მეცნიერებათა ფაკულტეტი) ყველაზე მაღალი აკადემიური მოსწრების მქონე სტუდენტები.

გამოსაშვებ საღამოზე დამსწრე საზოგადოებას სიტყვით მიმართა შავი ზღვის საერთაშორისო უნივერსიტეტის რექტორმა, ილიას ჩილოღლუმ. მან შეაჯამა გასული ოთხი წელი და წარმატება უსურვა კურსდამთავრებულებს სამომავლო საქმიანობაში.

მთლიანად საღამომ ემოციურად ჩაიარა, სტუდენტების ცხოვრებაში კიდევ ერთი უმნიშვნელოვანესი ეტაპი დასრულდა. 

შავი ზღვის საერთაშორისო უნივერსიტეტი ულოცავს სტუდენტებს საბაკალავრო საფეხურის დამთავრებას და წარმატებას უსურვებს როგორც პირად, ასევე პროფესიულ განვითარებაში!

სრული ალბომი


ამა წლის 11 და 12 ივნისს შავი ზღვის საერთაშორისო უნივერსიტეტი მასპინძლობს ექსპერტთა ჯგუფს TEMPUS პროექტის MAHATMA-ს საერთაშორისო პილოტირებასთან დაკავშირებით. ექპერტთა ჯგუფში შედიან სპეციალისტები დიდი ბრიტანეთიდან, სომხეთიდან და წარმომადგენლები საქართველოს განათლების ხარისხის განვითარების ეროვნული ცენტრიდან. 

ვიზიტის პროცესში ისინი შეხვდნენ შზსუ-ს რექტორს, ასოც. პროფ. დოქტ. ილიას ჩილოღლუს, უმაღლესი განათლების ადმინისტრირების სამაგისტრო პროგრამის აკადემიურ პერსონალს, ხარისხის უზრუნველყოფის სამსახურის უფროსს, ქ-ნ დიანა მჭედლიშვილს და მთლიანი ხარისხის მართვის სამსახურის უფროსს ბ-ნ მურათ ერგუვანს. 

შეხვედრა იგეგმება ასევე სტუდენტებთან, კურსდამთავრებულებთან და დამსაქმებლებთან.



2015 წლის 8 ივნისს გაფორმდა მემორანდუმი შავი ზღვის საერთაშორისო უნივერსიტეტსა და საქართველოს სახელმწიფო მოდერნიზაციის ინსტიტუტს შორის. მემორანდუმის ფარგლებში თანამშრომლობა ითვალისწინებს ერთობლივი პროექტების განხორციელებას, სტაჟირების პროგრამების ამოქმედებას იბსუს სტუდენტებისთვის, ასევე ერთობლივ სემინარებს, საგანმანათლებლო შეხვედრების გამართვას და ა.შ.
მემორანდუმის ხელმოწერის ცერემონიაზე საუბარი შეეხო ინსტიტუტის მიერ დაგეგმილ აქტივობებს, პროექტებსა და თანამშრომლობის სამომავლო პერსპექტივებს. შეხვედრას ესწრებოდნენ ინსტიტუტის კოლეგიის წევრები: გიორგი კობერიძე, გიორგი თუთბერიძე და გიორგი ლემონჯავა
უნივერსიტეტის მხრიდან მემორანდუმს ხელი მოაწერა რექტორმა პროფესორმა ილიას ჩილოღლუმ, ხოლო საქართველოს სახელმწიფო მოდერნიზაციის ინსტიტუტის მხრიდან - კოლეგიის სამივე წევრმა.



ამა წლის 5 და 6 ივნისს შავი ზღვის საერთაშორისო უნივერსიტეტის წარმომადგენლები, პრორექტორი სამეცნიერო-კვლევით დარგში პროფ. დოქტ. ილიას უსთუნიერი და განათლებისა და ჰუმანიტარულ მეცნიერებათა ფაკულტეტის დეკანი პროფ. დოქტ. თამარ შიოშვილი დაესწრნენ საერთაშორისო უნივერსიტეტების ასოციაციის მიერ ორგანიზებულ მე-5 საერთაშორისო კონგრესს თემაზე „ტენდენციები უმაღლეს განათლებაში: მესამე თაობის უნივერსიტეტები“. 2 დღიან კონგრესს ასევე ესწრებოდნენ ამერიკის, ევროპის, აზიისა და აფრიკის ქვეყნების უნივერსიტეტების რექტორები და დეკანები, სადაც განიხილეს მესამე თაობის უნივერსიტეტების ამჟამინდელი და მომავალი მდგომარეობა, უახლესი ინოვაციური პროდუქციის ან/და მომსახურებების დანერგვასა და ცოდნის ტრანსფორმაციასთან (ტრანსფორმირება/გარდაქმნა) დაკავშირებული საკითხები.
ჩვენი უნივერსიტეტის პროფესორებმა სხვა უნივერსიტეტის წარმომადგენლებთან ერთად ისაუბრეს ისეთ მნიშვნელოვან საკითხებზე, როგორიცაა საერთაშორისო პლატფორმის შექმნა, რომელიც ხელს შეუწყობს ცოდნისა და გამოცდილების გაზიარებას, უზრუნველყოფს მესამე თაობის უნივერსიტეტების სტრატეგიულ პარტნიორებთან სამეწარმეო განათლების სფეროში გრძელვადიან თანამშრომლობას.



10 ივნისს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე შავი ზღვის საერთაშორისო უნივერსიტეტის სტუდენტებსა და პროფესორ-მასწავლებლებს შეხვდა.

უნივერსიტეტში გამართულ ლექციაზე სახელმწიფო მინისტრმა საქართველოს ნატოსა და ევროკავშირში ინტეგრაციის პროცესზე ისაუბრა. დავით ბაქრაძემ ყურადღება გაამახვილა ასოცირების შეთანხმების განხორციელების პროცესში მიმდინარე, ასევე, მომავალში დაგეგმილ რეფორმებზე, აღმოსავლეთ პარტნიორობის რიგის სამიტის შედეგებსა და ევროკავშირთან სავიზო რეჟიმის ლიბერალიზაციის პერსპექტივებზე. სახელმწიფო მინისტრმა დეტალურად ისაუბრა ევროკავშირთან უვიზო მიმოსვლის წესებსა და უფლება-მოვალეობებზე და ხაზი გაუსვა ამ კუთხით საქართველოს მოსახლეობის ინფორმირებულობის ამაღლების მნიშვნელობას.

ნატოში ინტეგრაციის პროცესზე საუბრისას დავით ბაქრაძემ არსებითი პაკეტის განხორციელებაზე, ჩრდილო-ატლანტიკური ალიანსის ვარშავის სამიტისთვის მზადებასა და მოლოდინებზეც გაამახვილა ყურადღება. შეხვედრა კითხვა-პასუხის რეჟიმში გაიმართა.

ვიზიტის ფარგლებში დავით ბაქრაძე გაეცნო უნივერსიტეტის სასწავლო გარემოს, ასევე გაეცნო ბიბლიოთეკაში არსებულ NATO-ს საინფორმაციო კუთხეს.



შავი ზღვის საერთაშორისო უნივერსიტეტის აკადემიური პერსონალისთვის ტარდება ტრენინგ კურსები. ლექტორთა ხმათა უმრავლესობით შეირჩა სამი თემა: „თვით-განვითარება“ (Self-Development), „წყვილში და ჯგუფში მუშაობა“ (Organizing Pair and Group Work) და „ინტერაქტირუი ლექცია“ (Interactive Lecture). ტრენინგი ტარდება ინგლისურ ენაზე და მისი ხანგრძლივობაა 1,5 - 2 საათი. ტრენინგ კურსების მიზანია ხელი შეუწყოს შზსუ-ს აკადემიურ თანამშრომლებს კვალიფიკაციის ამაღლებასა და პროფესიულ განვითარებას. რეგისტრაცია მიმდინარეობს წინასწარ, მსურველს შეუძლია დაესწროს სამივე ტრენინგს. დასრულების შემდეგ მონაწილეს გადაეცემა დასწრების სერტიფიკატი.

ამა წლის 5 ივნისს შზსუ-ს პრორექტორმა განათლების დარგში პროფ. დოქტ. ნათელა დოღონაძემ ჩაატარა პირველი ტრენინგი თემაზე: „თვით-განვითარება“, რომელსაც ესწრებოდა უნივერსიტეტის აკადემიური და ადმინისტრაციული პერსონალის 24 თანამშრომელი, შეხვედრამ ჩაიარა ძალიან ნაყოფიერად. ტრენინგი ატარებდა ინტერაქტიურ ხასიათს, სადაც ლექტორები აქტიურად იყვნენ ჩართულნი ტრენინგის პროცესში.
მომდევნო ტრენინგ კურსები თემაზე „წყვილში და ჯგუფში მუშაობა“ ჩატარდება განათლებისა და ჰუმანიტარულ მეცნიერებათა ფაკულტეტის პროფ. დოქტ. ეკატერინე ფიფიას მიერ.



5 ივნისს შავი ზღვის საერთაშორისო უნივერსიტეტში კიბერუსაფრთხოების ბიუროსა და საქართველოს ექვსი წამყვანი უნივერსიტეტის წარმომადგენლებს შორის შეხვედრა გაიმართა. 
შეხვედრის მონაწილეებს შზსუ-ს რექტორმა პროფესორმა ილიას ჩილოღლუმ მიმართა და გამოთქვა იმედი, რომ აღნიშნული ღონისძიება საფუძველს ჩაუყრის კიბერუსაფრთხოების სფეროში სახელმწიფოსა და აკადემიურ წრეებს შორის ეფექტურ თანამშრომლობას. 
კიბერუსაფრთხოების ბიუროს მხრიდან შეხვედრას უძღვებოდა ბიუროს დირექტორი ბატონი ანდრია გოცირიძე. თავისი გამოსვლისას მან ისაუბრა კიბერუსაფრთხოების სფეროში არსებულ პრობლემებსა და გამოწვევებზე, მოკლედ აღწერა ბიუროს მუშაობის სპეციფიკა და უმაღლეს სასწავლებლებს დაგროვილი გამოცდილების/ცოდნის გაზიარებისკენ მოუწოდა. ღონისძიებაზე მოწვეული იყვნენ თბილისის სახელმწიფო უნივერსიტეტის, საქართველოს ტექნიკური უნივერსიტეტის, თავისუფალი უნივერსიტეტის, საქართველოს უნივერსიტეტისა და კავკასიის უნივერსიტეტის სამართლისა და საინფორმაციო ტექნოლოგიების ფაკულტეტების დეკანები, დეკანის მოადგილეები და შესაბამისი პროგრამების კოორდინატორები. შეხვედრისას სტუმრებმა დააფიქსირეს მზადყოფნა სამომავლო თანამშრომლობისთვის, მოხდა იდეებისა და ახალი პროექტების შესახებ ინფორმაციის გაცვლა და დაიგეგმა თანამშრომლობის კონკრეტული ფორმატები. 
შავი ზღვის საერთაშორისო უნივერსიტეტის მხრიდან შეხვედრას ესწრებოდნენ სოციალურ მეცნიერებათა ფაკულტეტის დეკანი ბაია ივანეიშვილი, დეკანის მოადგილეები, ასევე კომპიუტერული ტექნოლოგიებისა და ინჟინერიის ფაკულტეტის წარმომადგენლები. 
კიბერუსაფრთხოების ბიუროსა და უმაღლესი სასწავლებლების წარმომადგენლებს შორის შეხვედრები კვლავ გაგრძელდება, შავი ზღვის საერთაშორისო უნივერსიტეტი კი გამოხატავს მზადყოფნას უმასპინძლოს მსგავსი ტიპის ღონისძიებებს და მხარი დაუჭიროს კიბერუსაფრთხოების სფეროში სხვადასხვა პროექტისა თუ ინიციატივის განხორციელებას.



4 ივნისს შავი ზღვის საერთაშორისო უნივერსიტეტმა გაეროს დებატების კვირეულის ფარგლებში პარტია „თავისუფალი დემოკრატების“ თავმჯდომარეს, ირაკლი ალასანიას უმასპინძლა.

ბატონმა ირაკლიმ დელეგატებთან ისაუბრა საქართველოსა და ევროკავშირის ურთიერთობებზე, საქართველოს განვითარების ეტაპებზე 90-იანი წლებიდან დღემდე. ასევე ყურადღება გაამახვილა დიდი ბრიტანეთისა და ჩინეთის იდეოლოგიებზე.

საჯარო ლექციის დასრულების შემდეგ ბატონ ირაკლის შეხვდა შავი ზღვის საერთაშორისო უნივერსიტეტის რექტორი, ილიას ჩილოღლუ. შეხვედრაზე ბატონმა ილიასმა სტუმარს გააცნო ინფორმაცია უნივერსიტეტის, გაცვლითი პროგრამებისა და სამომავლო გეგმების შესახებ. შეხვედრის ბოლოს ირაკლი ალასანიას გადაეცა სიმბოლური საჩუქარი უნივერსიტეტის სახელით.

მოგახსენებთ, რომ შეხვედრა საქართველოს გაეროს მოდელირების ასოციაციის (Georgian Model United Nations Association) ინიციატივით გაიმართა.
https://www.facebook.com/georgianMUN



4 ივნისს შავი ზღვის საერთაშორისო უნივერსიტეტმა გაეროს დებატების კვირეულის ფარგლებში საქართველოს პარლამენტის ბოლო მოწვევის დეპუტატს, ომარ ნიშნიანიძეს უმასპინძლა.

ბატონმა ომარმა დელეგატებთან ისაუბრა პოლიტიკური პარტიების იდეოლოგიებსა და მათ მნიშვნელობაზე. მან პროექტის მონაწილეებს ისტორიულ ჭრილში გააცნო პოლიტიკური პარტიების იდეოლოგიები, მათი განვითარება და როლი ქვეყნის პოლიტიკურ განვითარებაში.

საჯარო ლექციის დასრულების შემდეგ ბატონ ომარს შეხვდა შავი ზღვის საერთაშორისო უნივერსიტეტის რექტორი, ილიას ჩილოღლუ. შეხვედრაზე ბატონმა ილიასმა სტუმარს გააცნო ინფორმაცია უნივერსიტეტის, გაცვლითი პროგრამებისა და სამომავლო გეგმების შესახებ. შეხვედრის ბოლოს ომარ ნიშნიანიძეს გადაეცა სიმბოლური საჩუქარი უნივერსიტეტის სახელით.

მოგახსენებთ, რომ შეხვედრა საქართველოს გაეროს მოდელირების ასოციაციის (Georgian Model United Nations Association) ინიციატივით გაიმართა.
https://www.facebook.com/georgianMUN



2015 წლის 2 ივნისს საქართველოს ესტონეთის პრეზიდენტი ტომას ჰენდრიკ ილვესი ეწვია, ორდღიანი ვიზიტის ფარგლებში პრეზიდენტმა მოლაპარაკებები გამართა ქვეყნის უმაღლეს პირებთან და საჯარო და სამოქალაქო სექტორის წამრომადგენლებთან.
3 ივნისს ბატონ ილვესთან შეხვედრას სასტუმრო Rooms Hotel Tbilisi-ში ესწრებოდნენ შავი ზღვის საერთაშორისო უნივერსიტეტის სოციალურ მეცნიერებათა ფაკულტეტის მეორე და მესამე კურსის სტუდენტები. შეხვედრაზე ბატონმა პრეზიდენტმა ისაუბრა საქართველოს ევრო და ჩრდილოატლანტიკური ინტეგრაციის პერსპექტივებზე, ესტონეთის გამოცდილებაზე ამ მიმართულებით და ესტონეთის, როგორც ევროატლანტიკური ინტეგრაციის მხარდამჭერი ქვეყნის როლზე საქართველოსთვის.



4 ივნისს შავი ზღვის საერთაშორისო უნივერსიტეტში ტელეკომპანია "რუსთავი 2-ის" გენერალურმა დირექტორმა ნიკა გვარამიამ საჯარო ლექცია თემაზე „მედია მენეჯმენტი“ წაიკითხა.
ლექციას შავი ზღვის საერთაშორისო უნივერსიტეტის გარდა სხვადასხვა სასწავლებლის სტუდენტებიც დაესწრნენ. ლექციის ბოლოს სტუმარმა სტუდენტების შეკითხვებს უპასუხა.
შეხვედრა "IBSU მედია კლუბის" ორგანიზებით გაიმართა.



4 ივნისს, "თბილისის გაეროს დებატების კვირეული 2015" -ის ფარგლებში შავი ზღვის საერთაშორისო უნივერსიტეტში, რესპუბლიკური პარტიის პოლიტიკური მდივანი შეხვდა უნივერსიტეტის რექტორს ბატონ ილიას ჩილოღლუს.
შეხვედრის დასასრულს ბატონ დავითს რექტორმა სიმბოლური საჩუქარი გადასცა უნივერსიტეტისგან სამახსოვროდ.
ბატონმა დავითმა ასევე საჯარო ლექცია ჩაატარა პროექტის მონაწილეებისათვის, მან რესპუბლიკური პარტიის შექმნის ისტორიასა და პარტიის პოლიტიკურ იდეოლოგიაზე, საქართველოსა და სხვა ქვეყნების საგარეო პოლიტიკის შესახებ ისაუბრა და მონაწილეთა შეკითხვებს უპასუხა.
შეხვედრა საქართველოს გაეროს მოდელირების ასოციაციის ინიციატივით გაიმართა. Georgian Model United Nations Association https://www.facebook.com/georgianMUN



შავი ზღვის საერთაშორისო უნივერსიტეტმა გულითადი გაცილება მოუწყო კომპიუტერული ტექნოლოგიებისა და საინჟინრო საქმის ფაკულტეტის ლექტორებს: ასოც. პროფ. დოქტ. ჯაბირ ერგუვენს, რომელსაც დიდი ხნის განმავლობაში ეკავა, როგორც დეკანის, ასევე ამავე ფაკულტეტის სხვადასხვა აკადემიური თანამდებობები და ამავე ფაკულტეტის ლექტორს ასოც. პროფ. მეჰთაფ ერგუვენს.

გამოსამშვიდობებელ შეხვედრაზე, შზსუ-ს რექტორმა, ასოც. პროფ. დოქტ. ილიას ჩილოღლუმ გაიხსენა ასოც. პროფ. დოქტ. ჯაბირ ერგუვენთან ერთად გატარებული დრო და მის საქმიანობასთან დაკავშირებული წლები. ბ-ნ რექტორმა უნივერსიტეტის სახელით უსურვა მათ კარიერული წინსვლა და წარმატებები ახალ საქმიანობაში. შეხვედრას ესწრებოდნენ შზსუ-ს აკადემიური და ადმინისტრაციული თანამშრომლები, რომელთაც გამოთქვეს კეთილი სურვილები და განშორებით გამოწვეული ემოცია გამოხატეს.

ბ-ნ ჯაბირმა დამსწრე საზოგადოებას და ზოგადად, ქართველ ხალხს მადლობა გადაუხადა მოღვაწეობის 20 წლის განმავლობაში მის და მისი ოჯახის მიმართ გამოხატული გულწრფელი თანადგომისათვის, რამაც წარუშლელი კვალი დატოვა მის და მისი ოჯახის წევრების გულებში.



2 ივნისს შავი ზღვის საერთაშორისო უნივერსიტეტს საქართველოს საბიბლიოთეკო ასოციაციის აღმასრულებელ დირექტორ, ბ-ნ ირაკლი ღარიბაშვილთან ერთად ეწვია Nature და Palgrave Macmillan-ის წარმომადგენელი ქ-ნ ელიზაბეტ დეტისოვა.

Nature და Palgrave Macmillan ცნობილია ელექტრონული წიგნების, ჟურნალებისა და სტატიების გამომცემლობით. ქ-ნ ელიზაბეტმა დამსწრე საზოგადოებას გააცნო გამომცემლობის საქმიანობა და გაწევრიანების პირობები. მისი სტუმრობის ძირითადი თემა ეხებოდა Nature და Palgrave Macmillan-ის ინტერფეისს, კერძოდ თუ როგორ ხდება ინფორმაციის მოძიება აღნიშნულ გამომცემლობის მონაცემთა ბაზებში. ასევე დასძინა, რომ შზსუ-ს, როგორც საქართველოს საბიბლიოთეკო კონსორციუმის წევრ უნივერსიტეტს 5 მარტიდან 19 ივნისამდე საცდელი ვადით ექნება უფასო წვდომა Nature და Palgrave Macmillan-ის მონაცემთა ბაზებზე.

შეხვედრას ესწრებოდნენ შზსუ-ს რექტორი ბ-ნ ილიას ჩილოღლუ, პრორექტორი განათლების დარგში პროფ. დოქტ. ნათელა დოღონაძე, პრორექტორი სამეცნიერო-კვლევით დარგში პროფ. დოქტ. ილიას უსთუნიერი და ფაკულტეტის დეკანები. შეხვედრამ ჩაირა კითხვა-პასუხის რეჟიმში, სადაც სტუმარმა ამომწურავი პასუხი გასცა მისთვის დასმულ კითხვებს. შეხვედრაზე ასევე განხილულ იქნა მომავალი თანამშრომლობის პერსპექტივები.



25-26 მაისს შუა აღმოსავლეთის ტექნიკური უნივერსიტეტის (ODTU) ინგლისური ენის დეპარტამენტის ორგანიზებით თურქეთის დედაქალაქ ანკარაში ჩატარდა ინგლისური ენის სწავლებისადმი მიძღვნილი მე-12 საერთაშორისო კონვენცია. კონვენცია ტარდება ყოველ ორ წელიწადში ერთხელ და მთელი მსოფლიოდან იზიდავს ინგლისური ენის სწავლების დარგის ცნობილ მეცნიერებს. გამონაკლისი არც წლევანდელი წელი იყო. მთვარი მომხსენებლების, დოქტ. ლუკ პროდრომოუს, დოქტ. დინა ბორაის, ლინდსი კლენფილდის, დეივიდ გიბსონის, დოქტ. სურეშ კანაგარაჯას და დოქტ. ბეთილ ეროზ-ტუგას წყალობით კონვენცია მონაწილეთათვის დაუვიწყარ გამოცდილებად იქცა. სესიებსა და ვექშოფებში მონაწილეებმა გაიღრმავეს ცოდნა და გამოცდილება ინგლისური ენის სწავლების მეთოდოლოგიის კუთხით. შავი ზღვის საერთაშორისო უნივერსიტეტის ასოც. პროფ. დოქტ. ნიკოლოზ ფარჯანაძემ და ასოც. პროფ. დოქტ. მეჰმედ შაჰინერმა წარმოადგინეს მათ მიერ ჩატარებული კვლევის ,,ინგლისურის, როგორც უცხოური ენის შემსწავლელთა ინტერესების კვლევა მრავალფეროვან გარემოში სტუდენტთა მოთხოვნების ანალიზის ფონზე“ შედეგები. შავი ზღვის საერთაშორისო უნივერსიტეტმა სრულად დააფინანსა ინგლისური ინგლისური ფილოლოგიის პროგრამის დამამთავრებელი კურსის სამი სტუდენტი ქეთევან მჭედლიძე, თინათინ მჭედლიძე და ქამანდარ თეიმურზადა, რათა ისინი დასწრებოდნენ კონვენციას და მიეღოთ პროფესიული ზრდისა და კარიერული განვითარებისათვის აუცილებელი გამოცდილება.



29 მაისს შავი ზღვის საერთაშორისო უნივერსიტეტში გაიმართა კონფერენცია თემაზე ,,სამედიცინო ტურიზმი - გამოწვევები და პერსპექტივები“.

ღონისძიების გახსნაზე დამსწრე საზოგადოებას სიტყვით მიმართა შავი ზღვის საერთაშორისო უნივერსიტეტის რექტორმა, ილიას ჩილოღლუმ და ბიზნესის მართვის ფაკულტეტის დეკანმა, მეთინ მერჯანმა.

კონფერენციის ძირითადი მომხსენებლები გახლდათ: თბილისის ბალნეოლოგიური კურორტის, საქართველოს კურორტოლოგიის, ფიზიოთერაპიის, რეაბილიტაციისა და სამედიცინო ტურიზმის ს/პრ ცენტრის გენერალური დირექტორი, ნიკოლოზ სააკაშვილი; სამედიცინო ტურიზმის ექსპერტი და კომპანია ,,მედტური საქართველოს“ დამფუძნებელი, პაატა რატიანი.

ღონისძიებაში მონაწილეობა მიიღო 9 უმაღლესი სასწავლებლის (შავი ზღვის საერთაშორისო უნივერსიტეტის, ილიას სახელმწიფო უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტის, აკაკი წერეთლის სახელმწიფო უნივერსიტეტის, საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის, საქართველოს უნივერსიტეტის, სოხუმის უნივერსიტეტის, საქართველოს შოთა რუსთაველის თეატრისა და კინოს სახელმწიფო უნივერსიტეტის, გურამ თავართქილაძის საწავლო უნივერსიტეტის) ბაკალავრიატის, მაგისტრატურის, დოქტორანტურის საფეხურების სტუდენტებმა და აღნიშნული უნივერსიტეტების პროფესორებმა. ღონისძიების მონაწილეები ასევე გახლდათ: ტურიზმის ეროვნული ადმინისტრაცია; კომპანია ,,სევენთი“; ტურისტული სააგენტოები; პროფესიული კოლეჯი ,,იკაროსი“; არასამთავრობო ორგანიზაციის წევრები და წარმომადგენლები.

მოგახსენებთ, რომ კონფერენციის მთავარი ორგანიზატორი შავი ზღვის საერთაშორისო უნივერსიტეტი გახლდათ.
შეხვედრის მთავარ მიზანს სამედიცინო ტურიზმის პროპაგანდა და საზოგადოებაში ინფორმაციის ხელმისაწვდომობის გაზრდა წარმოადგენდა.



2015 წლის 27 მაისს გაფორმდა მემორანდუმი შავი ზღვის საერთაშორისო უნივერსიტეტსა და ეკონომიკური პოლიტიკის ექსპერტთა ცენტრს შორის. მემორანდუმით ფარგლებში თანამშრომლობა ითვალისწინებს ერთობლივი პროექტების განხორციელებას, სტაჟირების პროგრამების ამოქმედებას იბსუს სტუდენტებისთვის, ასევე ერთობლივ სემინარებს, საგანმანათლებლო შეხვედრების გამართვას და ა.შ.
მემორანდუმის ხელმოწერის ცერემონიაზე საუბარი შეეხო ცენტრის მიერ უკვე განხორციელებულ აქტივობებს, პროექტებს და თანამშრომლობის სამომავლო პერსპექტივებს. შეხვედრას ესწრებოდნენ ეკონომიკური ცენტრის ექსპერტები და ეკონომიკის მიმართულების თანამშრომლები.
უნივერსიტეტის მხრიდან მემორანდუმს ხელი მოაწერა რექტორმა პროფესორმა ილიას ჩილოღლუმ, ხოლო ეკონომიკური პოლიტიკის ექსპერტთა ცენტრის მხრიდან პრეზიდენტმა, რამაზ გერლიანმა.



2015 წლის 18 მაისს ბიზნესის მართვის ფაკულტეტმა უმასპინძალა საქართველოს პროფესიონალ ბუღალტერთ და აუდიტორთა ფედერაციის (ბაფ) გამგეობის თავმჯდომარეს ბატონ ზურაბ ლალაზაშვილს, აღამსრულებელ დირექტორს ბატონ ლავრენტი ჭუმბურიძესა და განათლების კომიტეტის თავმჯდომარეს ბატონ კონსტანტინე დათიაშვილს. შეხვედრა ითვალისწინებდა თანამშრომლობის მემორანდუმის გაფორმებას, რომლის თანახმადაც საბუღალტრო აღრიცხვისა და აუდიტის საბაკალავრო პროგრამის კურსდამთავრებულები თავისუფლდებიან ბაფის პროფესიული სერტიფიცირების F1 წიგნის „ბუღალტერი ბიზნესში“ გამოცდისგან. მემორანდუმი ასევე ითვალისწინებდა თანამშორმლობის გაგრძელებას პროფესიული სერტიფიცირების პირველი დონის სხვა წიგნების (F2, F3) გამოცდისგან განთავისუფლების მიზნით. შეხვედრაზე ასევე განხილულ იქნა ზოგადი თანამშრომლობის გაღრმავების პერსპექტივები.
შავი ზღვის საერთაშორისო უნივერსიტეტი პირველი უნივერსიტეტია საქართველოში ვისთანაც აღნიშნული შეთანხმება ოფიციალურად გაფორმდა.



საქართველოს დამოუკიდებლობის დღე — საქართველოს ეროვნული დღესასწაული, რომელიც აღინიშნება ყოველი წლის 26 მაისს, ნიშნად საქართველოს სახელმწიფოებრივი დამოუკიდებლობის აღდგენისა. ეროვნულ დღესასწაულად 1918 წლის 26 მაისს გამოცხადებული დამოუკიდებლობის დღე აღინიშნება.



2015 წლის 22-23 მაისს შავი ზღვის საერთაშორისო უნივერსიტეტში  აბრეშუმის გზის მე-10 საიუბილეო საერთაშორისო კონფერენცია გაიმართა თემაზე: „ევროკავშირის ასოცირების შეთანხმება: პერსპექტივები და გამოწვევები“. აღნიშნული კონფერენცია ჩატარდა შავი ზღვის საერთაშორისო უნივერსიტეტის, საქართველოს საზოგადოებრივ საქმეთა ინსტიტუტთან (GIPA), ნატოსა და ევროკავშირის საინფორმაციო ცენტრთან და საქართველოს ახალგაზრდა დიპლომატთა კლუბთან თანამშრომლობით.

კონფერენციის გახსნის ცერემონიალი გაიმართა 22 მაისს სასტუმრო „რედისონ ბლუ ივერია“-ში.  კონფერენცია გახსნა საქართველოში ევროკავშირის ელჩმა იანოშ ჰერმანმა, რომელმაც ისაუბრა იმის შესახებ, რომ "ასოცირების ხელშეკრულება მხოლოდ საქართველოს ხელშეკრულება არ არის. იგი ევროკავშირს ავალდებულებს საქართველოს დაეხმაროს, მათ შორის ფინანსურადაც. უნდა მოხდეს რეფორმირება სოციალურ სფეროში, დემოკრატიული ინსტიტუტების გაძლიერების კუთხით და სხვა…”. მისივე განცხადებით, ევროკავშირი მუშაობს თუ როგორ განხორციელდეს ვიზის ლიბერალიზაციის პროცესი საქართველოში. საქართველო ამ თვალსაზრისით ასრულებს თავის მოვალეობებს, სადაც აღსანიშნავია ევროინტეგრაციის პროცესისათვის მოსახლეობის უმეტესი ნაწილის მხარდაჭერა.

დამსწრე  საზოგადოებას მისასალმებელი სიტყვით მიმართეს შზსუ-ს რექტორმა ბ-ნ ილიას ჩილოღლუმ, GIPA-ს რექტორმა ქ-ნ მაკა იოსელიანმა, ნატოსა და ევროკავშირის შესახებ საინფორმაციო ცენტრის დირექტორმა ქ-ნ ელენე გოცაძემ და საქართველოს ახალგაზრდა დიპლომატთა კლუბის ვიცე-პრეზიდენტმა ქ-ნ მარიამ ხელაძემ. საკუთარ მოხსენებაში შზსუ-ს რექტორმა ბ-ნ ილიას ჩილოღლუმ აღნიშნა, რომ საგანმანათლებლო დაწესებულებებს უმთავრესი როლი შეაქვთ ევროკავშირის ხელშეკრულების არსის მოსახლეობისადმი სწორად მიწოდებაში.  კონფერენციის საპატიო სტუმრებს შორის არიან უცხოელი ექსპერტები, რომელთაც გამართეს დისკუსიები ასოცირების ხელშეკრულების ეკონომიკურ, კულტურულ, განათლებისა თუ სხვა აქტუალურ საკითხებზე.

აბრეშუმის გზის მე-10 საერთაშორისო კონფერენცია ორი დღის განმავლობაში მიმდინარეობდა და მიზნად ისახავდა პოლიტიკოსების, გადაწყვეტილებების მიმღები პირებისა და აკადემიური სფეროს წარმომადგენლებისგან ფორუმის შექმნას, რომელიც ხელს შეუწყობს ინტენსიურ დიალოგს ევროინტეგრაციის საკითხებზე. საქართველოს პრეზიდენტის მრჩეველმა ეკონომიკურ საკითხებში ბ-ნ გიორგი აბაშიშიშვილმა დასძინა, რომ მიმდინარეობს სიღრმისეული მსჯელობა ევროკავშირთან ასოცირების შეთანხმების თაობაზე და მის გამოწვევებზე. განსაკუთრბული ყურადღება გამახვილდა DC FTA-ის თავისუფალ ვაჭრობის სივრცესთან დაკავშირებულ საკითხებზე.

გახსნის ცერემონიალის შემდეგ კონფერენციის მუშაობა გაგრძელდა შავი ზღვის საერთაშორისო უნივერსიტეტში სასესიო სხდომებზე. სესიები დაყოფილი იყო სხვადასხვა სფეროების და თემების მიხედვით და მათ ხელმძღვანელობდნენ შზსუ-ს ლექტორები: ასოც. პროფ. დოქტ. ივანნა მაჩიტიძე, ასოც. პროფ. დოქტ. ნიკა ჩიტაძე და ასოც. პროფ. დოქტ. აზერ დილანჩიევი.



ამა წლის 22 მაისს, 09:30 საათზე სასტურმოო „რედისონ ბლუ ივერია“-ში გაიმართა აბრეშუმის გზის მე-10 საერთაშორისო კონფერენციის თემაზე: „ევროკავშირის ასოცირების შეთანხმება: პერსპექტივები და გამოწვევები“ გახსნის ცერემონიალი.

აღნიშნულ კონფერენციას ორგანიზებას უწევს შავი ზღვის საერთაშორისო უნივერსიტეტი, საქართველოს საზოგადოებრივ საქმეთა ინსტიტუტი (GIPA), ნატოსა და ევროკავშირის საინფორმაციო ცენტრი და საქართველოს ახალგაზრდა დიპლომატთა კლუბი.

კონფერენცია გახსნა საქართველოში ევროკავშირის ელჩმა იანოშ ჰერმანმა, საქართველოს პრეზიდენტის მრჩეველმა ეკონომიკურ საკითხებში ბ-ნ გიორგი აბაშიშვილმა, ქ-ნ მაკა იოსელიანმა, ნატოსა და ევროკავშირის შესახებ საინფორმაციო ცენტრის დირექტორმა ქ-ნ ელენე გოცაძემ, ასევე საპატიო სტუმრებმა ბ-ნ მაციეჰ ჰერბუთმა (ვროცლავის უნივერსიტეტი, პოლონეთი), ბ-ნ ნიკოლას სორენსენმა (ბას სპას უნივერსიტეტი, დიდი ბრიტანეთი), ბ-ნ ჯ. ედვარდ ქელოუმ (ჯორჯიის უნივერსიტეტი, აშშ), ქ-ნ მარია არისტიგუეტა (დელავერის უნივერსიტეტი, აშშ). დამსწრე საოგადოებას მისასალმებელი სიტყვით მიმართა შზსუ-ს რექტორმა ბ-ნ ილიას ჩილოღლუმ.

აბრეშუმის გზის მე-10 საერთაშორისო კონფერენცია მიზნად ისახავს პოლიტიკოსების, გადაწყვეტილებების მიმღები პირებისა და აკადემიური სფეროს წარმომადგენლებისგან ფორუმის შექმნას, რომელიც ხელს შეუწყობს ინტენსიურ დიალოგს ევროინტეგრაციის საკითხებზე.



2015 წლის 15 მაისს მიკრისაფინანსო ორგანიზაცია "კრედოს" წარმომადგენლები შეხვდნენ შავი ზღვის საერთაშორისო უნივერსიტეტის სტუდენტებს.
სტუმრებმა სტუდენტებს გააცნეს ინფორმაცია კომპანია "კრედოს" სტუდენტური სტიპენდიების პროგრამის შესახებ, რაც გულისხმობს ერთი დამამთავრებელი კურსისის სტუდენტის სწავლის ღირებულების სრულად დაფინანსებას.

კანდიდატების შერჩევა მოხდება შემდეგი კრიტერიუმებით:
• მაღალი GPA
• უნივერესიტეტის დადებითი რეკომენდაცია
• კარგი სამოტივაციო წერილი

ინფორმაცია სასტიპნედიო პროგრამის შესახებ: http://credo.ge/ka/news/166/



2015 წლის 19 მაისს შავი ზღვის საერთაშორისო უნივერისტეტში ჩატარდა რიგით მე-2 კულტურული ფესტივალი. უნივერსიტეტში 20 სხვადასხვა ქვეყნის წარმომადგენლები სწავლობენ. მათ შორის არიან საქართველოს, თურქეთის, სომხეთის, აზერბაიჯანის, ნიგერიის, კამერუნის, რამდენიმე ევროპული ქვეყნის, უკრაინის, ყაზახეთის, ყირგიზეთის, რუსეთის და სხვა მრავალი ქვეყნის წარმომადგენლები.

მონაწილეებმა ფართოდ წარმოადგინეს საკუთარი ქვეყნის ღირშესანიშნაობები, ტრადიციული სამოსი, ხალხური ფოლკლორი და კერძები.

კულტურულ ფესტივალს 2014 წელს ჩაეყარა საფუძველი და მას ყოველწლიური სახე ექნება. #CulturalFestival #IBSU



ამა წლის 17 და 18 მაისს შავი ზღვის საერთაშორისო უნვერსიტეტმა  საქართველოს იზმირის საკონსულოს ეგიდით „ქართულ-თურქული კულტურული ურთიერთობები“-სადმი მიძღვნილი ღონისძიების ფარგლებში უმასპინძლა KIBATEK-ის (კვიპროსი-ბალკანეთი-ევრაზიის თურქული ლიტერატურის დაწესებულება)  წარმომადგენლებს: საპატიო თავჯდომარეს ბ-ნ ფეაზ საღლამს, თავჯდომარეს დოქტ. მევლუთ ქაპლანს და თურქოლოგებს, მწერლებს, პოეტებსა და ჟურნალისტებს:  შუქრუ აიდინს, გუზინ ორალქანს, გაზი ქესქინს, აიშე თურალს, დოქტ. მუსტაფა ზიასა და დოქტ. შემსეთინ ქუზეჯის.

შეხვედრა გაიმართა მეგობრულ გარემოში, სადაც შზსუ-ს რექტორმა ბ-ნ ილიას ჩილოღლუმ სტუმრებს ესაუბრა უნივერსიტეტის საქმიანობისა და მის მიერ შეტანილი წვლილის შესახებ ქართულ-თურქული კულტურულ ურთიერთობებში. აგრეთვე, შზსუ-ს პრორექტორმა სამეცნიერო-კვლევით დარგში პროფ. დოქტ. ილიას უსთუნიერმა, 18 მაისს პროგრამის ფარგლებში თსუ-ში გამართულ ღონისძიებაზე წაიკითხა მოხსენება თემაზე: „შზსუ-ს როლი ქართულ-თურქული კულტურულ ურთიერთობებში“.

სტუმრების საპატივცემულოდ შზსუ-ში გაიმართა ვახშამი, სადაც რექტორმა ბ-ნ ილიას ჩილოღლუმ მადლობა გადაუხადა მათ ქართული კულტურის მიმართ ასეთი ინტერესის გამოხატვისათვის. სტუმრებმა დამსწრე საზოგადოებას გააუზიარეს საკუთარი დადებითი შთაბეჭდილებები და მიიღეს გადაწყვეტილება თურქეთის მედია საშუალებებით  თურქეთის მოსახლეობას გააცნონ ქართული კულტურა და სტუმართმოყვარეობა.



15 მაისს, ფონდ “პარტნიორობა საგზაო უსაფრთხოებისთვის” დამფუძნებელი, TRACECA-ს საგზაო უსაფრთხოების პროექტის რეგიონალური კონსულტანტი გელა კვაშილავა და საერთაშორისო არასამთავრობო ორგანიზაცია „EASST-ის“ (www.easst.co.uk) განვითარებისა და განათლების დეპარტამენტის ხელმძღვანელი დიმიტრი სამბუკი შავი ზღვის საერთაშორისო უნივერსიტეტის რექტორს ილიას ჩილოღლუს შეხვდნენ.
შეხვედრის მთავარი მიზანი იყო საგზაო უსაფრთხოების საკითხებთან დაკავშირებით საგანმანათლებლო პროექტების განხორცილების ერთობრივი გეგმის შემუშავება.
პროექტის ფარგლებში დაგეგმილია სხვადასხვა კონფერენციების და სამუშაო შეხვედრიების ორგანიზება.
http://www.safedrive.ge/


11 მაისს, 13:00 საათზე შავი ზღვის საერთაშორისო უნივერისიტეტის საკონფერენციო დარბაზში ამერიკისმცოდნეობისა და ინგლისური ფილოლოგიის მიმართულების სტუდენტებს და პროფესორ-მასწავლებელებს მიეცათ უნიკალური შესაძლებლობა შეხვედროდნენ პოპულიარულ ამერიკელ მწერალ დონა ლიონს (http://www.donaleon.et), რომლის დეტექტიური ჟანრის წიგნები დიდი ხანია იქცა ბესტსელერად. ქალბატონმა ლიონმა ისაუბრა ამერიკულ ლიტერატურაზე, მსმენელებს გაუზიარა თავისი გამოცდილება რომანის დეტექტიური ჟანრის ნაწარმოებების წერის ირგვლივ და თუ რატომ არის ინგლისურენოვანი დეტექტივი ასეთი პოპულარული მსოფლიოში. შეხვედრას დაესწრნენ ამერიკის ელჩის რიჩარდ ნორლანდის მეუღლე მერი ჰარტნერი და ამერიკის საელჩოს საზოგადოებასთან ურთიერთობის დეპარტამენტის უფროსი კორტნი ე. ოსტრიანი.




მეხუთე საერთაშორისო კვლევითი კონფერენცია განათლება, ინგლისურ ენასა და მისი სწავლების მეთოდიკაზე და ინგლისურენოვან ლიტერატურაზე ჩატარდა განათლების ფაკულტეტზე 1-2 მაისს. კონფერენცია გახსნა მისმა თავმჯდომარემ, შზსუ-ის პრორექტორმა პროფესორმა დოქტორმა ნათელა დოღონაზემ. გახსნის ცერემონიაში მონაწილეობა მიირეს აშშ-ს კულტურის ატაშემ ჯეიმს დიუიმ, შზსუ-ს რექტორმა, პროფესორ, დოქტორმა ილიას ჩილოღლუმ, განათლებისა და ჰუმანიტარულ მეცნიერებათა ფაკულტეტის დეკანმა პროფესორ, დოქტორმა თამარ შიოსვილმა, საქართველოს ინგლისური ენის მასწავლებელთა ასოციაციისა და ბრიტანეთის  საბჭოების წარმომადგენლებმა.

  • 100-ზე მეტ მონაწილემ 7 ქვეყნიდან (საქართველო, თურქეთი, ერაყი, პოლონეთი, აშშ, უგანდა და აზერბაიჯანი)  წარმოადგინა  მოხსენება. მომხსენებლებმა მოიპოვეს მონაწილეობის სერტიფიკატები.
  • კონფერენციაში წარმოდგენილი იყო საქართველოს 9, თურქეთის 6, ერაყის 1, პოლონეთის 2, აშშ-ს 1 და აზერბაიჯანის 1 უნივერსიტეტი, რამდენიმე სკოლა და საგანმანათლებლო დაწესებულება
  • განათლებისა და ჰუმანიტარულ მეცნიერებათა  ფაკულტეტის აკადემიურმა პერსონალმა (8), ენათა სკოლის (2),) და სხვა ფაკულტეტებიდან (2) მიიღო მონაწილეობა კონფერენციაში
  • ჩვენი ფაკულტეტის საუკეთესო ბაკალავრიატის 9 და დოქტორანტურის 12-მა სტუდენტმა წარმოადგინა თავისი თემები, გარდა ამისა, შზსუ-ის სხვადასხვა ფაკულტეტის სტუდენტებმა წაიკითხა მოხსენება

მასალები, როგორც ყოველთვის, დაიბეჭდება უმოკლეს ვადებში. ყოველ წელს კონფერენცია უფრო დიდი მასშტაბით იმართება



„ყოველთვის ძალიან მიყვარდა კლასიკური ლიტერატურა, რაც ჩემი სკოლის მასწავლებლის დამსახურებაა. ამიტომ გადავწყვიტე თურქოლოგი გამვხდარიყავი და სკოლის დამთავრების შემდეგ, ანკარის ათათურქის სახელობის უნივერსიტეტში თურქული ენისა და ლიტერატურის ფაკულტეტზე ჩავაბარე. სადიპლომო კი დოსტოევსკის რომანების მიხედვით დავიცავი. უნივერსიტეტის დამთავრების შემდეგ, მოსკოვში წავედი სამუშაოდ, რუსული ენა რომ მესწავლა და ორიგინალში წამეკითხა რუსული კლასიკური ნაწარმოებები. რუსეთის შემდეგ, სხვადსხვა ქვეყნებში ვმუშაობდი და ათი წლის წინ ჩემი ნაცნობის მოწვევით, რომელიც საქართველოში ცხოვრობდა და მუშაობდა, მეც ჩამოვედი. საქართველოდან უფრო ახლოს ვარ თურქეთთან და დედასთან…“ – შავი ზღვის საერთაშორისო უნივერსიტეტის სრული პროფესორი, პრორექტორი სამეცნიერო-კვლევით დარგში ილიას უსტუნიერი.


- როგორ საქართველოს იცნობდით და როგორი დაგხვდათ?
– მე საქართველოში „ვარდების რევოლუციის“ დროს ჩამოვედი. ქართველების და საქართველოს შესახებ, ძალიან ცოტა რამ ვიცოდი ერთ-ერთი ქართველისგან, რომელიც ჩემს ქალაქში ცხოვრობდა. აგრეთვე, ერთ-ერთი თურქი მწერლის რომანიდან, რომელიც მეოცე საუკუნის დასაწყისში იყო საქართველოში და თავის წიგნში ქართველებს ძალიან თბილ ადამიანებად ახასიათებს. უნდა ვაღიარო, რომ ნამდვილად ასეა. ბინა რომ ვიქირავე, დიასახლისმა ნატალია რამონამ ჩემზე დიდი გავლენა მოახდინა. მისი დამსახურებაა, რომ მე საქართველო და ქართველები ასე ძალიან მიყვარს. დედას ხშირად ვეუბნებოდი, აქ არის ქალი, რომელიც შენ ძალიან გგავს. მისგან ძალიან ბევრი კარგი მახსოვს, „შვილოს“ მეძახდა და მეც ვთვლი, რომ ის ჩემი მეორე დედაა. როდესაც თურქეთში ეკონომიკური პრობლემები იყო, ძალიან დამეხმარა. დღემდე მისი ხშირი სტუმარი ვარ.
- ყველაზე ძალიან რა მოგწონთ საქართველოში…
– ძალიან მომწონს ქართული კულტურა. ქართველების დამოკიდებულება უცხოელებისადმი, სტუმართმოყვარეობა. შემიძლია ხმამაღლა ვთქვა, რომ ქართველები უფრო სტუმართმოყვარეები არიან, ვიდრე თურქები. არადა, თურქი ხალხიც გამოირჩევა სტუმართმოყვარეობით, მაგრამ ქართველები ძალიან ყურადღებიანები არიან. წინააღმდეგ შემთხვევაში ალბათ, გამიჭირდებოდა საქართველოში დარჩენა.
- თქვენ ხართ ექვსი წიგნის ავტორი, რომლებიც საქართველოზე თურქულ ენაზე დაიწერა…
– დიახ. სანამ, საქართველოში ჩამოვიდოდი, მინდოდა გამეცნო ქართული კულტურა, მენტალიტეტი, მაგრამ ერთი წიგნიც კი ვერ ვიპოვე თურქულ ენაზე. საქართველოში რომ ჩამოვედი, ბუკინისტებთანაც კი დავდიოდი, რომ საქართველოს ისტორია და კულტურა შემესწავლა. უკვე ათი წელია, ფაქტობრივად დღე და ღამე ვმუშაობ ამ წიგნების გამოსაცემად, რომელთა შორის არის: „ქართული იდენტობა“, რომელიც თურქეთში ბესტსელერია; აგრეთვე, წიგნი „ქართული კულტურა“. ამ წიგნში მე გადმოვეცი ყველაფერი ის, რაც ჩემი თვალით ვნახე, გავიგე და ვისწავლე. გამოიცა „ქართული ენა და ლიტერატურა“, რომლებიც სახელმძღვანელოებია თურქეთის უნივერსიტეტებში. გამოვიდა წიგნი „შრომები თურქული ლიტერატურის შესახებ საქართველოში: დისერტაციები“, რომლის ავტორიც ვარ. ასევე, ნათარგმნი მაქვს „საბჭოთა და პოსტსაბჭოთა გეოგრაფიაში სოციო-ლინგვისტური პრობლემები“ და „ქართული თურქოლოგიის ფუძემდებელი, აკადემიკოსი სერგი ჯიქია“. ძალიან მალე გამოვა კიდევ ერთი, მეშვიდე წიგნი „ქართველები თურქულ ლიტერატურაში“.
თურქულ ენაზე გამოვიდა ჩვენი უნივერსიტეტის ყოფილი ლექტორის თარგმანი – ქართველი მწერლის და პოეტის ბესიკ ხარანაულის ლექსები და წიგნი „ქართული ენა“. ასევე, თურქეთში გამოიცემა ჩვენი უნივერსიტეტის მოქმედი ლექტორის წიგნი „მეოცე საუკუნის ქართული ლიტერატურა“. თურქეთიდან უკვე მწერენ, რომ ჩემი წიგნებით ეცნობიან საქართველოს კულტურას, ლიტერატურას, ხალხს.
ბოლო ათი წლის განმავლობაში თურქეთის ოთხი ქალაქის სხვადასხვა უნივერსიტეტში ქართული ენისა და ლიტერატურის დეპარტამენტები გაიხსნა. უფრო ღრმავდება ინტერესი ქართული ენის მიმართ, განსაკუთრებით სტამბოლში.
აგრეთვე, მე გარკვეული კვლევა ჩავატარე და შევისწავლე, რომელი თურქი მწერლების შემოქმედება ითარგმნა ქართულ ენაზე. უნდა ვთქვა, რომ ძალიან კარგი მაჩვენებელი გვაქვს. ორჰან ფამუქი საქართველოში ყველაზე პოპულარული მწერალია და მისი შემოქმედება მთლიანად არის ნათარგმნი. ასევე, ნათარგმნია თურქი ავტორები: ნაზიმ ჰიქმეთი, ორჰან ქემალი, აზიზ ნესიმ, საბაჰათინ ალი და სხვები.
- თქვენ, ძირითადად, უნივერსიტეტში ხართ და ახალგაზრდებთან, მომავალ თაობასთან, მუდმივი კავშირი გაქვთ. მათგან არის ერთმანეთის კულტურის გაცნობის ინტერესი ?
– ჩვენს უნივერსიტეტში ძალზე მულტიკულტურული და მეგობრული ატმოსფერო სუფევს, რის საშუალებითაც ჩვენს სტუდენტობას საშუალება ეძლევა, გაეცნოს სხვადასხვა კულტურებს. როგორც მოგეხსენებათ, ჩვენთან 14 ქვეყნის სტუდენტები სწავლობენ, რომლებიც ეცნობიან ქართულ კულტურას. მათთვის უნივერსიტეტში ქართული ენის შემსწავლელი უფასო კურსებია გახსნილი. სხვა უცხო ენებთან შედარებით, თურქული ენა პოპულარობით არ სარგებლობს. ჩვენი სტუდენტობის მხოლოდ შვიდი პროცენტი სწავლობს თურქულ ენას.
ჩვენი ამოცანაა, ორის ქვეყნის წარმომადგენელებმა უფრო კარგად გავიცნოთ ერთმანეთი. ჩვენ ერთმანეთთან ურთიერთობის მძიმე წლები გამოვიარეთ. საბჭოთა კავშირის დროს საქართველოში რომ ჩამოსულიყავი, მოსკოვიდან უნდა აგეღო ნებართვა. არაფერი ვიცოდით ერთმანეთის შესახებ და არაობიექტური წარმოდგენებიც გვქონდა ერთმანეთზე. თურქებს გვაქვს ასეთი გამონათქვამი: „ადამიანს მისი ეშინია, ვისაც კარგად არ იცნობს…“ საბჭოთა კავშირის დაშლის შემდეგ კი, ჩვენ საშუალება მოგვეცა, დავუახლოვდეთ ერთმანეთთს, რადგან ბევრი საერთო გვაქვს. ჩვენთვის ღირებულია ქართული კულტურა. მე ბედნიერი ვარ და მიხარია, რომ საქართველოში ვცხოვრობ. ჩვენი უნივერსიტეტის სახელით მინდა დიდი მადლობა ვუთხრა ქართველ ხალხს, რომ ასე თბილად მიგვიღეს. ხოლო, შავი ზღვის საერთაშორისო უნივერსიტეტს კი – დიდი მადლობა მხარდაჭერისთვის.
- თქვენი ოჯახი მიეჩვია საქართველოში ცხოვრებას?
– ჩემი შვილები აქ დაიბადნენ. გვიან დავვოჯახდი და პატარა შვილები მყავს. ჩემი გოგონა ახლა ქართულ ენას სწავლობს. იცის ქართული სიმღერები. დიდ პატივს ვცემთ ქართულ კულტურას. ჩემი მეუღლე სტამბოლიდან არის და ხშირად ამბობს, მე მრავალეროვან ქალაქში გავიზარდე, მაგრამ საქართველოში განსხვავებული ატმოსფეროაო. იცის ქართული კერძების მომზადება და უყვარს ქართული ხილი. გარდა ამისა, ჩვენ სართულზე ოთხი მაცხოვრებელია და ვცხოვრობთ ჩემი, აზერბაიჯანული, ებრაული და ქართული ოჯახები. ერთმანეთთან ისეთი ჰარმონიული ურთიერთობა გვაქვს, რთულია, ეს ყველაფერი სიტყვებით გადმოსცე.

www.kvira.ge


5 მაისს შავი ზღვის საერთაშორისო უნივერსიტეტმა უმასპინძლოა ტრენერს, ნინო გორგაძეს.

შეხვედრის მთავარი თემა გახლდათ „პროექტის მენეჯერის კარიერა"

ნინო გორგაძე გახლავთ შავი ზღვის საერთაშორისო უნივერსიტეტის ტრენინგ-ცენტრის ტრენერი და სხვადასხვა პროექტების მენეჯერი 10 წლიანი გამოცდილებით (დიდი, კომპლექსური, საერთაშორისო და ადგილობრივი პროექტების მენეჯმენტი საგანმანათლებლო, ტურიზმის სფეროსა და სახელმწიფო სექტორში). ბოლო წლების განმავლობაში მუშაობდა შემოსავლების სამსახურში. ქალბატონი ნინო გახლავთ ჯორჯ ვაშინგტონის უნივერსიტეტის ბიზნეს სკოლის მაგისტრის ხარისხის მფლობელი (Master’s Certificate in Project Management from George Washington University Business School).


შავი ზღვის საერთაშორისო უნივერსიტეტი გახდა საქართველოში არსებული ამერიკის სავაჭრო პალატის წევრი (AmCham) . 5 მაისს გაიმართა ბიზნეს მრგვალი მაგიდა, სადაც დამსწრე საზოგადოებას, რომელსაც საქართველოში წამყვანი კომპანიების წარმომადგენლები შეადგენდა, სიტყვით მიმართა შავი ზღვის საერთაშორისო უნივერსიტეტის რექტორმა, პროფ. დოქტ. ილიას ჩილოღლუმ.

ამერიკის სავაჭრო პალატა საქართველოში (AmCham) არის უდიდესი საერთაშორისო ბიზნეს ორგანიზაცია, რომელიც აერთიანებს საქართველოს 150-ზე მეტ კომპანიას.

ამერიკის სავაჭრო პალატის ძირითადი მიზანია ხელი შეუწყოს ამერიკის შეერთებული შტატებისა და საქართველოს საერთაშორისო და ბიზნეს ურთიერთობების გაუმჯობესებასა და განვითარებას.



შავი ზღვის საერთაშორისო უნივერსიტეტში ეკონომიკური კვლევის ცენტრი გაიხსნა. მას ეროვნული ბანკის ყოფილი პრეზიდენტი, უნივერსიტეტის პროფესორი, რომან გოცირიძე ჩაუდგა სათავეში.

ილიას ჩილოღლუ: "შავი ზღვის საერთაშორისო უნივერსიტეტი, რომელიც ერთ-ერთი წამყვანი უმაღლესი სასწავლებელია საქართველოში და რომელიც თურქული ინვესტიციითაა შექმნილი, 1995 წელს დაარსდა. აგერ უკვე 20 წელია უნივერსიტეტში ქართველ და უცხოელ სტუდენტებს შესაძლებლობა აქვთ ეზიარონ მაღალი დონის პროფესიულ განათლებას. უნივერსიტეტში სასწავლო ენა გახლავთ ინგლისური და ქართული. მისი კურსდამთავრებულები წარმატებით საქმიანობენ როგორც საქართველოში, ასევე უცხოეთში.

ეკონომიკური კვლევის ცენტრის დაარსება კიდევ უფრო გაზრდის სტუდენტებისა და დოქტორანტებისა და პროფესორ-მასწავლებლების ჩართულობას სამეცნიერო-კვლევით სამუშაოებში. ახალგაზრდებს ეძლევათ არაჩვეულებრივი შესძლებლობა გაიღრმავონ ცოდნა. ცენტრის ხელმძრვანელად ჩვენი უნივერსიტეტის პროფესორის, ბატონი რომან გოცირიძის დანიშვნა ამის კარგი საფუძველი იქნება".

რომან გოცირიძე: "კარგი წამოწყებაა. უნივერსიტეტში დიდია ხანია ფიქრობდნენ ამ ცენტრის შექმნაზე, ანალოგიურად უცხოეთის ქვეყნების დაწესებულებებისა. ჩვენ გვაქვს იმის პოტენციალი, რომ ჩატარდეს სერიოზული კვლევები. თავდაპირველად მისი მთავარი ამოცანა იქნება ახალგაზრდა მკვლევარების ცოდნისა და ჩვევების ამაღლება. უნივერსიტეტის პროფესორ-მასწავლებლების მაღალი კვალიფიკაცია საშუალებას მოგვცმს ვიმუშაოთ ისეთ საკითხებზე, რომელიც აქტუალურია დღევანდელ დღეს. თუნდაც იგივე ეროვნული ვალუტის სტაბილიზაციის საკითხებზე, საგარეო-ეკონომიკურ ახალ გამოწვევებზე, მაზობელ ქვეყნებთან სავაჭრო-ეკონომიკური კავშირების გაღრმავებაზე, ინვესტიციების მოზიდვის თემებზე და ასე შემდეგ.

თავის დროზე ჩემი პარლამენტის საბიუჯეტო ოფისის ხელმძღვანელად მუშაობის პერიოდში ანალოგიურ საკითხებზე გვიწევდა მუშაობა და პირადად მე გარკვეული ნოსტალგია მქონდა ამ ტიპის საქმიანობის და ამიტომ სიამოვნებით დავთანხმდი ამ შემოთავაზებას".


შავი ზღვის საერთა­შო­რისო უნივერსიტეტის რექტორი ეთნიკური ქართველი, ილიას ჩილოღლუ მიიჩნევს, რომ საქართველოს განვითარების იმაზე დიდი პოტენციალი აქვს, ვიდრე ერთი შეხედვით ჩანს და შეუძლია, რეგიონის უმნიშვნელოვანესი ცენტრი გახდეს.

"კვირის პალიტ­რ­ას­" ილიას ჩილოღ­ლუმ ქვეყნის განვითარებისთვის მნიშვნელოვანი ფაქტორების შესახებ საკუთარი მოსაზრებები გაუზიარა.


- ხშირად უჩივიან პროფესიონალების, მათ შორის - ეკონომისტების სიმწირეს. თქვენც ასე ფიქრობთ?
- სამწუხაროდ, საქართველოს არა აქვს მდიდარი ბუნებრივი რესურსები, მაგრამ, სამაგიეროდ, აქვს მდიდარი ადამიანური, ინტელექტუალური რესურსი, რომლის ეფექტურად გამოსაყენებლად საჭიროა მაღალი დონის განათლება. სწორედ განათლება უწყობს ხელს პრობლემების სწორად გაანალიზების უნარის გამომუშავებას, რაც სტრატეგიული პროექტების დაგეგმვა-განხორციელებისა და განვითარების შესაძლებლობას იძლევა. ამიტომაც
დიდი ყურადღება უნდა დაეთმოს განათლების დონის ამაღლებას და გარწმუნებთ, საქართველო კავკასიის რეგიონში განათლების ერთ-ერთი უძლიერესი ცენტრი გახდება.

შავი ზღვის საერთაშორისო უნივერსიტეტის სტუდენტები და კურსდამთავრებულები ევროპისა და ამერიკის საუკეთესო უნივერსიტეტებში სწავლობენ და ცოდნით გამდიდრებულები ბრუნდებიან საქართველოში.
ჩვენს უნივერსიტეტში ფუნქციონირებს ქართულენოვანი და ინგლისურენოვანი პროგრამები. ინგლისურენოვან პროგრამებზე ყველა სასწავლო კურსი იკითხება ინგლისურად. ლექტორთა 80% ქართველია, მათ უმეტესობას უმაღლესი განათლება ცნობილ უცხოურ უნივერსიტეტებში აქვს მიღებული. იცით, რა სიმდიდრეა ინგლისურად მოლაპარაკე ლექტორი? მრავალ ქვეყანაში მათი დეფიციტია - მართალია, ლექტორთა უმრავლესობა
მაღალკვალიფიციურია, იცის ინგლისური ენაც,  მაგრამ თავისი ცოდნის ინგლისურად გადმოცემა არ შეუძლია.

- ფაქტობრივად, განადგურდა ძველი სამეცნიერო სკოლები, კვლევითი ინსტიტუტები. ამბობენ, რომ მეცნიერებს ვეღარ ვზრდით...

- მე კი ვიტყოდი, რომ ქართველი მეცნიერები აქტიურად არიან ჩართული სამეცნიერო საქმიანობაში. ისინი მონაწილეობენ ჩვენი უნივერსიტეტის ორგანიზებით მოწყობილ საერთაშორისო სემინარებში, კონფერენციებსა და სიმპოზიუმებში, ამყარებენ სამეცნიერო კონტაქტებს ცნობილ უცხოელ მეცნიერებთან.

- თქვენ სკოლებთანაც გაქვთ ურთიერთობა. როგორი თაობა მოდის?

- ქართული ინტელექტუალური რესურსის საბადოა ზოგადსაგანმანათლებლო სკოლები, რომელთა მატერიალურ-ტექნიკური ბაზა ბოლო დროს გაუმჯობესდა. ეს ხელს უწყობს სასკოლო გარემოში  მომავალი მეცნიერების გაზრდას.
მჯერა, რომ ახალგაზრდა თაობა თავის სიტყვას იტყვის მეცნიერებაში.
ბავშვების შესაძლებლობების გამოვლენას გარემო სჭირდება. სწორედ ამიტომ გავხსენით სამეცნიერო ცენტრები, კლუბები, მათ შორის - აბრეშუმის გზის სამეცნიერო კვლევითი ცენტრი, ეკონომიკის ცენტრი, რობოტიკის ცენტრი და ა.შ. 

ჩვენი უნივერსიტეტის ბაზაზე დაარსებული ეკონომიკური კვლევის ცენტრის მიზანია, გამოიკვლიოს მიმდინარე ეკონომიკური მოვლენები და სახელმწიფოს სტრატეგიის შემუშავებისთვის საჭირო ზუსტი დასკვნები მიაწოდოს. ჩემთვის, როგორც ეკონომისტისა და ეთნიკურად ქართველისათვის, ამ ცენტრის გახსნა განსაკუთრებით მნიშვნელოვანია.

ჩვენს დროში, როდესაც პოლიტიკას მართავს ეკონომიკა, ნებისმიერ ქვეყანას სჭირდება ეკონომიკური მოვლენების საფუძვლიანი, კვლევებზე დაფუძნებული ღრმა ანალიზი.

სამწუხაროდ, მწირია ზუსტი ეკონომიკური დასკვნები, რადგან საუნივერსიტეტო დონეზე არცთუ ბევრი კვლევა ტარდება, ხოლო დასკვნები ხშირად ზედაპირული და უსაფუძვლოა. მაგალითად, არავინ იკვლევს, რა გავლენას მოახდენს საქართველოზე თუნდაც მეზობელ თურქეთში მიმდინარე დევალვაცია ან სხვა ეკონომიკური პროცესები. არადა, ნებისმიერი  სტრატეგია და რასაკვირველია, უპირველესად, ეკონომიკური პოლიტიკის სტრატეგიები ფაქტების კვლევის საფუძველზე  მუშავდება.

ეკონომიკის ცენტრთან ითანამშრომლებენ ეკონომიკის ექსპერტები, აგრეთვე - ჩვენი უნივერსიტეტის ბიზნესისა და ეკონომიკის მიმართულებების დოქტორანტები. კვლევის შედეგებს მივაწვდით დაინტერესებულ პირებს, ორგანიზაციებს. ვფიქრობ, წარსულს ჩაჰ­ბარდება ეკონომიკურ მოვლენებზე ილუზიური, წარმოსახვითი­ მსჯელობები, შეიცვლება ზედაპირული

თვალსაზრისის გამოთქმის ტენდენცია; იმედი გვაქვს, რომ ჩვენს ცენტრში ჩატარებულ კვლევებს გამოიყენებენ როგორც აქ, ასევე უცხოეთში.


ფესვებთან დაბრუნება...


ილიას ჩილოღლუ თურქეთში, ქალაქ ორდუს რაიონ უნიეში გაიზარდა, სადაც  მეცხრამეტე საუკუნის ბოლოს დასახლდნენ ქართველები. დღემდე იქ მხოლოდ მათი შთამომავლები ცხოვრობენ. 1995 წელს მეგობარმა იმ მოსამზადებელ ჯგუფში მოსახვედრად გამართულ კონკურსში მონაწილეობა ურჩია, საიდანაც სწავლას თბილისში ახალდაარსებულ შავი ზღვის საერთაშორისო უნივერსიტეტში განაგრძობდა.

- სარფის საზღვარზე გადმოსულს მეგონა, ფერადი ფილმიდან შავ-თეთრ, დაუმონტაჟებელ ფილმში მოვხვდი. სიცივე, უშუქობა, უგაზობა - ყველაფერი ანაცრისფრებდა აქაურ ყოფას, მაგრამ ასეთ პირობებშიც კი კარზე მეზობელი რომ მოგვიკაკუნებდა ხელში ცხელი კერძით, ,,ბავშვებო, ისადილეთო", გულში სითბო გვეღვრებოდა. ამიტომაც მოგვიანებით გერმანიაში სამუშაოდ წასული ჩემი მეგობარი, მიუხედავად იდეალური სოციალური სტატუსისა და მატერიალური შესაძლებლობებისა, ტელეფონით საუბრის დროს მეუბნებოდა ხოლმე, საქართველოში გატარებული სტუდენტობა დღემდე სამოთხედ მეჩვენებაო, - იხსენებს ილიას ჩილოღლუ.

"1999 წელს, უნივერსიტეტი რომ დავამთავრე, საქართველოში დავრჩი, ამერიკასა და თურქეთში მუშაობის შესაძლებლობაც მქონდა, აშშ-ის“"მწვანე ბარათიც" მოვიგე, თუმცა, განაცხადი აღარ შევიტანე, რადგანაც ჩემთვის საქართველოში მუშაობა უფრო საინტერესო და დასაფასებელია. ვიმუშავე უნივერსიტეტის ადმინისტრაციაში სხვადასხვა პოზიციაზე,  მათ შორის - დეკანის მოადგილედ; მერე ვიყავი დეკანიც, რექტორის მოადგილე. წარმატების მიღწევა შესაძლებელია ყველგან, სადაც ყოფნა გიყვარს. ხშირად ეროვნებით არაქართველ საქართველოს მოქალაქე სტუდენტებს ვსაყვედურობ ქართული ენის არცოდნის გამო. თურქეთში თურქული ენის გარეშე სამსახურს ვერ იშოვი. ჩემთვის მიუღებელია, არ იცოდე იმ ქვეყნის ენა, სადაც ცხოვრობ და მუშაობ".

http://www.kvirispalitra.ge/


30 აპრილს შავი ზღვის საერთაშორისო უნივერსიტეტმა უმასპინძლა "სიდა“ - სამოქალაქო განვითარების სააგენტოს დირექტორს, ზვიად დევდარიანს, რომელმაც გამართა საჯარო ლექცია თემაზე „სამოქალაქო აქტივიზმის საფუძველი“.

ზვიად დევდარიანი 1997 წლიდან უკვე 15 წელია საქმიანობს სამოქალაქო სექტორში. გაეროს ასოციაციასა და სამოქალაქო განვითარების სააგენტოში მუშაობდა პროექტებისა და აღმასრულებელი მენეჯერის თანამდებობებზე. მისი პროგრამული მოღვაწეობა დაკავშირებული იყო კარგი მმართველობის, დამოუკიდებელი მედიის, სამოქალაქო სექტორის, ასევე მოწყვლადი ჯგუფების - იძულებით ადგილნაცვალი პირების, ეროვნული უმცირესობებისა და სოციალურად დაუცველი პირების სოციალურ-ეკონომიკური ინტეგრაციის განვითარების საკითხებთან. 

საჯარო ლექციაზე ბატონმა ზვიადმა ისაუბრა როგორც სამოქალაქო აქტივიზმის საფუძველზე, ასევე მის ძირითად პრინციპებსა და სამოქალაქო ორგანიზაციების საქმიანობის მნიშვნელობის შესახებ. შეხვედრაზე ის შეეხო აქტიური და პასიური მოქალაქეების ცნებებს, ასევე დამოუკიდებელი აქტივიზმის ნიშნებს.

შეხვედრის დროს სტუდენტებს შესაძლებლობა ჰქონდათ ჩართულიყვნენ დისკუსიაში და კითხვით მიემართათ სტუმრისათვის.



30 აპრილს შავი ზღვის საერთაშორისო უნივერსიტეტში გაიმართა სტაჟიორებისათვის სერტიფიკატების გადაცემის ცერემონიალი. 

მოგახსენებთ, რომ საზოგადოებასთან ურთიერთობის დეპარტამენტი ანხორციელებდა სტაჟირების პროგრამას, რომელიც გრძელდებოდა 3 თვის მანძილზე და მასში მონაწილეობდა 120-მდე სტუდენტი. 

სტაჟირების პროგრამა მოიცავდა უნივერსიტეტის სასწავლო პროგრამების პოპულარიზაციის მიზნით საქართველოს თითქმის ყველა რეგიონში სტუდენტების ვიზიტს. პროგრამის ფარგლებში პრეზენტაციები ჩატარდა თბილისისა და რეგიონების მასშტაბით 300-ზე მეტ სკოლაში, დარიგდა 15000 -მდე სასაჩუქრე ნაკრები. გარდა ამისა, პროგრამის მონაწილეები აქტიურად იყვნენ ჩართული უნივერსიტეტში მიმდინარე პროექტების, ღონისძიებების დაგეგმვასა და განხორციელებაში. 

საზოგადოებასთან ურთიერთობის დეპარტამენტის სტაჟირების პროგრამის მიზანი გახლდათ: პრაქტიკული გამოცდილების მიღების შესაძლებლობის უზრუნველყოფა, პრეზენტატორული, მენეჯერული და ეფექტური კომუნიკაციის უნარ-ჩვევების განვითარება, გუნდური პრინციპებისა და გუნდის ეფექტური მართვის უნარების გაუმჯობესების შესაძლებლობის უზრუნველყოფა სტუდენტებისათვის.

ღონისძიებაზე სიტყვით გამოვიდა შავი ზღვის საერთაშორისო უნივერსიტეტის რექტორი, დოქტ. პროფ. ილიას ჩილოღლუ, რომელმაც სიტყვით მიმართა დამსწრე საზოგადოებას და ისაუბრა აღნიშნული სტაჟირების მნიშვნელობაზე როგორც სტუდენტებისათვის, ასევე უნივერსიტეტისათვის. საზოგადოებას სიტყვით ასევე მიმართა საზოგადოებასთან ურთიერთობის დეპარტამენტის უფროსმა, ზვიად ფიფიამ, რომელმაც ისაუბრა სტაჟირების პროგრამის მიზნებსა და ამოცანებზე, ასევე ყურადღება გაამახვილა მის შედეგებზე. სიტყვის ბოლოს კი მადლობით მიმართა სტუდენტებს ასეთი აქტიური ჩართულობისათვის.

3 თვიანი სტაჟირების პროგრამის დასრულების შემდეგ მონაწილეებს გადაეცათ ორენოვანი სერტიფიკატი. ცერემონიალი, ტრადიციულად, ტორტის გაჭრით დასრულდა.



ბიზნესის მართვის ფაკულტეტმა უმასპინძლა ღია ლექციას გადახდისუუნარობის საკითხებთან დაკავშირებით. ლექციას უძღვებოდნენ მოწვეული სტუმრები რობერტ გაურლი (Bowater Limiter–ის დირექტორი) და მილო სტევანოვიჩი (USAID–ის პროექტ “Governing for Growth“ ხელმძღვანელი.


 


23 და 24 აპრილს შავი ზღვის საერთაშორისო უნივერსიტეტის ბიზნესის ფაკულტეტისა და ბიზნეს კლუბის ერთობლივი მუშაობით ჩატარდა სტუდენტური კონფერენცია ‘’Creative Thinking for Business”.
პროექტში მონაწილეობას იღებდა 40 მონაწილე, 12 გუნდი და მის მიზანს წარმოადგენდა მიგვეცა სტუდენტებისთვის საშუალება მათი ბიზნეს იდეისთვის მიეცათ სრულყოფილი პროექტის სახე. ამისათვის შზსუ-ს ტრენინგ ცენტრმა 7 და 14 მარტს ჩაატარა 6 საათიანი ტრენინგ პროგრამა პროექტის მენეჯმენტში, მონაწილებას იღებდა 36 სტუდენტი.

კონფერენცია მიმდინარეობდა 2 დღის განმავლობაში შზსუ-ს დიდ საკონფერენციო დარბაზში. 23 აპრილს ღონისძიება გახსნა შავი ზღვის საერთაშორისო უნივერსიტეტის რექტორმა ბატონმა ილიას ჩილოღლუმ, ასევე ბიზნესის ადმინისტრირების ფაკულტეტის დეკანმა მეთინ მერჯანმა და მეეჯმენტის ფაკულტეტის კოორდინატორმა ბატონმა გიორგი ბაღათურიამ. უნივერსიტეტის მონაწილეებს აფასებდა 6 ჟიურის წევრი, რომელიც დაკომპლექტებული იყო ბიზნესის ფაკულტეტის ლექტორებით.
პროექტის ორგანიზატორები გახლდათ ბატონი გიორგი ბაღათურია, ბიზნეს კლუბის პრეზიდენტი გიგა ბაღიშვილი და შზსუ-ს ყოფილი თვითმმართველობის პრეზიდენტი გვანცა გამეზარდაშვილი. 
ყველა მონაწილეს გადაეცა სერტიფიკატი, როგორც მონაწილეობისათვის, ასევე საპრიზო ადგილებზე გასული სტუდენტებისთვის.
საპრიზო ადგილები ასე განაწილდა:

> I ადგილი - პრიზი 500 ლარი; გუნდი „ექსტრემალი ბიზნესმენები“; გუნდის წევრები - გვანცა აბულაძე, ნიკა ხინაშვილი, შალვა თანდიაშვილი და ნაი კაპანაძე. 
> II - ადგილი - პრიზი 300 ლარი; გუნდი „ელეფსან“; გუნდის წევრები - დათო გოგიტიძე, დავით პაქსაშვილი, ნათია კოდოშვილი
> III - ადგილი - პრიზი 200 ლარი; გუნდი „გეორგიკუს აუტომოტივი“; გუნდის წევრი - ლევან ლომიძე.
კონფერენციის სპოსორი კომპანიის - Commercial Real Estate წარმომადგენელმა ბატონმა გიგა გიორგაძემ ფავორიტ გუნდს - „ნათია დალაიშვილი“, რომლის წარმომადგენელი თავად ნათია გახლდათ, გადასცა ფულადი პრიზი 100 ლარის ოდენობით.
ასევე, სპორტისა და ახალგაზრდობის სამინისტროს წარმომადგენელმა თემურ დუნდუამ და არასამთავრობო ორგანიზაციის „საზოგადოებრივი აზრი“ წარმომადგენელმა მიშა დიაკონიძემ ფავორიტ გუნდებს -„StudioPub“, „Positive minds“ გადასცეს წიგნები საჩუქრად.



2015 წლის 28 აპრილს შავი ზღვის საერთაშორისო უნივერსიტეტსა და ევროპის იურისტ სტუდენტთა გაერთიანებას (ელსა) შორის გაფორმდა ურთიერთთანამშრომლობის მემორანდუმი. აღნიშნული მემორანდუმი ხელს შეუწყობს სამართალმცოდნეობის პროგრამის სტუდენტების ჩართვას საზღვარგარეთ გაცვლით პროგრამებში მონაწილეობის მისაღებად და იზრუნებს მათ პროფესიულ განვითარებაზე.

ურთიერთთანამშრომლობის მემორანდუმს ხელი მოაწერეს შავი ზღვის საერთაშორისო უნვიერსიტეტის რექტორმა, ილიას ჩილოღლუმ და ელსას პრეზიდენტმა, ზუკა ბეჟაშვბილმა.



შავი ზღვის საერთაშორისო უნივერსიტეტის რექტორი, ილიას ჩილოღლუ და სამეთვალყურეო საბჭოს თავმჯდომარე, ადემ ონალი შეხვდნენ საქართველოს კულტურისა და ძეგლთა დაცვის მინისტრს, მიხეილ გიორგაძეს.

შეხვედრაზე ბატონმა ილიასმა და ბატონმა ადემმა სამინისტროს წარმომადგენლებს ინფორმაცია მიაწოდეს შავი ზღვის საერთაშორისო უნივერსიტეტის, მისი მთავარი მისიისა და საქმიანობის შესახებ, ასევე ყველა იმ გარემოსა და შესაძლებლობების შესახებ, რომელსაც უნივერსიტეტი აძლევს სტუდენტებს. შეხვედრაზე ერთ-ერთი მთავარი განსალხილველი თემა გახლდათ “IBSU-ს კულტურული ფესტივალი“, რომელიც წელს მეორედ იგეგმება უნივერსიტეტში. პირველად აღნიშნული ღონისძიება გაიმართა 2014 წელს და მასზე წარმოდგენილი გახლდათ დაახლოებით 25 სხვადასხვა კუთხის კულტურული სტენდი.

შეხვედრაზე მხარეებმა ისაუბრეს იმ ღონისძიებებსა თუ პროექტებზე, რომელზეც გეგმავენ თანამშრომლობას. სამომავლოდ შესაძლებელია დაიგეგმოს ბევრი საინტერესო ღონისძიება, რომელსაც ერთობლივად შესთავაზებენ ახალგაზრდებს.

შეხვედრის ბოლოს შავი ზღვის საერთაშორისო უნივერსიტეტის რექტორმა და სამეთვალყურეო საბჭოს თავმჯდომარემ სიმბოლური საჩუქარი გადასცეს საქართველოს კულტურისა და ძეგლთა დაცვის მინისტრს, მიხეილ გიორგაძეს.



21 აპრილს, პრობაციის ეროვნულ სააგენტოსა და შავი ზღვის საერთაშორისო უნივერსიტეტის შორის ურთიერთთანამშრომლობის მემორანდუმი გაფორმდა. მემორანდუმის ძირითად მიზანს სოციალურ და სამართლებრივ საკითხებში უნივერსიტეტსა და სააგენტოს შორის ურთიერთთანამშრომლობის გაღრმავება წარმოადგენს. აღნიშნულ დოკუმენტს ხელი მოაწერეს პრობაციის ეროვნული სააგენტოს უფროსის მოადგილემ თეიმურაზ მაღრაძემ და შავი ზღვის საერთაშორისო უნვიერსიტეტის რექტორმა ილიას ჩილოღლუმ.



2015 წლის 21 აპრილს სოციალურ მეცნიერებათა ფაკულტეტს საქართველოს საგარეო საქმეთა სამინისტროს ევროინტეგრაციის დეპარტამენტის დირექტორი, ბატონი დავით სოლომონია ეწვია. იბსუს რექტორთან, პროფესორ ილიას ჩილოღლუსთან შეხვედრის შემდეგ სტუმარმა სტუდენტებისთვის გამართა საჯარო ლექცია თემაზე "ევროინტეგრაცია და ვიზის ლიბერალიზაცია". 
ბატონმა დავითმა ისაუბრა რიგის სამიტზე და საქართველოს პერსპექტივებზე სავიზო რეჟიმის გამარტივების კუთხით. მან ხაზი გაუსვა იმ პირობებს, რომელთა დაკმაყოფილებაც მოუწევს ქვეყანას გამარტივებული რეჟიმის მისაღებად.მან სტუდენტებს გააცნო ის პროცედურები, რასაც ევროინტეგრაციის გზაზე გადიან შესაბამისი სტრუქტურები. 
ლექციის შემდეგ სტუდენტებს ჰქონდათ შესაძლებლობა ევროინტეგრაციის დეპარტამენტის დირექტორისთვის დაესვათ მათთვის საინტერესო კითხვები. 
შეხვედრის ბოლოს სოციალურ მეცნიერებათა ფაკულტეტის დეკანის მოადგილემ, თამარ პაპავაძემ საპატიო სტუმარს სიმბოლური საჩუქარი გადასცა.



ტურიზმის ფაკულტეტის სტუდენტებმა მონაწილეობა მიიღეს კონფერეციაში ,,ტურიზმის განვითარების პერსპექტივები საქართველოში“
2015 წლის 16-17 აპრილს ბიზნესის მართვის ფაკულტეტის ტურიზმის პროგრამის სტუდენტებმა ხატია ხარძეიშვილმა და არკადი კოჩალიძემ მონაწილეობა მიიღეს საქართველოს ტურიზმის ეროვნული ადმინისტრაციის მიერ ორგანიზებულ კონფერენციაში ,,ტურიზმის განვითარების პერსპექტივები საქართველოში“. შავი ზღვის საერთაშორისო უნივერსიტეტი წარმოადგენდა კონფერენციის მხარდამჭერს.
კონფერენციის მიზანი იყო უნივერსიტეტებისა და საქართველოს ტურიზმის ეროვნული ადმინისტრაციის თანამშრომლობის გაძლიერება და სტუდენტების ჩართულობის ამაღლებას ქვეყანაში ტურიზმის განვითარების საკითხებში.
შავი ზღვის საერთაშორისო უნივერსიტეტმა პირველ ადგილზე გასულ მონაწილეს გადასცა პრიზი ქინდლი.



2015 წლის 17 აპრილს შავი ზღვის საერთაშორიო უნივერსიტეტში გაიმართა შეხვედრა ამერიკისმცოდნეობის დეპარტამენტის პროფესორთან, ამჟამად საქართველოს ელჩთან ჩინეთის სახალხო რესპუბლიკაში, ვიეტნამის სოციალისტურ რესპუბლიკასა და მონღოლეთში დავით აფციაურთან, რომელმაც წაიკითხა ლექცია თემაზე: „ჩინეთ- საქართველოს და ჩინეთ-ამერიკის ურთიერთობები“. დისკუსიაში აქტიური მონაწილეობა მიიღეს ამერიკისმცოდნეობის დეპარტამენტის სტუდენტებმა და პროფესორებმა. საქართველოს ელჩმა ისაუბრა სტუდენტების გაცვლის პერსპექტივაზე, რასაც მან საფუძველი ჩაუყარა ჩინეთის ერთ-ერთ პრესტიჟულ საერთაშორისო უნივერსიტეტსა და შავი ზღვის საერთაშორისო უნივერსიტეტს შორის.



17 აპრილს შავი ზღვის საერთაშორისო უნივერსიტეტში გაიმართა "IBSU სასკოლო ოლიმპიადა 2015-ის" მონაწილეთა დაჯილდოვების ცერემონია.

გამარჯვებულ მონაწილეებს შავი ზღვის უნივერსიტეტის სახელით გადაეცათ ფასიანი საჩუქრები:

I ადგილი - 2 პრიზიორი დაჯილდოვდება "Ipad"-ით და IBSU-ს 100%-ი სასწავლო გრანტით;
II და III ადგილი - 4 გამარჯვებული დაჯილდოვდება უახლესი მოდელის ტელეფონით, "Kindle"-ითა და IBSU-ს 75%-იანი სასწავლო გრანტით;
IV-X ადგილები - გასული 14 პრიზიორი დაჯილდოვდება IBSU-ს 50%-ნი სასწავლო გრანტით;
XI-XXV ადგილები - 30 პრიზიორი დაჯილდოვდება 20 %-ნი IBSU-ს სასწავლო გრანტით.

შეგახსენებთ, რომ შავი ზღვის საერთაშორისო უნივერსიტეტმა ჩაატარა "IBSU სასკოლო ოლიმპიადა 2015”, რომელშიც მონაწილეობას მიღება შეეძლო ნებისმიერ მე-12 კლასის მოსწავლეს სრულიად უფასოდ.

ოლიმპიადაში მონაწილეობას იღებდა საქართველოს მასშტაბით 800-ზე მეტი აბიტურიენტი. ოლიმპიადა მიმდენარეობდა ერთდროულად საქართველოს 6 ქალაქში: თბილისი, ქუთაისი, რუსთავი, ზუგდიდი, ბათუმი, მარნეული. მასში მონაწილე აბიტურიენტებს შესაძლებლობა ჰქონდა მოეპოვათ უნივერსიტეტის ნებისმიერი პროგრამის სასწავლო 4 წლიანი გრანტი.

ოლიმპიადა გაიმართა ტექნიკურ და ჰუმანიტარულ საგნებში. ტექნიკური მიმართულება გულისხმობდა ტესტირებას 3 საგანში: ქართული ენა და ლიტერატურა, ინგლისური ენა და მათემატიკა. ჰუმანიტარული მიმართულება გულისხმობდა ტესტირებას ასევე 3 საგანში: ქართული ენა და ლიტერატურა, ინგლისური ენა და ისტორია. პასუხების გასაცემად დათმობილი გახლდათ 100 წუთი.



3 აპრილს შავი ზღვის საერთაშორისო უნისვერსიტეტს ცნობილი ჟურნალისტი, ამჟამად პრეზიდენტთან არსებული შეწყალების კომისიის თავჯდომარე ზვიად ქორიძე ეწვია. მან სოციალური ფაკულტეტის ჟურნალისტიკის მიმართულების სტუდენტებისათვის გამართა საჯარო ლექცია თემაზე „სანდო ჟურნალისტიკა“.
ჟურნალისტმა სტუდენტებს პროფესიული რჩევები მისცა. ლექციის დროს განხილულ იქნა არამხოლოდ საქართველოში, არამედ მთლიანად მსოფლიოში მედიის წინაშე მდგარი არაერთი გამოწვევა. ქორიძის აზრით, ყველაზე მნიშვნელოვანი გამოწვევა, რაც ამჟამად მედიას უდგას, ეს არის სანდოობა. “ნდობის მოპოვებას წლები, ზოგჯერ ათეულობით წელი სჭირდება, მის დაკარგვას კი - ერთი დღე, ანდა საათი”, განაცხადა სტუმარმა.
სტუდენტებს საშუალება ჰქონდათ ჟურნალისტისთვის კითხვები დაესვათ. განსაკუთრებული ყურადღება დაეთმო ჟურნალისტების ნეიტრალურობას და მედიასაშუალებების პოლიტიზებულობას. ზვიად ქორიძის აზრით, ჩვენ ვცხოვრობთ ქვეყანაში, სადაც დაბალი პოლიტიკური კულტურაა, სადაც მედიის მესაკუთრეებისა და ჟურნალისტების პოლიტიკური სიმპათიები არ არის გამიჯნული ჟურნალისტური საქმიანობისგან.
სტუმარმა მიმოიხილა ბრიტანული მედიის არაერთი ცნობილი შემთხვევა, მაგალითად გაზეთ “News of the World”-ის დახურვასთან დაკავშირებული მოვლენები, აგრეთვე BBC-ისთან ბრიტანეთის ორი უძლიერესი პრემიერის მარგარეტ ტეთჩერისა და ტონი ბლერის მიერ წარმოებული დაპირისპირება, რაც საბოლოოდ მედიის გამარჯვებით დასრულდა.
ზვიად ქორიძემ შეხვედრის დასასრულს სტუმარი მოკლე ინტერვიუზე დაგვთანხმდა.
- ბატონო ზვიად, თქვენი აზრით, როგორ ჩაიარა დღვენადელმა შეხვედრამ და როგორი შთაბეჭდილებით მიდიხართ შავი ზღვის საერთაშორისო უნივერსიტეტიდან?
ჩემთვის ყოველთვის საინტერესოა სტუდენტებთან შეხვედრა. ჟურნალისტიკა არის საკმაოდ გახსნილი სივრცე, ერთი და იმავე მოვლენის გაშუქებასთან დაკავშირებით ყოველთვის შეიძლება მქონდეს ჩემი აზრი, ჩემს კოლეგებს - განსხვავებული აზრი, ახალგაზრდა სტუდენტებს კი კიდევ უფრო განსხვავებული მიდგომა და სწორედ, ამ დროს ამ კამათში შესაძლოა ჭეშმარიტებასთან ახლოს მდგომი გადაწყვეტილებები მივიღოთ.
- თქვენი დაკვირვებით, ძველი და ახალი თაობის ჟურნალისტები ერთმანეთისაგან რითი განსხვავდებიან?
თანამედროვე სივრცეში ახალი გამოწვევებია. მე მახსოვს, როდესაც პირველად დავიწყეთ გაზეთის კეთება, ჯერ კიდევ სტუდენტი ვიყავი და ძალიან მწირი ტექნიკური საშუალებები გვქონდა, რაც საგრძნობლად განსხვავდება დღევანდელი ტექნიკური ბაზისაგან. ასე რომ ახალი თაობის ჟურნალისტები გაცილებით უფრო მოქნილები და მოხერხებულები არიან, როდესაც საქმე ახალი ტექნოლოგიების გამოყენებაზე მიდგება. სხვანაირად არც შეიძლება იყოს.
- თქვენი აზრით, რა შეიძლება იყოს ჟურნალისტისთვის წარმატების საიდუმლო ?
მე კონკრეტულად ვერ გეტყვით, თუ რა არის წარმატების საიდუმლო. თუმცა, აუცილებლად დავსძენ, რომ მთავარია გიყვარდეთ ის პროფესია, რომელიც აირჩიეთ. ამის გარეშე, ამ პროფესიას ბოლომდე ვერ გაჰყვებით.
- რას უსურვებდით თქვენს მომავალ კოლეგებს ?
პირველ რიგში მაღალ პროფესიულ ზრდას. ჩემთვის ძალიან მნიშვნელოვანი და სასიამოვნოა მსგავსი შეხვედრები და მადლობელი ვარ შავი ზღვის საერთაშორისო უნივერსიტეტის ხელმძღვანელისა და ასევე, რა თქმა უნდა, სტუდენტებისა, რომლებიც დაესწრნენ შეხვედრას.



საქართველოს უზენაესი სასამართლოს თავმჯდომარის, ნინო გვენეტაძე საპასუხო წერილი შავი ზღვის საერთაშორისო უნივერსიტეტისა და "ჩაღლარის" სასწავლო დაწესებულებების სამეთვალყურეო საბჭოსგან პოზიციაზე დანიშვნის მილოცვაზე.
2015 წლის 20 მარტს საქართველოს პარლამენტმა უზენაესი სასამართლოს თავმჯდომარის პოსტზე ნინო გვენეტაძე 88 ხმით ერთხმად აირჩია.
უზენაესი სასამართლოს თავმჯდომარე პარლამენტმა პრეზიდენტის წარდგინებით 10 წლის ვადით აირჩია. საქართველოს ისტორიაში უზენაესი სასამართლოს თავმჯდომარედ პირველად იქნა არჩეული ქალი. ნინო გვენეტაძე უზენაესი სასამართლოს ოცდამეერთე თავმჯდომარეა.



2015 წლის 3 აპრილს შავი ზღვის საერთაშორისო უნივერსიტეტმა ურთიერთთანამშრომლობის მემორანდუმი გააფორმა იურიდიულ კომპანიასთან ‘სამართლის სახლი’. მემორანდუმის ფარგლებში სამართლის საგანმანათლებლო პროგრამის სტუდენტები და კურსდამთავრებულები სტაჟირებას გაივლიან გამოცდილ იურისტებთან, მონაწილეობას მიიღებენ სამართლის სახლის მიერ განხორციელებულ საგანმანათლებლო და პრაქტიკული უნარების გამომუშავებაზე ორიენტირებულ ღონსიძიებებში.



მსოფლიოში ყოველ 20 წუთში ერთ ადამიანს უდგინდება აუტიზმი.
საქართველოს მონაცემების მიხედვით 110 ბავშვიდან 1-ს აქვს აუტიზმი.

შავი ზღვის საერთაშორისო უნივერსიტეტის სტუდენტები აქტიურად ჩაერთვნენ აუტიზმის ცნობადობის ამაღლების აქციაში. უნივერსიტეტში დარიგდა საინფორმაციო ბუკლეტები, რომლებიც მოიცავდნენ ყველა იმ საჭირო ინფორმაციას, რომლის ფლობაც აუცილებელია თითოეული ჩვენგანისათვის. 

აუტიზმი არის ტვინის ფუნქციონირების განვითარების დარღვევა, რომელიც მნიშვნელოვნად ზემოქმედებს და ხელს უშლის ბავშვის: ვერბალური და არავერბალური კომუნიკაციის დამყარების, სოციალური ურთიერთობების ჩამოყალიბებისა და გონებრივი განვითარების პროცესებს. ბავშვი ვერ ახერხებს სწორად აღიქვას ის რაც: ესმის, ხედავს ან შეიგრძნობს. შესაბამისად მას უვითარდება წარმოსახვის პრობლემები და უჩვეულო, შეზღუდული მოქმედებები და ინტერესები. ბავშვი არ ამჟღავნებს ინტერესს გარემოს მიმართ. 

2007 წლის 18 დეკემბერს გაეროს გენერალურმა ასამბლეამ 2 აპრილი აუტიზმის შესახებ ინფორმაციის გავრცელების მსოფლიო დღედ გამოაცხადა. საქართველო 2012 წლიდან აქტიურად არის ჩართული აუტიზმის მსოფლიო დღესთან დაკავშირებულ ღონისძიებებსა და საინფორმაციო კამპანიაში, რომელთა მიზანია ქართული საზოგადოების ინფორმირებულობის გაზრდა აუტიზმის შესახებ და აუტიზმის მქონე ადამიანების ფუნდამენტური უფლებების რეალიზების უზრუნველყოფა.


ბიზნესის მართვის ფაკულტეტმა  სოციალური პასუხისმგებლობის ფარგლებში დაიწყო პროექტი „ბიზნესის ანბანი“, რომელიც მიმართულია დაეხმაროს საზოგადოებას, თავიდან აიცილოს არასწორად დაგეგმილი ბიზნეს წამოწყებების შედეგად მიღებული ზიანი.

პროექტი გამიზნულია კერძო და სახელმწიფო სკოლის მოსწავლეებისათვის, რომლებიც მიღებული ცოდნის შედეგად საზოგადოებას გააცნობენ არასწორად დაგეგმილი ბიზნეს წამოწყების სავალალო შედეგებს. მიუხედავად მათი მომავალი კარიერული არჩევნისა, უნივერსიტეტს მიაჩნია, რომ ახალგაზრდობა სათანადოდ უნდა იყოს მომზადებული მომავალში მართებული ბიზნეს გადაწყვეტილებების მისაღებად. სწორედ ამისთვის არის გამიზნული ეს პროექტი.

პროექტის ინიციატორები გახლავთ ბიზნესის მართვის ფაკულტეტის მენეჯმენტის პროგრამის კოორდინატორი პროფესორი გიორგი ბაღათურია, დეკანის მრჩეველი დოქტორი თეონა მაისურაძე და ფაკულტეტის წარჩინებული სტუდენტები: ეკატერინე ნაცვლიშვილი, ქრისტინე ბერეკაშვილი, ანი მახარაშვილი, მარიტა ქოჩუა, თათია ალფენიძე, დეა ბაღიშვილი, მარიამ სარალიძე, ანა ბოიკო და ოლგა ბოიკო.

პროექტი მრავალჯერადია და ფაკულტეტი იმედოვნებს, რომ სამომავლოდ უფრო ფართო მასშტაბებს მოიცავს.



განათლებისა და ჰუმანიტარულ მეცნიერებათა ფაკულტეტის ამერიკისმცოდნეობის პროგრამის მეორე და მესამე კურსელმა სტუდენტებმა მონაწილეობა მიიღეს ამერიკის საელჩოს საზოგადოებასთან ურთიერთობის დეპარტამენტის მიერ მოწყობილ დისკუსიაში „პროფესიონალი წყვილების კარიერა და ცხოვრება დღევანდელ გლობალურ საზოგადოებაში“, რომელიც მიეძღვნა ქალთა ისტორიის თვეს. დისკუსია ჩატარდა ახალგაზრდობის სასახლის ამერიკულ კუთხეში. ღონის ძიებაში მონაწილეობა მიიღეს ამერიკის ელჩმა რიჩარდ ნორლანდმა და ქალბატონმა ნორლანდმა.



სამშაბათს, 31 მარტს ეკა ტყეშელაშვილი შავი ზღვის საერთაშორისო უნივერსიტეტს ეწვია. უნივერსიტეტის რექტორთან, პროფესორ ილიას ჩილოღლუსთან შეხვედრის შემდეგ მან სოციალურ მეცნიერებათა ფაკულტეტის სტუდენტებისთვის გამართა საჯარო ლექცია თემაზე "საქართველოს ევროპული არჩევანი".
ეკა ტყეშელაშვილი სხვადასხვა დროს იკავებდა იუსტიციის მინისტრის, საგარეო საქმეთა მინისტრის და საქართველოს ეროვნული უშიშროების საბჭოს თავმჯდომარის თანამდებობებს. იყო აგრეთვე რეინტეგრაციის საკითხებში საქართველოს სახელმწიფო მინისტრი და ვიცე-პრემიერი. საკუთარი პროფესიული გამოცდილებიდან გამომდინარე მან მიმოიხილა ევროპული არჩევანის მნიშვნელობა საქართველოსთვის, შეეხო რეგიონული უსაფრთხოების, ეკონომიკური ინტეგრაციის და თავისუფალი მიმოსვლის საკითხებს. თავისი გამოსვლის შემდეგ სტუმარმა სტუდენტების კითხვებს უპასუხა.
საჯარო ლექციის შემდეგ ხელი მოეწერა მემორანდუმს შავი ზღვის საერთაშორისო უნივერსიტეტსა და საქართველოს სტრატეგიული კვლევების ინსტიტუტს შორის.


შავი ზღვის საერთაშორისო უნივერსიტეტის დელეგაცია იმყოფებოდა თურქულ-ამერიკული ალიანსის მიერ ვაშინგტონში ყოველწლიურად ორგანიზებულ ფორუმზე, „თურქულ-ამერიკული ფორუმი და ბიზნეს სამიტი“ („Turkic American Convention & Business Summit“).

“თურქულ-ამერიკული ალიანსი” გახლავთ გაერთიანება, რომელშიც 60-ზე მეტი ამერიკული ორგანიზაცია არის გაწევრიანებული. ალიანსის წევრი გახლავთ 18 ქვეყნის ბიზნეს ასოციაცია.

ფორუმში მონაწილეობას იღებდა 15 ქვეყნის წარმომადგენლობა, მათ შორის საქართველოდან განათლების სფეროში ყველაზე მსხვილი უცხოური ინვესტორი-შავი ზღვის საერთაშორისო უნივერსიტეტი. ჩვენი წარმომადგენლები გახლდათ: უნივერსიტეტის რექტორი, პროფ. დოქტ. ილიას ჩილოღლუ; გენერალური მდივანი, რესულ დიკმენი; სამეთვალყურეო საბჭოს თავმჯდომარე, ადემ ონელი და პროფესორი, რომან გოცირიძე.

„საზეიმო გახსნაზე 20 სენატორი და კონგრესმენი გამოვიდა სიტყვით. იყო უამრავი ინდივიდუალური შეხვედრა კონგრესში, თეთრ სახლში, სახელმწიფო დეპარტამენტში. საუბარი კი მიმდენარეობდა ქართულ პრობლემატიკაზე. 

დაწყებული რიგის სამიტზე მხარდაჭერის თხოვნით, დამთავრებული საქართველოს ეკონომიკური თუ სხვა სახის საკითხებით, იყო კონგრესმენებთან და სხვა მაღალი რანგის სახელმწიფო მოხელეებთან ინდივიდუალური შეხვედრების თემატიკა. ბევრი მათგანი საქართველოშიც კი გახლდათ ნამყოფი და მათ სიტყვებში მხოლოდ აღრფთოვანება და გულწრფელი მოხიბლულობა იგრძნობოდა ჩვენს ქვეყანაზე“ - იუწყება შავი ზღვის საერთაშორისო უნივერსიტეტის მოწვეული ლექტორი, საქართველოს ეკონომიკური განვითარების ცენტრის თავმჯდომარე, ერობნული ბანკის ყოფილი თავმჯდომარე, რომან გოცირიძე.

„თურქულ-ამერიკული ფორუმსა და ბიზნეს სამიტზე“ ყოველწლიურად მონაწილეობას იღებდნენ კომპანიები და ორგანიზაციები თურქეთიდან, ხოლო წელს მათ გადაწყვიტეს დელეგაციების მიწვევა ასევე სხვა ქვეყნებიდან, როგორც მოგეხსენებათ, მათ შორის საქართველოდან, რომლის წარმომადგენლები შავი ზღვის საერთაშორისო უნივერსიტეტის დელეგაცია გახლდათ. ფორუმის მთავარი მიზანი გახლავთ ბიზნესმენებს შორის საქმიანი ურთიერთობების გაღრმავება. ღონისძიებაზე გამოსვლები ძირითადათ ეკონომიკურ საკითხებს ეხებოდა. სამიტის ფარგლებში დაგეგმილი იყო ღონისძიებები სხვადასხვა ორგანიზაციებთან, სახელმწიფო სტრუქტურებთან. გახსნის ცერემონიალს ესწრებოდა 20 სენატორი და კონგრესმენები. ჩვენის მხრივ ვცდილობდით გაგვეღრმავენიკა კონტაქტი აღნიშნული სფეროს წარმომადგენლებთან, რაც საქართველოს ხელს შეუწყობს საერთაშორისო ურთიერთობებისა და საგარეო პოლიტიკის წარმართვაში.

ჩვენთვის ძალიან სასიამოვნო იყო ის ფაქტი, რომ სამიტზე მყოფი დელეგაცია კარგად იცნობდა საქართველოს, საინტერესო ფაქტებსაც კი ფლობდნენ მის შესახებ. დელეგაციასთან ერთად გვქონდა ასევე ტურისტული ვიზიტები სხვადასხვა ადგილებზე. 

ძალიან სასიამოვნო გასახსენებელია სამიტზე მომხდარი კურიოზი. ფორუმის საზეიმი გახსნაზე ოცამდე სენატორი და კონგრესმენი გამოვიდა მისასალმებელი სიტყვით. მათ შორის იყო იაპონური წარმოშობის კონგრესმენი კალიფორნიიდან, მაიკლ ჰონდა. როდესაც მან გაიგო იქ მყოფი ქართული დელეგაციის შესახებ, მან მოუხმო თავის თანაშემწეს, რომელიც მიიყვანა ტრიბუნასთან და სთხოვა ჩვენთვის სიტყვით მოემართა ქართულად. ღონისძიებაზე ფაქტობრივად დაირღვა პროტოკოლი - თანაშემწემ სრულიად გამართულ ქართულად დაიწყო საუბარი და თვითონვე თარგმნიდა თავის სიტყვებს ინგლისურად. ის საზოგადოებას უყვებოდა საქართველოზე და მისდამი სიყვარულზე. აღმოჩნდა, რომ ეს ქალბატონი გახლდათ 2004-2005 წლებში გურიის სოფელში მასწავლებელი, მას უმუშავია გაეროს მშვიდობის კორპუსის ეგიდით. ამ ფაქტმა ძალიან გაგავახარა ქართული დელეგაცია და გაახალისა იქ მყოფი დამსწრე საზოგადოება.

ვაშინგტონში ვიზიტის დროს შევხვდით საქართველოს ელჩის ელჩის მოადგილეს, გიორგი ხელაშვილს და პირველ მდივანს, სოფიო კუპრაძეს. ნიუ იორკში კი ჩვენი ვიზიტი დავაგვირგვინეთ ჩვენი უნივერსიტეტის კურსდამთავრებულებთან შეხვედრით. “ - იუწყება შავი ზღვის საერთაშორისო უნივერსიტეტის რექტორი, პროფ. დოქტ. ილიას ჩილოღლუ.

„თურქულ-ამერიკულ ფორუმსა და ბიზნეს სამიტზე“ საქართველოს წარმომადგენლების მონაწილეობა ძალიან მნიშვნელოვანი იყო ამერიკისა და თურქეთის სამეცნიერო, ბიზნეს და პოლიტიკურ წრეებთან კონტაქტების დასამყარებლად. შავი ზღვის საერთასორისო უნივერსიტეტი იმედოვნებს, რომ სამომავლოდ დაგეგმილ სამიტზე აუცილებლად მიიღებს მონაწილეობას, ვინაიდან აღნიშნული ღონისძიების მნიშვნელობა როგორც საქართველოსათვის, ასევე უნივერსიტეტისათვის ძალიან დიდია.



ხუთშაბათს, 26 მარტს საქართველოს საგარეო საქმეთა მინისტრი ქ-ნი თამარ ბერუჩაშვილი შავი ზღვის საერთაშორისო უნივერსიტეტს ეწვია. ვიზიტის ფარგლებში მინისტრი უნივერსიტეტის რექტორ პროფესორ ილიას ჩილოღლუს შეხვდა. შეხვედრაზე საუბარი შეეხო საგანმანათლებლო სფეროში თანამშრომლობის საკითხს ქართულ-თურქულ ურთიერთობების კონტექსტში, ასევე იმ შესაძლებლობებს, რომლებიც ასოცირების ხელშეკრულების ფარგლებში ქართული უნივერსიტეტებისთვის ჩნდება. 
შეხვედრას ესწრებოდნენ შავი ზღვის საერთაშორისო უნივერსიტეტის სამეთვალყურეო საბჭოს ხელმძღვანელი ადემ ონალი, უნივერსიტეტის კანცლერი რესულ დიქმენი და ადმინისტრაციის სხვა თანამშრომლები. 
შეხვედრის შემდეგ ქ-ნმა თამარ ბერუჩაშვილმა გამართა საჯარო ლექცია თემაზე „საქართველოს საგარეო პოლიტიკის ძირითადი მიმართულებები“. მინისტრმა სტუდენტებს ინფორმაცია მიაწოდა სამინისტროს ორწლიანი ანგარიშის შესახებ და მოკლედ მიმოიხილა საგარეო პოლიტიკის პრიორიტეტები, ისაუბრა იმ გამოწვევებზე, რომლებიც ქვეყნის წინაშე დგას.

ლექციის შემდეგ სტუდენტებს საშუალება ჰქონდათ დაესვათ შეკითხვები და ქვეყნის პირველი დიპლომატისგან მიეღოთ მათთვის საინტერესო პასუხები. დისკუსიის დასრულების შემდეგ პროფესორმა ილიას ჩილოღლუმ საპატიო სტუმარს სიმბოლური საჩუქარი გადასცა.



2014 წლის სასწავლო წლიდან შავი ზღვის საერთაშორისო უნივერსიტეტში ჟურნალისტიკის ფაკულტეტი ისწავლება.
აღნიშნული კურსის სტუდენტებს შესაძლებლობა აქვთ მიიღონ როგორ თეორიული ცოდნა, ასევე სწავლის პარალელურად დაეუფლონ პრაქტიკულ ცოდნასაც. აქედან გამომდინარე ისინი გამოირჩევიან აქტიურობით სხვადასხვა სახის პროექტსა თუ ღონისძიებებზე.

7–8–9 მარტს ბათუმში გაიმართა Model European Union (MEU), რომელიც გახლავთ ევროკავშირის გადაწყვეტილების მიღების პროცესისა და პოლიტიკის სიმულაცია, რომელიც ყოველწლიურად მიმდინარეობს სტრასბურგში და აერთიანებს ახალგაზრდებს მთელი ევროპიდან. 

საქართველოში პროექტის ინიციატორია YES Georgia, რომელიც 2013 წლიდან უკვე მესამედ მართავს ამ ფორმატის მასშტაბურ ღონისძიებას. ბათუმში MEU-ს უმასპინძლა ადგილობრივმა ახალგაზრდულმა ორგანიზაციამ - “ახალგაზრდა ბათუმელთა კავშირი”.

ღონისძიებაში ჟურნალისტის პოზიციაზე მონაწილეობას იღებდნენ ჩვენი უნივერსიტეტის ჟურნალისტიკის ფაკულტეტის სტუდენტები. აღნიშნულ პოზიციაზე მყოფი მონაწილეებისათვის ჩატარებულ კონკურსში „საუკეთესო ჟურნალისტის“ წოდება მოიპოვა ჩვენმა სტუდენტმა, ანა ნატრიაშვილმა, რომლის სტატიები სესიაზე საუკეთესო ნამუშევრად იყო მიჩნეული. შავი ზღვის საერთაშორისო უნივერსიტეტი ულოცავს ანას ამ გამარჯვებას და უსურვებს კარიერულ წინსვლას მის საქმიანობაში.

შავი ზღვის საერთაშორისო უნივერსიტეტი გახლდათ პროექტის სპონსორი, რომლის მხარდამჭერა სხვადასხვა მიმართულებით მიმდენარეობდა. უნივერსიტეტის სახელით სესიაზე გამოვლენილ საუკეთესო დელეგატებს გადაეცათ სიმბოლური საჩუქრები.



17 მარტს ვაშინგტონში თურქულ-ამერიკული ფორუმის საზეიმო გახსნას ესწრებოდნენ საქართველოს რამდენიმე კერძო და სახელმწიფო უნივერსიტეტის წარმომადგენლები. შავი ზღვის საერთაშორისო უნივერსიტეტი წარმოდგენილი გახლდათ შზსუ-ს რექტორი, ბატონი ილიას ჩილოღლუ და ეკონომიკის საკითხებში ექსპერტი, შზსუ-ს ასოცირებული პროფესორი, რომან გოცირიძე. სოხუმის სახელმწიფო უნივერსიტეტის წარმოადგენდა უნივერსიტეტის რექტორი, ბატონი ჯონი აფაქიძე.

ფორუმის ფარგლებში შეხვედრები გაიმართა ამერიკელ კონგრესმენებთან და სენატორებთან, შეხვედრა ასევე გაიმართა აშშ-ს სახელმწიფო დეპარტამენტის კავკასიის ოფისის დირექტორთან, ჯონ მარკ ფომერშიემთან.

ფორუმის საზეიმო გახსნაზე მისასალმებელი სიტყვით ოცამდე სენატორი და კონგრესმენი გამოვიდა.



015 წლის 11 მარტს შავი ზღვის საერთაშორისო უნივერსიტეტს ეწვია ბრნოს ტექნიკური უნივერსიტეტის (ჩეხეთის რესპუბლიკა, ბრნო) წარმომადგენელი,
პროფესორ-დოქტორი ბედრიხ პუზა.

ვიზიტის მთავარი მიზანი გახლდათ ორ უნვიერსიტეტს შორის ურთიერთობების გაღრმავება და სხვადასხვა სფეროებში თანამშრომლობის
განმტკიცება.

შეხვედრას ესწრებოდნენ: შავი ზღვის საერთაშორისო უნივერსიტეტის ვიცე-რექტორები განათლებისა და მეცნიერების დარგებში, პროფ. დოქ. ილიას უსთუნიერი და პროფ. დოქ. ნათელა დოღონაძე; კომპიუტერულ ტექნოლოგიებისა და საინჟინრო საქმის ფაკულტეტის დეკანი, ასოც. პროფ. დოქ. ჯიჰან მერთი; ფაკულტეტის მაგისტრატურისა და დოქტორანტურის პროგრამების კოორდინატორი, ასოც. პროფ. დოქ. ჯაბირ ერგუვენი; ბიზნესის მენეჯმენტის ფაკულტეტის წარმომადგენლები და საერთაშორისო ურთიერთობების ოფისის ხელმძღვანელი, მურათ ერგუვანი.

შეხვედრაზე ორივე უნივერსიტეტის წარმომადგენლებმა ერთმანეთს გაუზიარეს ინფორმაცია უნივერსიტეტის მთავარი მიზნების, სწავლის მეთოდიკისა და სამომავლო გეგმების შესახებ. ბრნოს ტეკნიკური და შავი ზღვის საერთასორისო უნივერსიტეტი რამდენიმე წელია აქტიურად თანამშრომლობენ. აღნიშნული შეხვედრა კი მიზანმიმართული იყო ურთიერთობის გაღრმავებისა და თანამშრომლობის ახალი შესაძლებლობების განხილვისათვის.

შეხვედრის ბოლოს, რომელიც ორივე მხარისათვის ძალიან საინტერესოდ წარიმართა, შავი ზღვის საერთაშორისო უნივერსიტეტისგან სტუმრებს
გადაეცათ სამახსოვრო საჩუქრები.



დღეს, 13 მარტს შავი ზღვის საერთასორისო უნივერსიტეტში გაიმართა პროექტ "EUROsima-ს" გახსნის ცერემონია.

EUROsima არის ევროპული დონის გადაწყვეტილების მიღებისა და ინსტიტუტების აკადემიური სიმულაცია, რომელიც პირველად იმართება საქართველოში და ემსახურება კომპლექსური სიმულაციების საერთაშორისო პრაქტიკის დანერგვას ჩვენ ქვეყანაში.

შავი ზღვის საერთაშორისო უნივერსიტეტი გახლავთ პროექტის სპონსორი და მასპინძელი. ჩვენი უნივერსიტეტის მხარდაჭერა სხვადასხვა მიმართულებებში მიმდენარეობს.

13 და 14 მარტს უნივერსიტეტის სასწავლო კამპუსში გაიმართება პროექტის საკომიტეტო მუშაობები, ხოლო 15 მარტს დასკვნითი ღონისძიება, რომელსაც ეწვევიან მაღალი რანგის წარმომადგენლები.



ევროკავშირის მიერ დაფინანსებული პროექტის „შავი ზღვის აუზის ქვეყნების უნივერსიტეტებს შორის თანამშრომლობის ქსელი Univer-Sea.Net” ფარგლებში ხუთმა სტუდენტმა (სალომე წულუკიძე - შზსუ, თინათინ დავითაშვილი - იაკობ გოგებაშვილის სახელობის სახელმწიფო უნივერსიტეტი, სოფიკო თინიკაშვილი - გორის სახელმწიფო სასწავლო უნივერსიტეტი, თორნიკე პაიჭაძე - გურამ თავართქილაძის სახელობის სასწავლო უნივერსიტეტი და მარიამ ადონია - შოთა მესხიას სახელობის სასწავლო უნივერსიტეტი), რომელთაც პროექტის ონლაინ კურსების გავლის შემდეგ წარმოადგინეს საუკეთესო პროექტი და გაიმარჯვეს კონკურში, საშუალება მიეცათ გაევლოთ 1 თვიანი სტაჟირება ქარაბუქის უნივერსიტეტსა და აიდინის უნივერსიტეტში (თურქეთი) 2015 წლის 2 თებერვლიდან 1 მარტამდე.



2015 წლის 5-7 მარტს ქალაქ კონსტანტაში (რუმინეთი) გაიმართა ევროკავშირის პროექტის „შავი ზღვის აუზის ქვეყნების უნივერსიტეტებს შორის თანამშრომლობის ქსელი Univer-Sea.Net” დასკვნითი კონფერენცია. კონფერენცია გაიმართა ანდრეი საგუნას უნივერსიტეტის ინიციატივით.

კონფერენციაში მონაწილეობას იღებდნენ კონსტანტას ანდრეა საგუნას უნივერსიტეტი (კონსტანტა, რუმინეთი), ქარაბუქის უნივერსიტეტი (ქარაბუქი, თურქეთი), მოლდოვას რესპუბლიკის პრეზიდენტის სახელობის საჯარო მმართველობის აკადემია (კიშინიოვი, მოლდავეთის რესპუბლიკა), სტამბულის აიდინის უნივერსიტეტი (სტამბული, თურქეთი). შავი ზღვის საერთაშორისო უნივერსიტეტიდან მონაწილეობა მიიღეს პროექტის მენეჯერმა პროფ. დოქტ. ტატიანა პაპიაშვილმა და პროექტის საგანმანათლებლო ექსპერტმა დიანა მჭედლიშვილმა. პროფ. ტატიანა პაპიაშვილმა წარმოადგინა თემა სახელწოდებით „შავი ზღვის აუზის ქვეყნების უნივერსიტეტებს შორის თანამშრომლობის ქსელი: პროექტის შედეგების შეფასება“.

კონფერენციაზე დამსწრე საზოგადოებამ შეაჯამა პროექტის ფარგლებში განხორციელებული ღონისძიებები: შავი ზღვის აუზის ქვეყნების უნივერსიტეტებს შორის თანამშრომლობის ქსელის ჩამოყალიბება, რამაც პარტნიორ უნივერსიტეტებს საშუალება მისცა გაიზიარონ განათლების სფეროში არსებული საუკეთესო პრაქტიკა, პუბლიკაციები, სასწავლო კურსები; სხვადასხვა ეროვნების, კულტურის და რელიგიის წარმომადგენელ სტუდენტებსა და პროფესორებს შორის დიალოგის ხელისშეწყობის მიზნით შესაფერისი გარემოს შექმნა და საგანმანათლებლო ღირებულებების წინ წამოწევა.



2015 წლის 10 მარტს ბიზნესის მართვის ფაკულტეტმა უმასპინძლა ACCA-IBSU დისკუსიას მრგვალი მაგიდის ფორმატში „დიდი მონაცემები - მისი ძალა და საფრთხეები“. ღონისძიება გაიმართა უკრაინის, ბალტიკისა და სამხრეთ კავკასიის ქვეყნების წარმომადგენლობისა და საქართველოს პროფესიონალ ბუღალტერთა და აუდიტორთა ფედერაციის მხარდაჭერით.

ღონისძიებაში მონაწილეობას იღებდნენ წარმომადგენლები 8 უნივერსიტეტიდან: შავი ზღვის საერთაშორისო უნივერსიტეტი, თბილისის ივანე ჯავახიშვილის სახელობის სახელმწიფო უნივერსიტეტი, კავკასიის უნივერსიტეტი, საქართველოს ტექნიკური უნივერსიტეტი, საქართველოს უნივერსიტეტი, ქართულ-ამერიკული უნივერსიტეტი, სოხუმის სახელმწიფო უნივერსიტეტი, გურამ თავართქილაძის სასწავლო უნივერსიტეტი. მოწვეულ სტუმრებს შორის იყვნენ შზსუ-ის კურსდამთავრებულები, ACCA-ის წევრები - მარიამ მაჩხანელი და ელენე რამიშვილი.
ღონისძიებაზე მისასალმებელი სიტყვით გამოვიდნენ შზსუ-ის რექტორი ასოც. პროფ. დოქტ. ილიას ჩილოღლუ, საქართველოს პროფესიონალ ბუღალტერთა და აუდიტორთა ფედერაციის დირექტორი ლავრენტი ჭუმბურიძე და შზსუ-ის ფინანსების პროგრამის კოორდინატორი პროფ. დოქტ. ქეთევან ლაფაჩი. ACCA კვლევის „დიდი მონაცემები - მისი ძალა და საფრთხეები“ შედეგები პრეზენტაციის სახით წარმოადგინა ფინანსების პროგრამის სტუდენტმა მარიამ გაბადაძემ. ძირითად მომხსენებლებს შორის იყვენენ ასევე: შზსუ-ის საბუღალტრო აღრიცხვისა და აუდიტის პროგრამის კოორდინატორი ასოც. პროფ. დოქტ. სოფიო ხუნდაძე. საქართველოს პროფესიონალ ბუღალტერთა და აუდიტორთა ფედერაციის დირექტორი ბატონი ლავრენტი ჭუმბურიძე. პრეზენტაციებს მოყვა საინტერესო დისკუსია.

ღონისძიების დასასრულს სტუმრებისათვის გაიმართა კოქტეილი.



შავი ზღვის საერთაშორისო უნივერსიტეტი აქტიურად არის ჩართული ახალგაზრდა ორგანიზაციების ღონისძიებების ხელშეწყობაში, რაც სხვადასხვა სახის მხარდაჭერით გამოიხატება.

7-9 მარტს უნივერსიტეტის სასწავლო კამპუსი მასპინძლობდა ორგანიზაცია “YES GEORGIA-ს“ მიერ ორგანიზებულ ევროკავშირის მოდელირებას, Model European Union (MEU).

Model European Union (MEU) - არის ევროკავშირის გადაწყვეტილების მიღების პროცესისა და პოლიტიკის სიმულაცია, რომელიც ყოველწლიურად მიმდინარეობს სტრასბურგში და აერთიანებს ახალგაზრდებს მთელი ევროპიდან. MEU-ს მთავარი სპონსორი და მასპინძელი გახლდათ შავი ზღვის საერთაშორისო უნივერსიტეტი, რომლის მხარდაჭერა სხვადასხვა მიმართულებებით მიმდენარეობდა. სესიაში მონაწილეობას იღებდა 400-ზე მეტი ახალგაზრდა, რომელიც დაკომპლექტებული გახლდათ 12 სამუშაო ერთმანეთისაგან განსხვავებულ თემატიკაზე მომუშავე კომიტეტში. სესიაზე გამოვლენილ 12 საუკეთესო დელეგატს უნივერსიტეტის სახელით გადაეცა სასაჩუქრე ნაკრები.

სესიის დასკვნითი ღონისძიება გაიმართა სასტუმრო „Courtyard Marriott-ში“, სადაც დამსწრე საზოგადოებას სიტყვით მიმართა შავი ზღვის საერთაშორისო უნივერსიტეტის რექტორმა, პროფ. ილიას ჩილოღლუმ. ბატონმა ილიამ თავის გამოსვლაში ყურადღება გაამახვილა მსგავსი ტიპის პროექტების მნიშვნელობაზე ახალგაზრდებსა და უნივერსიტეტისათვის. მისი თქმით, შავი ზღვის საერთაშორისო უნივერსიტეტი მუდამ მზად არის ითანამშრომლოს ორგანიზაცია “YES GEORGIA-სთან“ და დიდი სიამოვნებით ითანამშრომლებს მათთან კიდევ არა ერთ ღონისძიებაზე.




საქართველოს ფუტსალის უმაღლეს ლიგაში 8 პროფესიული გუნდი თამაშობს სადაც  შავი ზღვის საერთაშორისო უნივერსიტეტის 2 გუნდი მონაწილეობს „თბილისი“ და „I.B.S.U.“ რომლებიც შესაბამისად 2 და 5 ადგილებს ინაწილებენ,  2015 წლის 6 მარტს ჩატარდა უმაღლესი ლიგის მეორე წრის I ტურის თამაშები რომელიც უნივერსიტეტის გუნდებისათვის უიღბლო გამოდგა გუნდმა „თბილისი“ წააგო სპარტაკთან ანგარიშით 8-7 და გუნდი „IBSU” ანგარიშით 8-2 დამარცხდა გუნდ „გენერალ“-თან.  შემდეგი ტური გაიმართება 26 და 27 მარტს წარმატებებს ვუსურვებთ ჩვენს გუნდებს.



შაბათს, 7 მარტს შავი ზღვის საერთასორისო უნივერსიტეტში გაიმართა „IBSU- სასკოლო ოლიმპიადა 2015”.
ოლიმპიადაში მონაწილეობას იღებდა საქართველოს მასშტაბით 800-ზე მეტი აბიტურიენტი. ოლიმპიადა მიმდენარეობდა ერთდროულად საქართველოს 6 ქალაქში: თბილისი, ქუთაისი, რუსთავი, ზუგდიდი, ბათუმი, მარნეული. მასში მონაწილე აბიტურიენტებს შესაძლებლობა აქვთ მოიპოვონ უნივერსიტეტის ნებისმიერი პროგრამის სასწავლო 4 წლიანი გრანტი.
ტესტები 75 ტესტური შეკითხვისგან შედგებოდა. პასუხების გასაცემად დათმობილი გახლდათ 100 წუთი.
ოლიმპიადა გაიმართა ტექნიკურ და ჰუმანიტარულ საგნებში. ტექნიკური მიმართულება გულისხმობდა ტესტირებას 3 საგანში: ქართული ენა და ლიტერატურა, ინგლისური ენა და მათემატიკა. ჰუმანიტარული მიმართულება გულისხმობდა ტესტირებას ასევე 3 საგანში: ქართული ენა და ლიტერატურა, ინგლისური ენა და ისტორია.
ტესტირების დასრულებიდან 14 კალენდარულ დღეში შავი ზღვის საერთაშორისო უნივერსიტეტის აბიტურიენტის გვერდზე გამოქვეყნდება ტესტირების შედეგები, რომლის ნახვა შესაძლებელი იქნება სისტემაში პირადი ნომრის შეყვანის მეშვეობით.
ტესტების შედეგების გასაჩივრებისთვის თქვენ გეძლევათ 10 დღიანი სააპელაციო ვადა (რომელიც იწყება ტესტირების შედეგების გამოქვეყნებიდან და გრძელდება 10 სამუშაო დღის გნმავლობაში).
შავი ზღვის საერთაშორისო უნივერსიტეტი გისურვებთ წარმატებას!


ბიზნესის მართვის ფაკულტეტი ვულოცავთ ჩვენს სტუდენტებს გიორგი კობეშავიძესა და გიორგი გოგოჭურს საერთაშორისო კონკურსის "Peaktime" ფინალში გადასვლას და ვუსურვებთ წარმატებას 16-19 აპრილს რიგაში გამართულ ფინალურ ტურში.



2015 წლის 9 მარტს, ამერიკელი სამხედრო ფოტოგრაგი სტეისი პიერსალი შეხვდა ამერიკისმცოდნეობის ყველა სტუდენტს, ასევე ინგლისური ფილოლოგიის სტუდენტებსა და პროფესორებს. ქალმა ფოტოგრაფმა, რომელიც ორჯერ დაიჭრა ერაყში, პრეზენტაცია მიუძღვნა მის გამოცდილებას ერაყში და საინტერესოდ უპასუხა სტუდენტებისა და პროფესორების მრავალრიცხოვან შეკითხვებს.



2015 წლის 4 მარტს შავი ზღვის საერთაშორისო უნივერსიტეტმა (იბსუ) საქართველოს რესპუბლიკური პარტიის თავმჯდომარეს ქ-ნ ხათუნა სამნიძეს უმასპინძლა. სოციალურ მეცნიერებათა ფაკულტეტის მიერ ორგანიზებულ ქალთა კვირეულის ფარგლებში ქ-ნმა ხათუნამ სტუდენტებთან შეხვედრა გამართა თემაზე „ქალი პოლიტიკაში“. სტუმარმა, საკუთარ ისტორიაზე დაყრდნობით, ისაუბრა იმ სირთულეებსა და სტერეოტიპებზე, რომელთა დაძლევაც უწევთ ქალებს პოლიტიკაში გზის გასაკვლევად, ასევე შეეხო იმ გამოწვევებს, რომელთა წინაშეც დგას ქართული კანონმდებლობა. ქ-ნ ხათუნა ასევე შეეხო კვოტების სისტემის შემოღების საკითხს პარლამენტში და მიმოიხილა ის ღონისძიებები, რომლებიც ტარდება აღნიშნული პრობლემის აღმოსაფხვრელად. სტუმარმა სტუდენტებს გაუზიარა კარიერული განვითარების პირადი გამოცდილებაც.
ლექციის შემდეგ გაიმართა აქტიური დისკუსია. სტუდენტებმა იმსჯელეს გენდერული საკითხების გარშემო არსებულ საკანონმდებლო, ფსიქოლოგიურ, სოციალურ თუ ეკონომიკურ პრობლემებზე. .
ვიზიტის ფარგლებში რესპუბლიკური პარტიის ლიდერი შეხვდა იბსუს რექტორს ბ-ნ ილიას ჩილოღლუს, რომელმაც სტუმარს უნივერსიტეტის კამპუსი დაათვალიერებინა და სამახსოვრო საჩუქარი გადასცა.



შავი ზღვის საერთაშორისო უნივერსიტეტის ლექტორი, ასოცირებული პროფესორი ნიკოლოზ ფარჯანაძე უძღვებოდა სესიას, "ნგლისური ენის აკადემიური წერა", რომელიც გაიმართა ამერიკის საელჩოს მხარდაჭერით და მიზნად ისახავდა ინგლისური ენის დონის გაუმჯობესებას ქართველი ახალგაზრდებისათვის.

სესიას ესწრებოდა ამერიკის ელჩი საქართველოში, რიჩარდ ნორლანდი, რომელმაც სიტყვით მიმართა დამსწრე საზოგადოებას და მადლობის ნიშნად სიგელით დააჯილდოვა ბ-ნი ნიკოლოზი.



შავი ზღის საერთაშორისო უნივერსიტეტი მონაწილეობას ღებულობს ევროკავშირის პროექტში - ტემპუს MAHATMA. პროექტი მიმდინარეობს 2012 წლიდან და არის მის ფინალურ სტადიაში. პროგრამის ადმინისტრაციის ხარისხის ამაღლების მიზნით, პროექტის ადმინისტრაციური საბჭო ატარებს საკოორდინაციო შეხვედრებს, ისევე როგორც დამატებით ტრეინინგ სესიებს თითოეულ ინდივიდუალურ ეტაპზე, რომლის მიზანია პროექტის განვითარების შეფასება.

ამ ეტაპზე შეხვედრა გაიმართა 2015 წლის 25-27 თებერვალს გერმანიის ქალაქ კობლენცში, ლანდაუ-ს უნივერსიტეტში. შეხვედრას ესწრებოდნენ განათლებისა და ჰუმანიტარულ მეცნიერებათა ფაკუკლტეტის აკადემიური და ადმინისტრაციული პერსონალი: ასოც. პროფ. დოქტ. ნიკოლოზ ფარჯანაძე; ასოც. პროფ. დოქტ. ირმა მესირიძე, და სასწავლო პროცესის ადმინისტრატორი ტაისია მუზაფაროვა.

სამ დღიანი ტრეინინგ სესია შეეხებოდა სწავლების თანამედროვე მეთოდებს და აღმოჩნდა ძალიან პროდუქტიული. ინტერაქტიული სესიების მსვლელობისას, პროექტის მონაწილეებმა ერთმანეთს გაუზიარეს საკუთარი გამოცდილება. საკოორდინაციო შეხვედრაში მონაწილეობდნენ: მიდლსექს უნივერსიტეტი - ლონდონი, დიდი ბრიტანეთი; ბას სფას უნივერსიტეტი - ბასი, დიდი ბრიტანეთი; სასომხეთის სახელმწიფო პედაგოგიური უნივერსიტეტი - ერევანი, სასომხეთი; ლანდუ-ს უნივერსიტეტი - კობლენცი, გერმანია; შავი ზღვის საერთაშორისო უნივერსიტეტი - თბილისი, საქართველო; ილიას სახელმწიფო უნივერსიტეტი - თბილისი, საქართველო; აკაკი წერეთლის სახელობის სახელმწიფო უნივერსიტეტი - ქუთაისი, საქართველო; შოთა რუსთაველის სახელმწიფო უნივერსიტეტი - ბათუმი, საქართველო; სასომხეთის სახელმწიფო ეკონომიური უნივერსიტეტი - ერევანი, სასომხეთი.



შავი ზღვის საერთაშორისო უნივერსიტეტის მიდგომა განათლების მიმართ არასდროს ყოფილა შემოფარგლული მხოლოდ სალექციო კურსებითა და სტუდენთებთან ურთიერთობით. 

სწორედ ამ მიზეზით 2 მარტს გაიმართა დედის დღისადმი მიძღვნილი ღონიეძიება, რომლის ფარგლებშიც შავი ზღვის საერთაშორისო უნივერსიტეტის თანამშრომლები, სტუდენტები და მათი მშობლები ერთად შეიკრიბნენ. მათ მოუსმინეს მუსიკალურ ნომრებსა, უყურეს სასცენო დადგმებს, სხვადასხვა ცეკვებსა და უნივერსიტეტის თანამშრომლების მიერ ორგანიზებულ ნომრებს უნივერსიტეტის საკონფერენციო დარბაზში. 

დამსწრე საზოგადოებამ, დედებმა და მომავალმა დედებმა კონცერტის შემდგომ კოქტეილის საღამოსაც ეწვიენ. ჩვენ იმედი გვაქვს, რომ ეს ღონისძიება უფრო გააღრმავებს ურთიერთობებს დედებსა და მათ შვილებს შორის.



24 თებერვალს ბიზნესის მართვის ფაკულტეტის ორგანიზებით გაიმართა ბიზნეს ინკუბატორში „IBSU-Idea Lab“ დამუშავებული პროექტების პრეზენტაცია ონლიან სტარტაპების თემაზე. სტუდენტებს ინკუბატორის ფარგლებში ჩაუტარდათ სემინარები და ტრეინინგები, რამაც ხელი შეუწყო იდეების პროექტებად ჩამოყალიბებას. პროექტები შეაფასა კომპეტენტურმა ჟიურიმ, რომელიც დაკომპლექტებული იყო მოწვეული სპეცილისტებით და ბიზნესის მართვის ფაკულტეტის წარმომადგენლით. ჟიურიმ აღნიშნა რომ ყველა წარმოდგენილი პროექტები იყო კარგად დამუშავებული, ინოვატორული და მოთხოვნადი ქართულ ბაზარზე.
გამოვლინდა გამარჯვებული გუნდი „Tbilisi Event“ შემდეგი შემადგენლობით: გიორგი მამულაშვილი - ბიზნესის მართვის ფაკულტეტი, ანა მახარაშვილი - ბიზნესის მართვის ფაკულტეტი, ეკატერინე ნაცვლიშვილი - ბიზნესის მართვის ფაკულტეტი, გურამ ბერიშვილი - ბიზნესის მართვის ფაკულტეტი, თეიმურაზ ვაშაკიძე - სოციალურ მეცნიერებათა ფაკულტეტი. გამარჯვებული პროექტი მიიღებს უნივერსიტეტისგან
ფინანსურ დახმარებას და მუშაობას გააგრძელებს ინკუბატორში რეალური პროტოტიპის შექმნამდე.
ბიზნეს-ინკუბატორი “IBSU – Idea Lab” დაარსდა შავი ზღვის საერთაშორისო უნივერსიტეტის ბაზაზე ბიზნესის მართვის ფაკულტეტისა და ახალგაზრდა მეწარმეთა ასოციაციის ინიციატივით 2014 წლის დეკემბერში. ბიზნეს ინკუბატორის პროექტს ექნება ყოველწლიური ხასიათი და ხელს შეუწყობს უნივერსიტეტის სტუდენტებში ინოვაციური ბიზნეს-იდეების გენერირებას, განვითარებასა და პრაქტიკულ განხორციელებას.



ბიზნესის მართვის ფაკულტეტმა თებერვალში უმასპინძლა მოწვეულ პროფესორს პოლონეთიდან დოქტორ ჰანა ტროჟანოვსკას სიდლჩის უნივერსიტეტიდან (პოლონეთი). ვიზიტის ფარგლებში პროფესორმა 23 – 26 თებერვალს ბიზნესის მართვის ფაკულტეტის მე-2 და მე-3 კურსელ სტუდენტებთან ჩაატარა ლექციების მოკლე კურსი ფინანსების საფუძვლებში. ლექციები ჩატარდა ინტერაქტიური რეჟიმით.
აღნიშნული ვიზიტის ფარგლებში ხელი მოეწერა შავი ზღვის საერთაშორისო უნივერსიტეტსა
და სიდლჩის უნივერსიტეტს შორის თანამშრომლობის მემორანდუმს, რომელიც ხელს შეუწყობს ორ უნივერსიტეტს შორის სტუდენტებისა და აკადემიური პერსონალის მობილობას და ერთობლივი საგანმანათლებლო კვლევითი პროექტების განხორციელებას.




შავი ზღვის საერთაშორისო უნივერსიტეტი აქტიურად არის ჩართული "განათლების საერთაშორისო ფორუმში", რომელიც ყოველწლირად იმართება Expo Georgia-ს საგამოფენო დარბაზში.

წელს, გამოფენა გაიმართა 27-28 თებერვალს. მასში მონაწილებას იღებდა სულ 51 სასწავლო ქართული და უცხოური დაწესებულება, მათ შორის შავი ზღვის საერთაშორისო უნივერსიტეტი.

გამოფენაში მონაწილეობას იღებდა: უნივერსიტეტის ადმინისტრაციის წარმომადგენლები, ლექტორები და 80 სტუდენტი, რომელიც ამჟამად საზოგადოებასთან ურთიერთობის დეპარტამენტის სთაჟიორობის პროგრამის მონაწილე გახლავთ. 

გამოფენაზე დასწრება შეეძლო ნებისმიერ მსურველს. მათ შესაძლებლობა ჰქონდათ უფრო დეტალური ინფორმაცია მიეღოთ უნივერსიტეტის სასწავლო და გაცვლითი პროგრამების, სალექციო კურსისა და ნებისმიერი სხვა საკითხის შესახებ, რომელიც ეხებოდა უმაღლეს განათლებასა და შავი ზღვის საერთასორისო უნივერსიტეტის სწავლებას.

წელს Expo Georgia-ში გამართულ "განათლების საერთაშორისო ფორუმზე შავი ზღვის საერთაშორისო უნივერსიტეტს მიენიჭა " "სტენდის საუკეთესო დიზაინის" ტიტული.

https://fbcdn-sphotos-a-a.akamaihd.net/hphotos-ak-xpf1/v/t1.0-9/s720x720/11026196_644169619045847_8825637126808182029_n.jpg?oh=68ccec74c014928af4b8df0995160029&oe=5575E20D&__gda__=1435950512_ac117b468581dec380634c3e55379b20

https://scontent-fra.xx.fbcdn.net/hphotos-xaf1/v/t1.0-9/s720x720/10612859_644169945712481_2760455149797204473_n.jpg?oh=84f0590cfc6399b6d0390f0af010be17&oe=5582128F



 

2015 წლის 28 იანვარს პორტუგალიაში ბრაგანსის პოლიტექნიკურ უნივერსიტეტში, შზსუ-ს რექტორის პროფ. დოქტ. ილიას ჩილოღლუს სახელით განათლებისა და ჰუმანიტარულ მეცნიერებათა ფაკულტეტის დეკანმა პროფ. დოქტ. თამარ შიოშვილმა ხელი მოაწერა მემორანდუმს შავი ზღვის საერთაშორისო უნივერსიტეტსა და ბრაგანსის პოლიტექნიკურ ინსტიტუტს შორის ორმაგი დიპლომის შესახებ, რაც ითვალისწინებს ინფორმატიკის ბაკალავრიატის პროგრამის მეოთხე კურსის გავლას ბრაგანსის პოლიტექნიკურ ინსტიტუტში. განხილულ იქნა აგრეთვე საკითხი ამერიკის დეპარტამენტის თარგმანის პროგრამის სტუდენტების გაცვლის შესახებ.



2015 წლის 23 თებერვალს ამერიკის ცენტრმა უმასპინძლა ამერიკის საელჩოს კულტურის ატაშეს ჯეიმს დიუის. განათებისა და ჰუმანიტარულ მეცნიერებათა ფაკულტეტის დეკანმა პროფ. დოქტ. თამარ შიოშვილმა და დეკანის მოადგილეებმა ასოც. პროფ. დოქტ. მეჰმეთ შაჰინერმა და მაია სამქანაშვილმა დაგეგმეს ამერიკის საელჩოს საზოგადოებასთან ურთიერთობის დეპარტამენტის მიერ შემოთავაზებული ღონისძიებები მარტის, აპრილის, მაისის და ივნისის თვეებისათვის. უახლოესი ღონისძიება ჩატარდება 2015 წლის 9 მარტს. აშშ-ს საელჩოს მიერ მოწვეული ცნობილი ამერიკელი ფოტოგრაფი სტეისი პიერსალი გააკეთებს პრეზენტაციას ამერიკისმცოდნეობის დეპარტამენტის სტუდენტებისათვის. 



2015 წლის 21 თებერვალს შავი ზღვის საერთაშორისო უნივერსიტეტმა უმასპინძლა მე-10 ეროვნულ კონფერენციას თემაზე: თანამედროვე მიმართულებები ინგლისური ენის სწავლების მეთოდოლოგიაში. ღონისძიება ჩატარდა საქართველოს ინგლისური ენის მასწავლებელთა ასოციაციის ორგანიზებით (ETAG). კონფერენციის მხარდამჭერი გახლდათ: დიდი ბრიტანეთის საბჭო, აშშ-ს საელჩო თბილისში და შავი ზღვის საერთაშორისო უნივერსიტეტი. კონფერენცია ეძღვნებოდა ETAG-ის ოცი წლის თავს. ეს გახლავთ ასოციაცია, რომელიც გამოირჩევა აქტიურობით ინგლისური ენის მასწავლებელთა გადამზადების კუთხით 1995 წლიდან. 

კონფერენციის მთავარმა მომხსენებლებმა, რომლებიც მოწვეულნი იყვნენ ბრიტანეთის საბჭოსა და აშშ-ს საელჩოს მიერ, წარმოადგინეს პრეზენტაციები თანამედროვე გლობალური მიმდინარეობების შესახებ ინგლისური ენის სწავლების მეთოდოლოგიაში. შავი ზღვის საერთაშორისო უნივერსიტეტსა და საქართველოს ინგლისური ენის მასწავლებელთა ასოციაციას შორის ხელი მოეწერა მემორანდუმს შემდგომი თანამშრომლობის შესახებ კვლევის, პროფესიული ზრდისა და განვითარების საკითხებში.



ვიშეგრადის ფონდის  მიერ მიღებულ იქნა გადაწყვეტილება  შავი ზღვის საერთაშორისო უნივერსიტეტის ბიზნესის მართვის ფაკულტეტის საგრანტო აპლიკაციის დაკმაყოფილების შესახებ. პროექტი მიზნად ისახავს   ახალი სასწავლო კურსის „ევროინტეგრაცია და ფინანსური ბაზრის რეფორმები ვიშეგრადის ქვეყნებში“ განვითარებასა და განხორციელებას ბიზნესის მართვის ფაკულტეტზე. პროექტის ფარგლებში გათვალისწინებულია სალექციო კურსის მომზადება და განხორციელება (სამი სემესტრის განმავლობაში) ქართველი და ვიშეგრადის ქვეყნების პროფესორების  მიერ,  სემინარების ორგანიზება და სხვა ღონისძიებები. პროექტის მიმდინარეობა გაშუქდება სპეციალურად ამ მიზნით შექმნილი ვებგვერდის მეშვეობით. კურსის ფარგლებში დაგეგმილ სემინარებს წარუძღვებიან პროფ. ქშისტოფ რიბინსკი, ვისტულას უნივერსიტეტის რექტორი (პოლონეთი) და საერთაშიროს საბანკო ინსტიტუტის ვიცე-პრეზიდენტი ერიკა მარსი (უნგრეთი).

ვიშგრადის საერთაშორისო ფონდი სლოვაკეთში (ბრატისლავა) დისლოცირებული ორგანიზაციაა, რომელიც დაფუძნდა 2000 წლის 9 ივნისს  ვიშეგრადის ჯგუფის ქვეყნების (ჩეხეთის რესპუბლიკა, პოლონეთის რესპუბლიკა,  სლოვაკეთის რესპუბლიკა და უნგრეთი) მთავრობების მიერ. ფონდის ბიუჯეტი ფორმირებულია აღნიშნული ქვეყნების თანაბარი შენატანებით. ფონდის მიზანია,  ამ რეგიონის  მოქალაქეთა და ინსტიტუტების, ასევე  ვიშეგრადის რეგიონისა და სხვა ქვეყნების, განსაკუთრებით, აღმოსავლეთ ბალკანეთისა და  აღმოსავლეთ პარტნიორობის ქვეყნების მოქალაქეთა და ინსტიტუტების  განვითარებასა და თანამშრომლობის გაღრმავებას ერთობლივი კულტურული საგანმანათლებლო და სამეცნიერო პროექტების განხორციელებით.

ფონდის მმართველი  ორგანოებია: ელჩების საბჭო და საგარეო საქმეთა მინისტრების კონფერენცია. ფონდის აღმასრულებელი ორგანოებია: დირექტორატი და სამდივნო.



2015 წლის 12 თებერვალს ბიზნესის მართვის ფაკულტეტმა უმასპინძლა საპატიო სტუმარს - USAID-ის კავკასიის მისიის მრჩეველს ენერგეტიკის საკითხებში ბატონ შუქრუ ბოღუთს.ბატონმა შუქრუმ სტუდენტებთან და პროფესორებთან შეხვერისას ისაუბრა ისეთ მნიშვნელოვან საკითხებზე, როგორიცაა ელექტროენერგიის ვაჭრობის მექანიზმები და საქართველოს მოდელი 2015 წლისათვის და USAID-ის ენერგეტიკის სექტორის ინფრასტრუქტურული პროექტები საქართველოში.


2015 წლის 14 თებერვალს შავი ზღვის საერთაშორისო უნივერსიტეტში ჩატარდა საქართველოს მოსწავლეთა ზამთრის ოლიმპიადა ინფორმატიკაში, რომლის ორგანიზატორები იყვნენ შავი ზღვის სართაშორისო უნივერსიტეტი და საინფორმაციო ტექნოლოგიების სწავლების და ინფორმატიკის ოლიმპიადების მხარდამჭერი ასოციაცია.
ოლიმპიადა ჩატარდა ინფორმატიკის საერთაშორისო ოლიმპიადების ფორმატით. მასში მონაწილეობა მიიღეს საქართველოს საჯარო და კერძო სკოლების მოსწავლეებმა და ასევე იმ ახალგაზრდებმა, რომლებსაც ჯერ არ შესრულებიათ 20 წელი და არ არიან რომელიმე უმაღლესი სასწავლებლის სტუდენტები.
ოლიმპიადა ჩატარდა სამ ასაკობრივ ჯგუფში: მე-8 კლასამდე, მე-9 - მე-10 და მე-11 - მე-12 კლასელი მოსწავლეებისათვის და აბიტურიენტებისათვის. სამივე ჯგუფში მონაწილეებს ამოსახსნელად მიეცათ 3-3 ამოცანა და 4 საათი სამუშაო დრო.
ოლიმპიადაში მონაწილეობა მიიღეს ქქ. თბილისის, ქუთაისის და ბათუმის სხვადასხვა სკოლების მოსწავლეებმა.
ოლიმპიადაზე წარმატებით გამოვიდნენ დემირელის სახელობის კერძო კოლეჯის მოსწავლეები. უმცროს ასაკობრივ ჯგუფში ოლიმპიადის გამარჯვებული გახდა ნიკოლოზ შენგელაია, საშუალო ასაკობრივ ჯგუფში ალექსანდრე ფიჩხაძე, თამარ კობახიძე-ჯავახიშვილი და გიორგი გელაშვილი, ხოლო უფროს ასაკობრივ ჯგუფში კი - გიორგი სხირტლაძე, ნუგზარ ჩხაიძე და თემურ მიქავა.



დღეს, 12თებერვალს, შავი ზღვის საერთაშორისო უნივერსიტეტსესტუმრა საქართველოს პარლამენტის ეროვნული ბიბლიოთეკის მეცნიერების, კულტურისა და სამოქალაქო განათლების დეპარტამენტის დირექტორი, ილიას სახელმწიფო უნივერსიტეტის პროფესორი ბ-ნ ემზარ ჯგერენაია და ამავე ბიბლიოთეკის კულტურისა და საზოგადოებასთან ურთიერთობის განყოფილების უფროსი ბ-ნ გიორგი საბანაძე.

 შეხვედრას წარუძღვა შავი ზღვის საერთაშორისო უნივერსიტეტის რექტორი ასოც. პროფ. დოქტ. ილიას ჩილოღლუ, რომელმაც სტუმრებს გააცნო ინფორმაცია უნივერისტეტის შესახებ და ესაუბრა მისი განვითარების პერსპექტივებზე.

შეხვედრამ ჩაირა თბილ და მეგობრულ ატმოსფეროში და იმედი გვაქვს, რომ თანამშრომლობა საქართველოს პარლამენტის ეროვნული ბიბლიოთეკასა და შავი ზღვის საერთაშორისო უნივერსიტეტს შორის მომავალშიც გაგრძელდება.



შაბათს, 14 თებერვალს შავი ზღვის საერთაშორისო უნივერსიტეტში გაიმართა მორიგი მასშტაბური ღია კარის დღე.
ღონისძიებას ესწრებოდნენ დამამთავრებელი კლასის მოსწავლეები, აბიტურიენტები, სკოლის დირექტორები და მშობლები.
შეხვედრას ესწრებოდა შავი ზღვის საერთაშორისო უნივერსიტეტის რექტორი, დოქტორი ბატონი ილიას ჩილოღლუ, რომელმაც სტუმრებს გააცნო ინფორმაცია უნივერსიტეტის საქმიანობის, მისი მთავარი მიზნებისა და სამომავლო გეგმებს შესახებ.
შეხვედრაზე სტუმრებს შესაძლებლობა ჰქონდათ უფრო დეტალური ინფორმაცია მიეღოთ ფაკულტეტების, პროგრამების შესახებ. ფაკულტეტების წარმომადგენლებმა სტუმრებს გააცნეს სწავლების სტრუქტურა და პერიოდები, გაცვლითი პროგრამების შესაძლებლობა, კლუბების საქმიანობა, უნივერსიტეტის ფორმალური და არაფორმალური ღონისძიებები. სტუმრებს შესაძლებლობა ჰქონდათ დამატებითი ინფორმაციის მისაღებად კითხვით მიემართათ ფაკულტეტების წარმომადგენლებთან ან პირადად გასაუბრებოდნენ მათ. სტუმრები გაეცნენ უნივერსიტეტის სასწავლო „კამპუსს“, რათა მათ შექმნოდა წარმოდგენა იმისა, თუ როგორი კომფორტული და თბილი გარემო ელოდება მათ სასწავლო 4 წლის განმავლობაში.





2015 წლის 10 თებერვალს შავი ზღვის საერთაშორისო უნივერსიტეტის სოციალურ მეცნიერებათა ფაკულტეტი შეუერთდა ცენტრალურმა საარჩევნო კომისიისა და საარჩევნო სისტემების განვითარების, რეფორმებისა და სწავლების ცენტრის ინიციატივას, რომელიც მიზნად ისახავს ახალგაზრდებში სამოქალაქო ცნობიერების ამაღლებას.

ურთიერთთანამშრომლობის მემორანდუმს საზეიმო ვითარებაში ხელი მოაწერა უნივერსიტეტის რექტორმა, პროფესორმა ილიას ჩილოღლუმ, ცენტრალური საარჩევნო კომისიის თავმჯდომარემ, თამარ ჟვანიამ და საარჩევნო სისტემების განვითარების, რეფორმებისა და სწავლების ცენტრის დირექტორმა, ნათია ზაალიშვილმა.

აღნიშნული მემორანდუმი ხელს შეუწყობს სტუდენტებში საარჩევნო კულტურის განვითარებას. თანამშრომლობის ფარგლებში, სამართლისა და ჟურნალისტიკის საბაკალავრო პროგრამის სტუდენტები საარჩევნო სამართლის დარგში გაივლიან თეორიულ და პრაქტიკულ სწავლებას, კერძოდ, მონაწილეობას მიიღებენ საარჩევნო დავების განხილვასთან დაკავშირებით გამართულ იმიტირებულ პროცესებში და გაივლიან სტაჟირებას საარჩევნო ადმინისტრაციაში.

2010 წლიდან დღემდე, აღნიშნული ინიციატივის ფარგლებში მემორანდუმი გაფორმებულია საქართველოს 16 უმაღლეს საგანმანათლებლო დაწესებულებასთან.



4 თებერვალს, შავი ზღვის საერთაშორისო უნივერსიტეტს გაცნობითი ხასიათის ვიზიტით ეწვია პროფ. დოქტ. ჰალილ გუვენი - საქართველოს წარმომადგენელი,  საქართველოს მთავრობასა და სან დიეგოს სახელმწიფო უნივერსიტეტს შორის გაფორმებული თანამშრომლობის მემორანდუმის ფარგლებში, რომელიც მიზნად ისახავს საქართველოში სიღარიბის დაძლევისა და ეკონომიკური ზრდის ხელშეწყობის მიზნით, ტექნიკური, პროფესიული და უმაღლესი განათლების (ტრენინგი TVET), სტრატეგიული საინვესტიციო პროგრამების ტექნოლოგიის, საინჟინრო და მათემატიკის მეცნიერებათა მიმართულებებში ხარისხის განვითარების გაძლიერებას.

შზსუ-ს რექტორმა ასოც. პროფ. დოქტ. ილიას ჩილოღლუმ პროფ. დოქტ. ჰალილ გუვენს, თურქეთის სხვადასხვა უნივერსიტეტების ყოფილ რექტორს, უმაღლესი განათლების სფეროში გამოცდილ ადმინისტრატორს გააცნო ინფორმაცია უნივერისტეტის შესახებ და იქვე დასძინა, რომ შავი ზღვის საერთაშორისო უნივერსიტეტს მნიშვნელოვანი ადგილი უკავია საქართველოს უნივერსიტეტებს შორის და ქართულ საზოგადოებაში დამკვიდრებული ადგილი უნივერსიტეტის მაღალი ცნობიერების და წარმატებულობის შედეგია.

მიმდინარე ვიზიტის დროს აქცენტი გაკეთდა პოტენციური თანამშრომლობის სფეროების ირგვლივ, სადაც გაჟღერებული იქნა ერთობლივი ძალისხმევით განსახორციელებელი სამომავლო პროექტების შესახებ.

უნივერსიტეტის სახელით დიდ მადლობას მოვახსენებთ პროფ. დოქტ. ჰალილ გუვენს გაცნობითი ხასიათის ვიზიტისთვის.



31 იავარს, 1-2 თებერვალს გაიმართა ევროპული ახალგაზრდული პარლამენტის (EYP) პროექტი, „თბილისის სასკოლო სესია (TSS'15 - Tbilisi School Session )“.

ევროპის ახალგაზრდული პარლამენტი (EYP) უნიკალური საგანმანათლებლო პროექტია რომელიც, ამ ორგანიზაციის დაარსებიდან დღემდე, აკავშირებს ახალგაზრდებს მთელი ევროპიდან, აძლევს მათ შესაძლებლობას აქტიურად ჩაერთონ კონტინენტის მომავლის მშენებლობაში, მიიღონ პიზიტიური გამოცდილება, გაიზიარონ განსხვავებული კულტურისა და ეროვნების ახალგაზრდების მოსაზრებები და ერთობლივად იღვაწონ საერთო კეთილდღეობისათვის. ამ ფაქტმა დიდი წვლილი შეიტანა ევროპის გაერთიანებაში.

დღესდღეისობით ევროპის ახლგაზრდული პარლამენტი შესაძლებლობას აძლევს ახალგაზრდებს, აქტიურად ჩაერთონ პოლიტიკურ დებატებსა და კულტურათაშორის დიალოგში. ამჟამად ევროპის ახალგაზრდული პარლამენტი 33 ევროპული ქვეყნის ახლაგაზრდული ორგანიზაციის ქსელს წარმოადგენს, რომლის საქმიანობაშიც მოხალისეობრივ პრინციპებზე 20 000-ზე მეტი ახალგაზრდაა აქტიურად ჩართული.

შავი ზღვის საერთაშორისო უნივერსიტეტი გახლდათ სესიის მთავარი სპონსორი, რომლის მისი მხარდაჭერა სხვადასხვა მიმართულებებით გამოიხატებოდა.

31 იანვარს გახსნის ცერემონიალზე, რომელიც გაიმართა ეროვნულ ბიბლიოთეკაში, დამსწრე დელეგაციას სიტყვით მიმართა შავი ზღვის საერთაშორისო უნივერსიტეტის რექტორმა, პროფ.დოქტ. ილიას ჩილოღლუმ. მან თავის სიტყვაში ყურადღება გაამახვილა აღნიშნული ღონისძიების მნიშვნელობაზე როგორც სტუდენტებისათვის, ასევე უნივერსიტეტისათვის.

„ჩვენი უნივერსიტეტისათვის ძალიან მნიშვნელოვანია მაქსიმალურად შევუწყოთ ხელი ახალგაზრდებს მათი მიზნების მიღწევაში, რაც ჩვენი მხრიდან სხვადასხვა მიმართულებებში მხარდაჭერით გამოიხატება.“- განაცხადა ბატონმა ილიასმა.

„თბილისის სასკოლო სესიის (TSS'15 - Tbilisi School Session )“ დასკვნითი ღონისძიება პარლამენტის შენობაში გაიმართა. სესიაში მონაწილე მთლიან დელეგაციას შავი ზღვის საერთაშორისო უნივერსიტეტის სახელით სიმბოლური საჩუქრები გადაეცათ.


ევროკავშირის მიერ დაფინანსებულიშავი ზღვის აუზის ოპერაციების ერთობლივი პროგრამა 2007–2013“ - შავი ზღვის აუზის ქვეყნების უნივერსიტეტებს შორის თანამშრომლობის ქსელი - UNIVER-SEA.NET (http://www.univer-sea.net) პროექტის ფარგლებში 2015 წლის 30 იანვარს შავი ზღვის საერთაშორისო უნივერსიტეტში გაიმართა სერთიფიკატების გადაცემის ცერემონიალი.

ონლაინ კურსის მოდულები ჩატარდა 2014 წლის 25 ნოემბრიდან 18 დეკემბრის ჩათვლით.

აღნიშნული კურსის ოთხ მოდულზე დარეგისტრირდა საქართველოს 8 უნივერსიტეტის 104 სტუდენტი.

ქარაბუქის უნივერსიტეტის (თურქეთი), მოლდოვას აკადემიის (მოლდავეთი), სტამბულის აიდინის უნივერსიტეტის (თურქეთი), ანდრეი საგუნას უნივერსიტეტის (რუმინეთი) და შავი ზღვის საერთაშორისო უნივერსიტეტის (საქართველო) პროფესორების მიერ წაკითხულ იქნა 9 ლექცია.

კურსის დასასრულს 22 სტუდენტმა წარმოადგინა პროექტის ნაშრომი, რომელთაც გადაეცათ კურსის მოდულების დასრულების სერთიფიკატები. კიდევ 18 სტუდენტს გადაეცა სერთიფიკატები ხუთ სხვადასხვა ნომინაციაში. საუკეთესო ხუთი ნაშრომის ავტორს მიეცა შესაძლებლობა გაიაროს ერთთვიანი პრაქტიკა (2015 წლის 3 თებერვლიდან 1 მარტის ჩათვლით) თურქეთში - 2 კვირა ქარაბუქის უნივერსიტეტში და 2 კვირა აიდინის უნივერსიტეტში. ეს სტუდენტები არიან:

  1. სალომე წულუკიძე (შავი ზღვის საერთაშორისო უნივერსიტეტი)
  2. თინათინ დავითაშვილი (ი. გოგებაშვილის სახელობის თელავის სახელმწიფო უნივერსიტეტი)
  3. სოფიკო თინიკაშვილი (გორის სახელმწიფო სასწავლო უნივერსიტეტი)
  4. თორნიკე პაიჭაძე (გურამ თავართქილაძის სასწავლო უნივერსიტეტი)

მარიამ ადონია (ზუგდიდის შოთა მესხიას სახელობის სახელმწიფო სასწავლო უნივერსიტეტი)



30 იანვარს შავი ზღვის საერთაშორისო უნივერსიტეტმა უმასპინძლა 2002, 2003 2004 წლის კურსდამთავრებულებს.
ღონისძიებას უძღვებოდა შავი ზღვის საერთაშორისო უნივერსიტეტის რექტორი, პროფ.დოქტორი ილიას ჩილოღლუ. მან სიტყვით მიმართა დამსწრე საზოგადოებას, რომელსაც წარმოადგენდნენ უნივერსიტეტის ადმინისტარციის ცევრები და კურსდამთავრებულები.

ბატონმა ილიასმა თავის გამოსვლაში ყურადღება გაამახვილა უნივერსიტეტის საქმიანობაზე, მის პროგრესსა და ცვლილებებზე ბოლო პერიოდის მანძილზე, გაცვლითი პროგრამების გაუმჯობესებულ შესაძლებლობებზე, ასევე უნივერსიტეტის როლზე სტუდენტების ცხოვრებაში და ა.შ.

შეხვედრაზე სტუმრებმა ერთმანეთს გააცნეს საკუთარი თავი, ისაუბრეს მათ საქმიანობაზე და იმ როლის შესახებ, რომელმაც უნივერსიტეტმა მათ ცხოვრებაში ითამაშა.

შეხვედრამ ჩაიარა ძალიან თბილ და მეგობრულ გარემოში. კურსდამთავრებულებმა გაიხსენეს უნივერსიტეთთან დაკავშირებული ძვირფასი მოგონებები. ბატონმა ილიასმა სტუმრებს შავი ზღვის საერთაშორისო უნივერსიტეტის სახელით სიმბოლური საჩუქრები გადასცა.



24 იანვარს შავი ზღვის საერთაშორისო უნივერსიტეტმა უმასპინძლა უნივერსიტეტის პირველ რექტორს, პროფ. დოქტ. მუსტაფა აქდაღს და ყოფილ პრორექტორს, პროფესორ ირაკლი მაჩაბელს. 

სტუმრები შეხვდნენ თანამშრომლებს, ერთად გაიხსენეს უნივერსიტეტის ისტორია და გაეცნენ სიახლეებს. შეხვედრას უძღვებოდა შავი ზღვის საერთაშორისო უნივერსიტეტის რექტორი, პროფ. დოქტ. ილიას ჩილოღლუ. მან სტუმრებს სამახსოვრო საჩუქრები გადასცა. შეხვედრამ ძალიან თბილ გარემოში ჩაიარა. 

შავი ზღვის საერთაშორისო უნივერსიტეტისათვის ძალიან მნიშვნელოვანია მსგავსი შეხვედრები და მეგობრული დამოკიდებულება ჩვენს თანამშრომლებთან.




განათლების ხარისხის განვითარების ეროვნული ცენტრის დირექტორის ბრძანებით განისაზღვრა მობილობის პროცესის ადმინისტრირებასთან დაკავშირებული ვადები:

 

 უმაღლესი საგანმანათლებლო დაწესებულებებისათვის

 1. უმაღლესი საგანმანათლებლო დაწესებულებების მიერ მობილობის წესით ჩასარიცხ სტუდენტთა ადგილების ელექტრონულ პორტალზე რეგისტრაციის ვადა - 2015 წლის 13 იანვრიდან  20 იანვრის ჩათვლით.

 2. მობილობის წესით ჩასარიცხ პირთა შესახებ დაწესებულებების სამართლებრივი აქტების პროექტების ცენტრში წარდგენის ვადა - 2015 წლის 9 თებერვლიდან  18 თებერვლის  ჩათვლით.

 

სტუდენტების რეგისტრაციის ვადები
მობილობის წესით ჩასარიცხ პირთა ელექტრონულ პორტალზე რეგისტრაციის ვადა - 2015 წლის 23 იანვრიდან  5 თებერვლის 18:30 სთ-მდე.

წყარო:განათლების ხარისხის განვითარების ეროვნული ცენტრი

მობილობის წესით ჩასარიცხმა პირებმა შავი ზღვის საერთაშორისო უნივერსიტეტში 2015 წლის 9 თებერვლიდან 16 თებერვლის ჩათვლით უნდა წარმოადგინონ შემდეგი დოკუმენტები: 

  1. განცხადება რექტორის სახელზე
  2. პირადობის მოწმობის ასლი
  3. ნიშნების ფურცლის დამოწმებული ასლი
  4. ეროვნული გამოცდების/სტუდენტური ბარათის ასლი
  5. საშუალო სკოლის ატესტატის ასლი
  6. უნივერსიტეტში ჩარიცხვის ბრძანების დამოწმებული ასლი
  7. წვევამდელის სამხედრო-სააღრიცხვო მოწმობის ასლი (ვაჟებისთვის)

 

დამატებითი ინფორმაციისათვის მოგვმართეთ სტუდენტური საქმეების განყოფილებაში. სამუშაო საათებში 09:00 დან 17:00-მდე

ტელ: 259 50 05/06 შიდა (175)


2015 წლის 13 იანვარს შავი ზღვის საერთაშორისო უნივერსიტეტმა USAID Georgia-ს წარმომადგენლებს უმასპინძლა: პროექტის ხელმძღვანელის მოადგილეს, ნატალია ბერუაშვილსა და კომპონენტის ლიდერს, მაია ერისთავს.

შავი ზღვის საერთაშორისო უნივერსიტეტის რექტორთან, პროფ. ილიას ჩილოღლუსთან შეხვედრისას სტუმრებმა ისაუბრეს სამომავლო გეგმებსა და თანამშრომლობის შესაძლებლობებზე, მათ შორის სტაჟირების პროგრამასა და USAID Georgia-ს პროექტში, „მმართველობა განვითარებისთვის“ (G4G) შავი ზღვის საერთაშორისო უნივერსიტეტის სტუდენტების ჩართვის შესაძლებლობაზე.



დედამიწის მოსახლეობის დაახლოებით 3% C ჰეპატიტის ვირუსით არის ინფიცირებული. მხოლოდ საქართველოში ინფიცირების მაჩვენებელი ზრდასრული მოსახლეობის 6,7%-ს შეადგენს.

საქართველოს მთავრობის გადაწყვეტილებით თებერვლის
დასაწყისში დაიწყება უმნიშვნელოვანესი პროექტი, რომლის მიზანია: მიზნობრივი ჯგუფებისთვის მედიკამენტის მიწოდება; სწორი დიაგნოსტიკა-მკურნალობა, რაც დაავადების პრევენციას, დაავადებულთა სამკურნალო მედიკამენტებით უზრუნველყოფასა და სერვისების მაქსიმალურად მაღალი ხარისხით მიწოდებას გულისხმობს.

C ჰეპატიტის დამარცხება სახელმწიფოსთან ერთად საზოგადოების მობილიზაციით, მაღალი სოციალური პასუხისმგებლობითა და აქტიური ჩართულობით არის შესაძლებელი.

ერთად შევუერთდეთ ჯანდაცვის სამინისტროს აქციას!



პროექტის ფარგლებში, 100 საუკეთესო სტუდენტი სტაჟირებას გაივლის შავი ზღვის საერთაშორისო უნივერსიტეტის საზოგადოებასთან ურთიერთობის დეპარტამენტში.

პროექტში მონაწილეობის მიღება შეუძლია უნივერსიტეტის საბაკალავრო პროგრამის ყველა კურსის სტუდენს.

პროექტის ვადები: 3 თვე (2015 წლის თებერვლიდან  - 2015 წლის აპრილის ჩათვლით);

პროექტის დასრლების შემდეგ საუკეთესო სტუდენტებს ექნებათ IBSU-ში დასაქმების პერსპექტივა;

პროქტის მიმდინარეობის პერიოდში სტუდენტები ისარგებლებენ IBSU-ს სტაჟიორის სტატუსით;

პროგრამის ყველა მონაწილე მიიღებს სტაჟირების დამადასტურებელ დოკუმენტსა და „ვოლონტიორის“ სერტიფიკატს, რომელსაც დიდი ყურადღება ექცევა დამსაქმებლების მხრიდან.

 

პროექტში მონაწილეობისათვის შეავსეთ სარეგისტრაციო ფორმა არაუგვიანეს 2015 წლის 25 იანვრისა.

 

სარეგისტრაციო ფორმა იხილეთ აქ.

 

გისურვებთ წარმატებას!


შავი ზღვის საერთაშორისო უნივერსიტეტი  ღრმა მწუხარებას გამოთქვამს 2015 წლის 7 იანვარს პარიზში,
 ჟურნალ „შარლი ჰებდოს“-ს თანამშრომლების წინააღმდეგ განხორციელებულ ტერორისტულ აქტის გამო.


2014 წლის 30 დეკემბერს "IBSU Training Center"-ის კურსდამთავრებულთა 23-ე გამოშვების დაჯილდოვება გაიმართა. შავი ზღვის საერთაშორისო უნივერსიტეტის სერთიფიკატი სხვადასხვა პროგრამის 60-მდე კურსდამთავრებულს გადეცა. პროგრამის მონაწილეებს მისალოცი სიტყვით შავი ზღვის საერთაშორისო უნივერსიტეტის საზოგადოებასთან ურთიერთობის დეპარტამენტის ხელმძღვანელმა ზვიად ფიფიამ მიმართა. ჩვენი ტრენინგები უკვე 1500-ზე მეტ ადამიანს აქვს გავლილი. http://www.trainings.ibsu.edu.ge/

 



27 დეკემბერს შავი ზღვის საერთაშორისო უნივერსიტეტმა უმასპინძლა ინტელექტუალურ თამაშს, „ტვინების ბრძოლა“ (http://brains.ge/).

ინტელექტუალური თამაში დაყოფილი არის 2 ასაკობრივ კატეგორიად:
I - უმცროსთა ლიგა, 7-9 კლასი
II - უფროსთა ლიგა, 10-12 კლასი.

თამაში ორივე ასაკობრივ კატეგორიაში გაიმართა ძალიან საინტერესოდ, რასაც მონაწილეთა დიდი შემართება და ქულათა გადანაწილება მოწმობს.

27 დეკემბერს ჩატარდა სეზონის ბოლო, მე-6 თამაში. გამოვლენილი იყო კვირის და სეზონის 2 საუკეთესო გუნდი ორივე ასაკობრივ კატეგორიაში. თამაშის ყველა მონაწილე გუნდს გადაეცა სიმბოლური საჩუქრები, ხოლო გამარჯვებულ გუნდა გადაეცა ვაუჩერი, 2015 წლის სეზონის პირველ თამაშში უფასოდ მონაწილეობის მისაღებად. შავი ზღვის საერთაშორისო უნივერსიტეტის სახელით უფროსთა კატეგორიის უყველა მონაწილე დასაჩუქრდა სიმბოლური საჩუქრით, ხოლო გამარჯვებულ 2 გუნდს გადაეცა უნივერსიტეტის სასაჩუქრე ნაკრები.

შავი ზღვის საერთაშორისო უნივერსიტეტი და „ტვინების ბრძოლა“ აქტიურად თანამშრომლობენ. მოგახსენებთ, რომ 20 დეკემბრის ინტელექტუალური თამაში სწორედ ჩვენს უნივერსიტეტსი გაიმართა. ვიმედოვნებთ, რომ ჩვენი თანამშრომლობა გაგრძელდება კიდევ არა ერთ ინტელექტუალურ თამაშზე.



26 დეკემბერს შავი ზღვის საერთაშორისო უნივერსიტეტში გაიმართა საახალწლო ღონისძიება.

ღონისძიებაში მონაწილეობას იღებდნენ უნივერსიტეტის სტუდენტები, მუსიკალური ჯგუფები, რომლებმაც შეასრულეს ნომრები სხვადასხვა ინსტრუმენტების გამოყენებით. საახალწლო კონცერზე მონაწილეობას იღებდა ასევე უნივერსიტეტში არსებული ფოლკლორული ანსამბლი.

საახალწლო კონცერზე დაჯილდოვდნენ სხვადასხვა სახის ნომინაციებში, რომელთა გამარჯვებულები გახლდათ როგორც სტუდენტები, ასევე ლექტორები და უნივერსიტეტის წარმომადგენლები.

ღონისძიებაზე IBSU ფოტო-კონკურსის ყველა მონაწილეს გადაეცათ სიმბოლური საჩუქრები, ასევე ასევე დასახელდა საუკეთესო ფოტოს ავტორი, რომელიც დასაჩუქრდება i Pad - ით.

საახალწლო ღონისძიება, ტრადიციულად, ტორტის გაჭრის ცერემონიალით დაგვირგვინდა.

შავი ზღვის საერთაშორისო უნივერსიტეტი გილოცავთ დამდეგ შობა-ახალ წელს!



26 დეკემბერს, 14:00 საათზე „რობოტიკის კლუბის“ ორგანიზებით გაიმართა „IBSU-ს ტექნოლოგიური გამოფენა“.

გამოფენაში მონაწილეობა მიიღეს კლუბის წევრებმა, რომლებსაც გამოგონებული ან აწყობილი აქვთ აღნიშნული დარგის ნამუშევრები.

„რობოტიკის კლუბი“ ეს არის სტუდენტური გაერთიანება, რომელიც ორიენტირებულია შემდეგ დარგებზე: ძირითადი ფიზიკა, მექანიკა, ელექტროობა, აეროდინამიკა, სამგანზომილებიანი მოდელირება და სხვა. კლუბის ხელმძღვანელი გახლავთ სამხედრო გამომგონებელი, გიორგი უსანეთაშვილი.

ტექნოლოგიური გამოფენის გამარჯვებული გამოავლინეს 26 დეკემბერს სტუდენტებმა, რომლებსაც ეძლეოდათ ხმის მიცემის შესაძლებლობა ელექტრონული კენჭისყრის მეშვეობით (http://cte.ibsu.edu.ge/robot/index.php/poll).
აღნიშნულ დარგში სულ გამოვლინდა 3 გამარჯვებული:
1 ადგილი - Project 018 Pilotless Plane;
2 ადგილი - Project 004 (Generator);
3 ადგილი - Project 003 (Solowheel).



25 დეკემბერს გაიმართა იუსტიციის სასწავლო ცენტრისა და ევროპის იურისტ სტუდენნტთა ასოციაცია თბილისის ერთობლივი პროექტის „ევროკავშირის სამართალი“ დახურვის ღონისძიება, რომლის სპონსორი გახლდათ შავი ზღვის საერთაშორისო უნივერსიტეტი.

პროექტის მთავარი მიზანი იყო ევროოკავშირის სამართლის პოპულარიზაცია და სტუდენტებისთვის ცოდნის გაღრმავება.

სამართლის სკოლის ფარგლებში მოწვეულმა სპეციალისტებმა განიხილეს ისეთი მნიშვნელოვანი თემები, როგორებიცაა: ევროკავშირის წარმოშობა, განვითარება და ევროკავშირის ინსტიტუტები, მათი როლი და ამოცანები, ასოცირების ხელშეკრულება, ევროკავშირის მართლმსაჯულების სასამართლო (სასამართლო გადაწყვეტილებები), ევროკავშირის სამართლის პირველადობა და სახელმწიფოს პასუხისმგებლობა (ევროკავშირის კანონმდებლობასთან ჰარმონიზაცია), ევროკავშირის სტანდარტები და საქართველოს შესაბამისობა მასთან.

დახურვის ცერემონიალზე სტუდენტებს, რომელთა შორის გახლდათ შავი ზღვის საერთაშორისო უნივერსიტეტის სტუდენდები გადაეცათ სერთიფიკატი და სიმბოლური პრიზები.

ღონისძიება, სიმბოლურად, ტორტის გაჭრის ცერემონიალით დასრულდა. სტუმრებს ასევე შესაძლებლობა ჰქონდა დაეგემოვნებინათ თურქული სამზარეულოს ტკბილეული, რომლითაც გაუმასპინძლდა შავი ზღვის საერთაშორისო უნივერსიტეტი.

პროექტი განხორციელდა საქართველოს იუსტიციის სასასწავლო ცენტრისა და ევროპის იურისტ სტუდენნტთა ასოციაცია თბილისის მხარდაჭერით.



20 დეკემბერს შავი ზღვის საერთაშორისო უნივერსიტეტმა გამართა „ღია კარის დღე“ ქუთაისში, TBC "საგამოფენო დარბაზში".

ღონისძიებაზე დამსწრე საზოგადოებას შესაძლებლობა ჰქონდა გაცნობოდა უნივერსიტეტის სასწავლო პროგრამებს, შეღავათებს, გაცვლითი პროგრამების შესაძლებლობებსა და ა.შ. ყველა სტუმარმა მიიღო მისთვის საინტერესო ინფორმაცია უმაღლესი განათლებისა და უნივერსიტეტის შესახებ.

მოგახსენებთ, რომ უნივერსიტეტის მთავარი მიზანი არის უზრუნველყოს მაღალი ხარისხის განათლება, რომელიც შეესაბამება საერთაშორისო სტანდარტებს, უმაღლესი განათლების სამივე საფეხურზე. აქედან გამომდინარე აუცილებლად მიგვაჩნია ქალაქ ქუთაისის ახალგაზრდებისათვის გვეცნობა აღნიშნული შესაძლებლობების შესახებ და ხელი შევუწყოთ მათ ხარისხიანი უმაღლესი განათლების მიღებაში.

შავი ზღვის საერთაშორისო უნივერსიტეტი ხელშეწყობისთვის მადლობას უხდის TBC ბანკის ხელმძღვანელობას. განსაკუთრებით ქალბატონ ეკატერინე ანჯაფარიძეს და ქალბატონ შორენა ჭაბუკიანს თანადგომისთვის.


 



პარასკევს, 19 დეკემბერს შავი ზღვის საერთაშორისო უნივერსიტეტის რექტორი, ბატონი ილიას ჩილოღლო ეწვია „ნიუ ვიჟენ“- უნივერსიტეტს.

შეხვედრას ორივე უნივერსიტეტის წარმომადგენლებმა გააცნეს ერთმანეთს საკუთარი საქმიანობა, გაუზიარეს ერთანეთს გამოცდილება და ისაუბრეს სამომავლო ერთობლივ ღონისძიებებსა და პროგრამებზე.

შეხვედრაზე უნივერსიტეტის წარმომადგენლებმა ერთმანეთს გააცნეს სასწავლო პროგრამა, ფაკულტეტების შესახებ ინფორმაცია და ისაუბრეს გაცვლითი პროგრამების შესაძებლობებზე, რომელიც ენიჭებათ სტუდენტებს უნივერსიტეტის ხელშეწყობით.

მხარეებმა ასევე განიხილეს სამომავლო თანამშრომლობის საკითხი. ყურადღება დაეთმო იმ ღონისძიებებს, რომელთა განხორციელება შეიძლება ურთიერთთანამშრომლობის საფუძველზე.

შავი ზღვის საერთაშორისო უნივერსიტეტი მოხარული იქნება „ნიუ ვიჟენ“- უნივერსიტეტთან თანამშრომლობით და იმედოვნებს, რომ სამომავლოდ ორივე სასწავლო დაწესებულების სტუდენტებს ერთად ბევრ საინტერესო პროგრამას შესთავაზებენ.



პარასკევს, 19 დეკემბერს შეხვედრა გაიმართა შავი ზღვის საერთაშორისო უნივერსიტეტის რექტორს, ბატონ ილიას ჩილოღლუსა და British Council-ის დირექტორს, ზაზა ფურცელაძეს შორის.

შეხვედრა ძალიან მნიშვნელოვანი იყო ორივე მხარესათვის. მასზე განიხილა სამომავლო თანამშრომლობის საკითხები. შეხვედრაზე დიდი მნიშვნელობა დაეთმო თემებს: სტუდენტებისათვის დასაქმებისა და სტაჟირების შესაძლებლობები, სამომავლო ერთობლივი ღონისძიებები, ენის კურსები და შეღავათები სტუდენტებისათვის, გაცვლითი პროგრამების შესაძლებლობები.  

ორივე სასწავლო დაწესებულების წარმომადგენლებმა გაუზიარეს ერთამეთს ინფორმაცია იმ პროგრამებსა თუ ღონისძიებების შესახებ, რომლებიც განუხორციელებიათ, გაუწევიათ მხარდაჭერა და ამ პროგრამების მნიშვნელობაზე სტუდენტებისათვის.

შავი ზღვის საერთაშორისო უნივერსიტეტი მოხარულია British Council-თან თანამშრომლობით და იმედოვნებს, რომ მათთან ერთად სამომავლოდ საინტერესო ღონისძიებებსა და პროგრამებს შესთავაზებს სტუდენტებს.


2014 წლის 25 ნოემბრიდან 18 დეკემბრამდე შავი ზღვის საერთაშორისო უნივერსიტეტმა ევროკავშირის მიერ დაფინანსებული პროექტის  “შავი ზღვის რეგიონის უნივერსიტეტთა შორის თანამშრომლობა “UNIVER-SEA.NET”  (http://www.univer-sea.net) ფარგლებში  უმასპინძლა ონლაინ ლექციებს. ლექციებს კითხულობდნენ პროფესორები პროექტის პარტნიორი უნივერსიტეტებიდან: კონსტანტას ანდრეა საგუნას უნივერსიტეტი (კონსტანტა, რუმინეთი), ქარაბუქის უნივერსიტეტი (ქარაბუქი, თურქეთი), მოლდოვას რესპუბლიკის პრეზიდენტის სახელობის საჯარო მმართველობის აკადემია (კიშინიოვი, მოლდავეთის რესპუბლიკა),  სტამბულის აიდინის უნივერსიტეტი (სტამბული, თურქეთი). ლექციები მიეძღვნა შემდეგ თემატიკას: „კულტურათშორისი კომუნიკაცია“, „საერთაშორისო კონფლიქტები და მათი მოგვარება“,  „სოციალური მეწარმეობა“,  „დემოკრატია და დემოკრატიზაცის პროცესი“, „მულტიკულტურიზმი“ და სხვ.  

ლექციებს ესწრებოდნენ შზსუ-ის და პროექტის სხვა პარტნიორი ქართული უნივერსიტეტების სტუდენტები (ამერიკის ჰუმანიტარული უნივერსიტეტი, გორის სახელმწიფო სასწავლო უნივერსიტეტი, ზუგდიდის შოთა მესხიას სახელობის სახელწიფო სასწავლო უნივერსიტეტი, საქართველოს ეროვნული უნივერსიტეტი და სხვები).

დასკვნით ლექციას წარუძღვა შზსუ-ის ასოცირებული პროფესორი ნიკა ჩიტაძე, რომელმაც ისაუბრა საქართველოს ტერიტორიაზე არსებული კონფლიქტების შესახებ.



ხუთშაბათს, 18 დეკემბერს შეხვედრა გაიმართა შავი ზღვის საერთაშორისო უნივერსიტეტის რექტორს, ბატონ ილიას ჩილოღლუსა და სამედიცინო უნივერსიტეტის რექტორს, ბატონ ზურაბ ვადაჭკორიას შორის.

შეხვედრაზე ორივე უნივერსიტეტის წარმომადგენლებმა გააცნეს ერთმანეთს საკუთარი საქმიანობა, გაუზიარეს ერთანეთს გამოცდილება და ისაუბრეს სამომავლო ერთობლივ პროგრამებზე, რაც შეხვედრის მთავარი თემა გახლდათ. აღნიშნულ ღონისძიებაზე ურთიერთთანამშრომლობის საფუძველზე მხარეებმა გააფორმეს მემორანდუმი, რომელიც ითვალისწინებს სამომავლოდ ერთობლივი ღონისძიების გატარებას სტუდენტებისა და ლექტორებისათვის.

შეხვედრაზე უნივერსიტეტის წარმომადგენლებმა ერთმანეთს გააცნეს სასწავლო პროგრამა, ფაკულტეტების შესახებ ინფორმაცია და იმ შესაძლებლობებზე, რომელიც ენიჭებათ სტუდენტებს უნივერსიტეტის ხელშეწყობით.

შეხვედრა, რომელიც მემორანდუმის გაფორმებით დასრულდა, ძალიან მნიშვნელოვანი იყო ორივე სასწავლო დაწესებულების წარმომადგენლებისათვის და ამით ბევრ ერთობლივ სამომავლო ღონისძიებას ჩაეყარა საფუძველი.



ხუთშაბათს, 18 დეკემბერს შავი ზღვის საერთაშორისო უნივერსიტეტმა და საქართველოს მედიაციის ცენტრმა ურთიერთთანამშრომლობის მემორანდუმი გააფორმეს.

შეხვედრას უძღვებოდნენ შავი ზღვის საერთაშორისო უნივერსიტეტის რექტორი, ილიას ჩილოღლუ და საქართველოს მედიაციის ცენტრის დამფუძნებელი, გაგი მოსიაშვილი.

მემორანდუმის საფუძველზე მზარეები უზრუნველყოფენ: მედიაციის, როგორც დავების ალტერნატიული გადაწყვეტის საშუალების პოპულარიზაციას, ტრენინგებს, სემინარებს, სასწავლო კურსებს, კონფერენციების ჩატარებას, სამეცნიერო-კვლევით საქმიანობას, პრაქტიკულ საქმიანობას კონფლიქტური სიტუაციების მოსაგვარებლად, ასევე მხარეების წარმომადგენლების ჩართულობას შავი ზღვის საერთაშორისო უნივერსიტეტისა და მედიაციის ცენტრის მიერ განხორციელებულ აქტივობებში.

„მემორანდუმის ფარგლებში განხორციელებული აქტივობები სტუდენტებს დიდ ცოდნასა და გამოცდილებას შესძენთ, რაც სამომავლოდ მათ პრაქტიკაში გამოადგებათ.“ - აცხადებს შავი ზღვის საერთაშორისო უნივერსიტეტის რექტორი, ილიას ჩილოღლუ.

მხარეები თანამშრომლობას ახალი სასწავლო სემესტრიდან დაიწყებენ. შავი ზღვის საერთაშორისო უნივერსიტეტი საქართველოში პირველი უნივერსიტეტია, სადაც სტუდენტებს საშუალება აქვთ ჩაერთონ და ცოდნა გაიღრმაონ მედიაციის ცენტრის მიერ განხორციელებულ აქტივობებში.



შავი ზღვის საერთასორისო უნივერსიტეტმა 13-15 დეკემბერს უმასპინძლა YES Georgia-ს მიერ ორგანიზებულ „NATO-ს ახალგაზრდული სამიტს” (Model NATO Youth Summit - MoNYS).

„NATO-ს ახალგაზრდული სამიტი’’ არის ჩრდილო-ატლანტიკური ხელშეკრულების ორგანიზაციის გადაწყვეტილების მიღების პროცესისა და პოლიტიკის სიმულაცია. საქართველოში პროექტის ინიციატორი და ფორმატის ავტორი გახლავთ YES Georgia. პროექტი წარმოადგენს MoNYS Brussels ქართულ ანალოგს.

„NATO-ს ახლაგაზრდული სამიტი“ არის ყველაზე დიდი პროექტი, რომელიც ეხება NATO-ს თემატიკას. მონაწილეებს საშუალებას აძლევს შეისწავლონ ორგანიზაციის სტრუქტურა, გადაწყვეტილების მიღების პროცედურები, იმსჯელონ 28 წევრი სახელმწიფოს ინტერესებიდან და მოსაზრებებიდან გამომდინარე, განიხილონ და გადაჭრან მსოფლიო პოლიტიკაში არსებული აქტუალური პრობლემები, რომლებიც უშუალოდ შედის NATO-ს კომპეტენციაში

სამიტში საქართველოს საგანმანათლებლო დაწესებულების 314 მოსწავლე და სტუდენტი მონაწილეობდა, რომლებიც გადანაწილებულნი იყვნენ 9 სხვადასხვა საბჭოში და განიხილეს შემდეგი საკითხები: კიბერუსაფრთხოება, პოსტ–ISAF პერიოდი, NATO-ს "ღია კარის" პოლიტიკა, NATO-ს როლი კოსოვოს და ახლო აღმოსავლეთის რეგიონებში მშიდობისა და სტაბილურობის დამყარებაში, ირანისა და ჩრდ.კორეის ბირთვული პროგრამა, ტერორიზმი, უკრაინის კრიზისი, რუსეთთან თანამშრომლობა.

შავი ზღვის საერთასორისო უნივერსიტეტი გახლდათ სამიტის სპონსორი და მასპინძელი უნივერსიტეტი. 13-14 დეკემბერს საკომიტეტო მუშაობები მიმდინარეობდა უნივერსიტეტის სასწავლო კამპუსში. ღონისძიების დახურვის ცერემონიალი გაიმართა 15 დეკემბერს „Expo Georgia-ში“.

„NATO-ს ახალგაზრდული სამიტზე“ ახალგაზრდებს სიტყვით მიმართა შავი ზღვის საერთაშორისო უნივერსიტეტის რექტორმა, ბატონმა ილიას ჩილოღლუმ. მან ისაუბრა აღნიშნული ღონისძიების მნიშვნელობაზე როგორც სტუდენტებისათვის, ასევე უნივერსიტეტისათვის. ბატონმა ილიასმა შავი ზღვის საერთაშორისო უნივერსიტეტის სახელით გადასცა ექსკლუზიური საჩუქრები „NATO-ს ახალგაზრდული სამიტის“ მონაწილე 12 საუკეთესო აბიტურიენტს - 25%-იანი ფასდაკლება 4 სასწავლო წელზე შავი ზღვის საერთაშორისო უნივერსიტეტის სასწავლო ნებისმიერ ფაკულტეტზე. 10 საუკეთესო დელეგატს უნივერსიტეტის სახელით გადაეცა სასაჩუქრე ნაკრები. გარდა აღნიშნული საჩუქრებისა, სამიტში მონაწილე ყველა მოსწავლესა და აბიტურინტს შესაძლებლობა ეძლევა შავი ზღვის საერთაშორისო უნივერსიტეტის ტრენინგ ცენტრში უფასოდ გაიაროს ტრენინგი თემაზე “ლიდერობა და ეფექტური კომუნიკაცია“.

შავი ზღვის საერთაშორისო უნივერსიტეტი იმედოვნებს, რომ YES Georgia-სთან თანამშრომლობა აუცილებლად გაგრძელდება და კიდევ არა ერთ ღონისძიებას შესთავაზებენ ერთად ახალგაზრდებს.



13-15 დეკემბერს შავი ზღვის საერთაშორისო უნივერსიტეტში გაიმართა სამოქალაქო საზოგადოების გაძლიერების ინსტიტუტის / CSEI მიერ ორგანიზებული „საქართველოს პარლამენტის მოდელირება“.

სამოქალაქო საზოგადოების გაძლიერების ინსტიტუტი ეს არის ორგანიზაცია, რომელთა მიზანია საქართველოს მოქალაქეებში სამოქალაქო საზოგადოების შესახებ ცნობიერების ამაღლება, ახალგაზრდებში კრიტიკულ–ანალიტიკური დისკუსიის კულტურის დამკვიდრება, მოქალაქეების აღჭურვა პიროვნული და პროფესიული უნარებით, რომელიც ხელს შეუწყობს სამოქალაქო საზოგადოების მნიშვნელობისა და როლის ზრდას სამართლებრივი სახელმწიფოს მშენებლობის პროცესში.

„საქართველოს პარლამენტის მოდელირებაზე“ სამუშაო პროცესი გაგრძელდა 3 დღის განმავლობაში. 13-14 დეკემბერს შავი ზღვის საერთაშორისო უნივერსიტეტში მიმდენარეობდა სესიის საკომიტეტო მუშაობა. 15 დეკემბერს გენერალური სხდომა გაიმართა საქართველოს პარლამენტში, სადაც სესიას ესწრებოდნენ პოლიტიკოსები და ექსპერტები. ახალგაზრდებს შეხვდნენ საქართველოს პარლამენტის ადამიანის უფლებათა კომიტეტის ხელმძღვანელი ეკა ბესელია და საპარლამენტო უმცირესობის ლიდერი, დავით ბაქრაძე. მათ ახალგაზრდებს გააცნეს პარლამენტის მუშაობის პრინციპები და ესაუბრნენ ახალგაზრდების როლზე ქვეყნის განვითარების პროცესში. პროექტში მონაწილეობას იღებდნენ ახალგაზრდები როგორც დედაქალაქიდან, ასევე საქართველოს სხვადასხვა რაიონებიდან.

გაცნობებთ, რომ შავი ზღვის საერთაშორისო უნივერსიტეტი გახლდათ სესიის სპონსორი და მასპინძელი უნივერსიტეტი. გენერალურ სხდომაზე ახალგაზრდებს სიტყვით მიმართა შავი ზღვის საერთაშორისო უნივერსიტეტის რექტორმა, ბატონმა ილიას ჩილოღლუმ, რომელმაც ისაუბრა აღნიშნული ღონისძიების მნიშვნელობაზე. ბატონმა ილიასმა შავი ზღვის საერთაშორისო უნივერსიტეტის სახელით „საქართველოს პარლამენტის მოდელირებაში“ გამოვლენილ 10 საუკეთესო აბიტურიენტს გადასცა 25%-იანი ფასდაკლება 4 სასწავლო წელზე შავი ზღვის საერთაშორისო უნივერსიტეტის სასწავლო ნებისმიერ ფაკულტეტზე. 10 საუკეთესო დელეგატს უნივერსიტეტის სახელით გადაეცა სასაჩუქრე ნაკრები.

შავი ზღვის საერთაშორისო უნივერსიტეტი მოხარული იქნება სამოქალაქო საზოგადოების გაძლიერების ინსტიტუტთან ერთად კიდევ არა ერთი ღონისძიება გამართოს ახალგაზრდებისათვის.



"NATO-ს ახალგაზრდული სამიტი 2014" დღეს 12:00 საათზე "შავი ზღვის საერთაშორისო უნივერსიტეტში" ოფიციალურად გაიხსნა.

პროექტში ჩართულია 350 დელეგატი და ოფიციალური პირი. სამიტი არის ყველაზე მასშტაბური პროექტი, რომელიც ეხება მსოფლიოში მიმდინარე მნიშვნელოვან პროცესებს და აქტუალურია ჩრდილო ატლანტიკური ხელშეკრულების ორგანიზაციისათვის.

დელეგატები გადანაწილებულნი არიან კომიტეტებში. ისინი წევრ ქვეყნებს აცნობენ საკუთარი ქვეყნის პოზიციას და მსჯელობენ კომიტეტში დასახულ მთავარ პრობლემებთან დაკავშირებით.

შეგახსენებთ, რომ შავი ზღვის საერთაშორისო უნივერსიტეტის გახლავთ "NATO-ს ახალგაზრდული სამიტი 2014-ის" მთავარი სპონსორი და მასპინძელი უნივერსიტეტი, სადაც გაიმართება 13-14 დეკემბერს საკომიტეტო მუშაობები.



2014 წლის 10 დეკემბერს „მომავალ ლიდერთა კლუბის“ ორგანიზებით გაიმართა „დიდი შვიდეულის“ სამიტის მოდელირება. მოდელირების ფარგლებში სხვადასხვა უნივერსიტეტის სტუდენტები წარმოადგენდნენ დიდი შვიდეულის წევრ ქვეყნებს და განიხილავდნენ ისლამური სახელმწიფოს გავლენის გავრცელებას ახლო აღმოსავლეთში. დელეგატებმა სიმულაციის ფარგლებში მოისმინეს აღმოსავლეთმცოდნე თინათინ ქაროსანიძის საჯარო ლექცია. ტერორიზმის შესახებ წაიკითხა მოხსენება შავი ზღვის საერთაშორისო უნივერსიტეტის მოწვეულმა ლექტორმა, დავით ჭოჭუამ.
მოდელირების ბოლოს ყველა დელეგატი დაჯილდოვდა სერთიფიკატებით და სიმბოლური პრიზებით.



10 დეკემბერს შავი ზღვის საერთაშორისო უნივერსიტეტის რექტორმა,ბატონმა ილიას ჩილოღლუმ უმასპინძლა GIPA-ს წარმომადგენლებსა და რექტორს, ქალბატონ მაკა იოსელიანს.

შეხვედრაზე ორივე უნივერსიტეტის წარმომადგენლებმა გააცნეს ერთმანეთს საკუთარი საქმიანობა, გაუზიარეს ერთანეთს გამოცდილება და ისაუბრეს სამომავლო ერთობლივ ღონისძიებებსა და პროგრამებზე.

შეხვედრაზე უნივერსიტეტის წარმომადგენლებმა ერთმანეთს გააცნეს სასწავლო პროგრამა, ფაკულტეტების შესახებ ინფორმაცია და ისაუბრეს გაცვლითი პროგრამების შესაძებლობებზე, რომელიც ენიჭებათ სტუდენტებს უნივერსიტეტის ხელშეწყობით.

„აუცილებელია სტუდენტებს შევუქმნათ თბილი სასწავლო, სამუშაო გარემო და ყველაფერი უნდა გავაკეთოთ მათი წარმატებული და ნათელი მომავლისათვის. სწორედ ეს არის ჩვენი უმთავრესი მისია.“ - აღნიშნა, ბ-მა ილიას ჩილოღლუმ.

უნივერსიტეტების წარმომადგენლებმა გაუზიარეს ერთამეთს ინფორმაცია იმ პრორამებსა თუ ღონისძიებების შესახებ, რომლებიც განუხორციელებია და რომელშიც გაუწევია მხარდაჭერა და ამ პროგრამების მნიშვნელობაზე სტუდენტებისათვის.

შეხვედრის ერთ-ერთი მთავარი თემა გახლდათ კონფერენცია, რომელზეც სამომავლოდ ითანამშრომლებს შავი ზღვის საერთაშორისო უნივერსიტეტი და GIPA.
ეს კონფერენცია გახლავთ - „Silk Road International Conference", რომელიც ხორციელდება ყოველწლიურად შავი ზღვის უნივერსიტეტის ინიციატივითა და ორგანიზებით. მასში მონაწილეობას იღებენ უნივერსიტეტისა და სხვადასხვა სფეროს წარმომადგენლები.

„ძალიან მოხარული ვარ, რომ ბატონმა ილიასმა მოგვიწვია სტუმრად უნივერსიტეტში. ეს არ იყო ჩვენი პირველი შეხვედრა. ჩვენ ერთად გვქონდა ვიზიტი ზაფხულში თურქეთში, კონფერენციაზე. ეს იყო ძალიან მნიშვნელოვანი დასაწყისი სამომავლო თანამშრომლობისა, რომელიც ახლა სხვა თანამშრომლებზეც გავრცელდა. ვფიქრობ ძალიან მნიშვნელოვანია დღევანდელი მასშტაბისა და დონის შეხვედრები. ძალიან ბევრი საქმის გაკეთება შეგვიძლია ერთად და მსგავსი შეხვედრებით შესაძლებლობა გვეძლევა გამოცდილება და პროფესიონალიზმი გავუზიაროთ ერთმანეთს.“ - განაცხადა GIPA-ს რექტორმა, ქალბატონმა მაკა იოსელიანმა.



„თბილისის გაეროს მოდელირება 2014“ ეს არის საქართველოს გაეროს მოდელირების ასოციაციაციის პროექტი, რომელმაც ახალგაზრდებს საშუალება მისცა სამი დღის განმავლობაში, 6-8 დეკემბერს ჩართულიყვნენ საკომიტეტო სამუშაოებში, რომელიც გაიმართა ღონისძიების მთავარი სპონსორისა და მასპინძლის, შავი ზღვის საერთაშორისო უნივერსიტეტის სასწავლო კამპუსში. ახალგაზრდები, რომელთა რაოდენობა აღემატებოდა 350-ს გაეცნენ გაეროს მუშაობის პრინციპებს და აქტიურად მიიღეს მონაწილეობა ფორმალურ და არაფორმუალურ დისკუსიებში. ღონისძიების დახურვის ცერემონიალი გაიმართა “Expo Georgia-ში“.

პროექტის დასასრულს თითოეულმა კომიტეტმა გენერალურ ანსამბლეაზე, 8 დეკემბერს წარადგინა სარეზოლუციო ნაშრომი, რომელიც განსახილველად გადაეგზავნება გაეროს წარმომადგენლობას საქართველოში.
„თბილისის გაეროს მოდელირება 2014-ზე“ ახალგაზრდებს სიტყვით მიმართა შავი ზღვის საერთაშორისო უნივერსიტეტის რექტორმა, ბატონმა ილიას ჩილოღლუმ. მან ისაუბრა აღნიშნული ღონისძიების მნიშვნელობაზე როგორც სტუდენტებისათვის, ასევე უნივერსიტეტისათვის. ღონისძიებაში ჩართულნი იყვნენ სხვადასხვა უნივერსიტეტის სტუდენტები თბილისის მასშტაბით, ასევე მოსწავლეები რეგიონებიდან. ბატონმა ილიასმა შავი ზღვის საერთაშორისო უნივერსიტეტის სახელით გადასცა ექსკლუზიური საჩუქრები „თბილისის გაეროს მოდელირება 2014-ში“ მონაწილე 10 საუკეთესო აბიტურიენტს - 25%-იანი ფასდაკლების ვაუჩერი.

შავი ზღვის საერტაშორისო უნივერსიტეტი მოხარულია „საქართველოს გაეროს მოდლეირების ასოციაციასთან“ თანამშრომლობით და იმედოვნებს, რომ მათთან ერთად კიდევ არა ერთ საინტერესო ღონისძიებას განახორციელებს.
Georgian Model United Nations Association



შაბათს, 29 ნოემბერს შავი ზღვის საერთაშორისო უნივერსიტეტში გაიმართა მეორე მასშტაბური ღია კარის დღე.

ღონისძიებას ესწრებოდნენ როგორც სტუმრები ბათუმიდან, ასევე თბილისიდან და რუსთავიდან. მათ შორის იყვნენ დამამთავრებელი კლასის მოსწავლეები, აბიტურიენტები, სკოლის დირექტორები და მშობლები.

შეხვედრას ესწრებოდა შავი ზღვის საერთაშორისო უნივერსიტეტის რექტორი, დოქტორი ბატონი ილიას ჩილოღლუ, რომელმაც სტუმრებს გააცნო ინფორმაცია უნივერსიტეტის საქმიანობის, მისი მთავარი მიზნებისა და სამომავლო გეგმებს შესახებ.

შეხვედრაზე სტუმრებს შესაძლებლობა ჰქონდათ უფრო დეტალური ინფორმაცია მიეღოთ ფაკულტეტების ად პროგრამების შესახებ. ფაკულტეტების წარმომადგენლებმა სტუმრებს გააცნეს სწავლების სტრუქტურა და პერიოდები, სამომავლო ლექტორები, გაცვლითი პროგრამების შესაძლებლობა, კლუბების საქმიანობა, უნივერსიტეტის ფორმალური და არაფორმალური ღონისძიებები. სტუმრებს შესაძლებლობა ჰქონდათ დამატებითი ინფორმაციის მისაღებად კითხვით მიემართათ ფაკულტეტების წარმომადგენლებთან ან პირადად გასაუბრებოდნენ მათ. სტუმრები გაეცნენ უნივერსიტეტის სასწავლო კამპუსს, რათა მათ შექმნოდა წარმოდგენა იმისა, თუ როგორი კომფორტული და თბილი გარემო ელოდება მათ სასწავლო 4 წლის განმავლობაში.

ღია კარის შეხვედრა დაგვირგვინდა საინტერესო არაფორმალური აქტივობებით, რაც გულისხმობდა თბილისში და მცხეტაში ექსკურსიასა და უგემრიელეს ვახშამს სტუმრებისათვის.


დღეს, 1 დეკემბერს შავი ზღვის საერთაშორისო უნივერსიტეტში გაიმართა ბიზნეს-ინკუბატორი “IBSU – Idea Lab-ის” პრეზენტაცია. 

“IBSU – Idea Lab” - ეს არის ექსპერიმენტული პროექტი, რომელიც მიზნად ისახავს სტუდენტებში ინოვაციური ბიზნეს-იდეების გენერირებას, განვითარებასა და პრაქტიკულ განხორციელებას. პროექტი დაფუძნებულია შავი ზღვის უნივერსიტეტში ბიზნესის მართვის ფაკულტეტისა და „ახალგაზრდა მეწარმეთა ასოციაციაციის“ მიერ. 

პრეზენტაციაზე დამსწრე საზოგადოებას შესაძლებლობა ჰქონდა უფრო დეტალური ინფორმაცია მიეღო პროექტის შესახებ. ბიზნეს-ინკუბატორის პროექტში მონაწილე სტუდენტებს ჩაუტარდებათ ტრენინგები და სემინარები როგორც მოწვეული მენტორებისგან, ასევე უნივერსიტეტის პროფესორებისგან. ინკუბატორის ფარგლებში სტუდენტები ასევე შეხვდებიან პრაქტიკოს სპეციალისტებს და მათგან მოისმენენ კონკრეტული ბიზნეს იდეების რეალიზებასთან დაკავშირებულ პრაქტიკულ რჩევებსა და შენიშვნებს. 

პროექტში მონაწილეობის მიღება შეუძლიათ შავი ზღვის საერთაშორისო უნივერსიტეტის საბაკალავრო და სამაგისტრო საფეხურის სტუდენტებს.



კვირას, 30 ნოემბერს, საქართველოს იუსტიციის სასწავლო ცენტრში გაიმართა შავი ზღვის საერთაშორისო უნივერსიტეტის, "მომავალ ლიდერთა კლუბის" ("FLC" )მიერ ორგანიზებული კონფერენცია "ევთანაზია ქართულ და უცხო ქვეყნების კანონმდებლობაში". კონფერენციაში მონაწილეობას იღებდნენ შავი ზღვის საერთაშორისო, საქართველოს ტექნიკური და თბილისის სახემლწიფო უნივერსიტეტების, ბაკალავრიატის საფეხურის სტუდენტები. კონფერენციაზე წარმოდგენილ იქნა ევთანაზიის პრობლემა სამართლებრივ, რელიგიურ, სამედიცინო, მორალურ ჭრილში. სტუდენტების ნამუშევრები შეაფასეს მოწვეულმა ექსპერტებმა:
• ალექსანდრე გიორგიძე - შავი ზღვის საერთაშორისო უნივერსიტეტის პროფესორი
• ალექსანდრე იაშვილი - უზენაესი სასამართლოს მოსამართლის ასისტენტი
• დავით თუთბერიძე - სახალხო დამცველის ოფისი, ჯანდაცვის მიმართულების მთავარი სპეციალისტი
• თამარ სადრაძე - საქართველოს ადვოკატთა ასოციაციის, სისხლის სამართლის კომიტეტის წევრი
• გიორგი დგებუაძე- ივანე ჯავახიშვილის სახელობის თბილის სახელმწიფო უნივერსიტეტის დოქტორანტი
• ბაჩანა ჯიშკარიანი - ივანე ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორი,
ია ხუბაშვილი- ივანე ჯავახიშვილის სახელობის თბილისის სახელმწიფო უნივერსიტეტის პროფესორი.
კონფერენცია შინაარსობრივად ძალიან დატვირთული იყო. სტუდენტთა მოხსენებების შემდეგ გაიმართა დისკუსია "მრგვალ მაგიდასთან", წარიმართა მეტად საინტერესო დებატები კითხვა - პასუხის რეჟიმში.
საერთო ჯამში, კონფერენციამ წარმატებით ჩაიარა, სტუდენტებმა მოისმინეს ექსპერტთა მითითებები და გაიგეს მათი დამოკიდებულება აღნიშნულ თემასთან დაკავშირებით. კონფერენცია დაიხურა სტუდენტებისა და მოწვეული ექსპერტებისათვის სერთიფიკატებისა და სამახსოვრო საჩუქრების გადაცემით.




ხუთშაბათს, 27 ნოემბერს შავი ზღვის საერთაშორისო უნივერსიტეტში შეხვედრა გამართა საერთაშორისო კვლევების აკადემიის დამფუძნებელმა, დოქტორმა თეოდოსის გეორგიუმ.

ბატონმა გეორგიუმ შეხვედრაზე ისაუბრა არასამთავრობო ორგანიზაციებზე, რომლებიც მუშაობენ საერთშორისო საგანმანათლებლო პროექტებზე, პროგრამებზე და დაფინანსებაზე საერთაშორისო სტუდენტებისთვის. საერთაშრისო კვლევების აკადემიის დამფუძნებელმა შეხვედრაზე შავი ზღვის საერთაშორისო უნივერსიტეტის სტუდენტებს ასევე გააცნო დაფინანსებების შესაძლებლობები, რომლის მოპოვებაც შეუძლიათ ქართველ სტუდენტებს.

ბატონი გეორგიუსის საქართველოში ჩამოსვლის მთავარი მისია გახლავთ 20-დღიანი საერთაშორისო ბანაკისთვის (კრეტა) მოიპოვოს ახალი დაფინანსებები ქართველი სტუდენტებისათვის.

გაცნობებთ, რომ ჩვენი უნივერსიტეტი თანაშრომლობს „საერთაშრისო კვლევების აკადემიასთან“, რომლის საზაფხულო სტუდენტური პროექტის ფარგლებში NATO-ს დაფინანსებით მონაწილეობას იღებდა უნივერსიტეტის წარჩინებული სტუდენტი, ნინო სამხარაძე.
http://ss.ibsu.edu.ge/index.php/en/news/708-dr-theodossis-georgiu-visited-international-black-sea-university



 

ოთხშაბათს, 26 ნოემბერს შავი ზღვის საერთაშორისო უნივერსიტეტის ჟურნალისტიკის ფაკულტეტმა უმასპინძლა ლაშა ტუღუშს.

ლაშა ტუღუში გახლავთ გაზეთ „რეზონანსის“ მთავარი რედაქტორი და საქართველოს პრესის ასოციაციის თავჯდომარე. მას დიდი გამოცდილება აქვს პრესის საქმიანობაში და მრავალი სტატია აქვს მიძღვნილი ქვეყანაში მიმდინარე პოლიტიკური პრობლემების შესახებ.

შეხვედრას ესწრებოდნენ შავი ზღვის საერთაშორისო უნივერსიტეტის სტუდენტები, რომლებსაც შესაძლებლობა ჰქონდათ დისკუსია გაემართათ ბატონ ლაშასთან, მიეღოთ რჩევები მისგან, კითხვით მიემართათ მისთვის, საპასუხოდ კი მიეღოთ ამომწურავი პასუხი და შეფასება.

შეხვედრაზე ბატონმა ლაშამ ყურადღება გაამახვილა ჟურნალისტიკის როლზე საქართველოში და ისაუბრა იმ საკითხებსა თუ პრობლემებზე, რომლებიც უშუალოდ ამ თემასთან არის დაკავშირებული, მათ შორის, რას ნიშნავს იყო ჟურნალისტი და როგორი არის ბეჭდური ჟურნალისტიკის როლი საქართველოში.

ბატონმა ლაშამ სტუდენტებს შეხვედრაზე გაუზიარა საკუთარი გამოცდილება და რჩევით მიმართა ჟურნალისტიკის ფაკულტეტის სტუდენტებს თუ როგორ უნდა გახდნენ ისინი ნამდვილი პროფესიონალები საკუთარ პროფესიაში.



შაბათს, 29 ნოემბერს შავი ზღვის საერთაშორისო უნივერსიტეტში გაიმართა მეორე მასშტაბური ღია კარის დღე.

ღონისძიებას ესწრებოდნენ როგორც სტუმრები ბათუმიდან, ასევე თბილისიდან და რუსთავიდან. მათ შორის იყვნენ დამამთავრებელი კლასის მოსწავლეები, აბიტურიენტები, სკოლის დირექტორები და მშობლები.

შეხვედრას ესწრებოდა შავი ზღვის საერთაშორისო უნივერსიტეტის რექტორი, დოქტორი ბატონი ილიას ჩილოღლუ, რომელმაც სტუმრებს გააცნო ინფორმაცია უნივერსიტეტის საქმიანობის, მისი მთავარი მიზნებისა და სამომავლო გეგმებს შესახებ.

შეხვედრაზე სტუმრებს შესაძლებლობა ჰქონდათ უფრო დეტალური ინფორმაცია მიეღოთ ფაკულტეტების ად პროგრამების შესახებ. ფაკულტეტების წარმომადგენლებმა სტუმრებს გააცნეს სწავლების სტრუქტურა და პერიოდები, სამომავლო ლექტორები, გაცვლითი პროგრამების შესაძლებლობა, კლუბების საქმიანობა, უნივერსიტეტის ფორმალური და არაფორმალური ღონისძიებები. სტუმრებს შესაძლებლობა ჰქონდათ დამატებითი ინფორმაციის მისაღებად კითხვით მიემართათ ფაკულტეტების წარმომადგენლებთან ან პირადად გასაუბრებოდნენ მათ. სტუმრები გაეცნენ უნივერსიტეტის სასწავლო კამპუსს, რათა მათ შექმნოდა წარმოდგენა იმისა, თუ როგორი კომფორტული და თბილი გარემო ელოდება მათ სასწავლო 4 წლის განმავლობაში.

ღია კარის შეხვედრა დაგვირგვინდა საინტერესო არაფორმალური აქტივობებით, რაც გულისხმობდა თბილისში და მცხეტაში ექსკურსიასა და უგემრიელეს ვახშამს სტუმრებისათვის.



ოთხშაბათს, 26 ნოემბერს შავი ზღვის საერთაშორისო უნივერსიტეტმა უმასპინძლა საქართველოს ყოფილ პროკურორს, ბატონ არჩილ კბილაშვილს.

ბატონი არჩილი გახლავთ ქართველი იურისტი და საქართველოს მთავარი პროკურორი 2012 წლის ოქტომბრიდან — 2013 წლის 7 ნოემბრამდე.

ბატონი არჩილი გამოირჩევა გამოცდილებით საკუთარ საქმიანობაში. 2009 წელს იგი აირჩიეს საქართველოს ადვოკატთა ასოციაციის ეთიკის კომისიის წევრად, ხოლო 2007 წელს არჩეულ იქნა საქართველოში საფრანგეთის საელჩოს პირად ადვოკატ-კონსულად.

2006 წელს არჩილ კბილაშვილი საქართველოს ადვოკატთა ასოციაციის წევრი გახდა. 2012 წლის 15 თებერვალიდან ის გახლავთ ქართული ოცნება — დემოკრატიული საქართველოს საინიციატივო ჯგუფის წევრი.

შეხვედრაზე ბატონმა არჩილმა გაუზიარა საკუთარი გამოცდილება შავი ზღვის საერთაშორისო უნივერსიტეტის სტუდენტებს. მან ყურადღება გაამახვილა შემდეგ თემებზე: საქართველოს პროკურატურის დანიშნულება, მთავარი მისია და საქმიანობა; სამართალდამცავი ორგანოები და მათი ეფექტურობა; ასევე შეაფასა პოკურატურის საქმიანობა განვლილი პერიოდის მანძილზე. შეხვედრაზე სტუდენტებს შესაძლებლობა ჰქონდათ კითხვით მიემართათ ბატონი არჩილისათვის და მათზე მიეღოთ ამომწურავი პასუხი.

შავი ზღვის საერთაშორისო უნივერსიტეტი იმედოვნებს, რომ ბატონ არჩილ კბილაშვილთან თანამშრომლობა გაგრძელდება და კიდევ ბევრ საინტერესო შეხვედრას გამართავს სტუდენტებთან ერთად.



დღეს, 27 ნოემბერს შავი ზღვის საერთაშორისო უნივერსიტეტის რექტორი, დოქტორი ილიას ჩილოღლუ დაესწრო ლატვიის რესპუბლიკის პრეზიდენტთან შეხვედრას, რომელიც მრგვალი მაგიდის ფორმატში გაიმართა.

სამუშაო შეხვედრაზე განხილული იყო საქართველოსა და ლატვიას შორის განათლების მიმართულებით თანამშრომლობის სამომავლო პერსპექტივები, უკვე არსებული ერთობლივი პროექტები. ასევე საუბარი ეხებოდა სტუდენტებისა და პროფესორ-მასწავლებელთა გაცვლითი პროგრამების შესაძლებლობას.

„უნივერსიტეტის რექტორებთან ერთად ჩვენ მიმოვიხილავთ თანამშრომლობის სპეციფიკასა და დეტალებს. გათვალისწინებულია სტუდენტების მობილობის ხელშეწყობა, გამოცდილების გაზიარება, გაცვლითი პროგრამების განვითარება და სხვა.“ - განაცხადა განათლებისა და მეცნიერების მინისტრის პირველმა მოადგილემ, ქალბატონმა ქეთევან ნატრიაშვილმა.

შეხვედრას ესწრებოდნენ: საქართველოსა და ლატვიის უმაღლესი სასწავლო დაწესებულებათა წარმომადგენლები; ლატვიის რესპუბლიკის პრეზიდენტი, ანდრის ბერზინში; ლატვიის განათლებისა და მეცნიერების მინისტრი, მარტე სეილე; საქართველოს განათლებისა და მეცნიერების მინისტრის პირველი მოადგილე, ქეთევან ნატრიაშვილი.



2014 წლის 18-22 ნოემბერს ბიზნესის მართვის ფაკულტეტმა მონაწილეობა მიიღო გლობალური მეწარმეობის კვირეულის ფარგლებში ორგანიზებულ ღონისძიებებში, კერძოდ: პანელური დისკუსია “ბიზნეს ინკუბატორები, ერთიანი  სამუშაო  სივრცეები  ტექნოლოგიური  მეწარმეობის განვითარებისთვის”, რომელიც გაიმართა ინოვაციების და ტექნოლოგიების  სააგენტოსა და ახალგაზრდა მეწარმეთა ასოციაციის მიერ; პანელური  დისკუსია  ‘’მარკეტინგი და პიარი სტარტაპებისთვის’’, ორგანიზებული სპორტისა და  ახალგაზრდობის  საქმეთა  სამინისტროს მიერ;  მეწარმეთა მრგვალი მაგიდა, რომელიც მოეწყო ამერიკის საელჩოს მიერ. 

‘’გლობალური მეწარმეობის  კვირეული’’  არის  ყველაზე  მაშტაბური  საერთაშორისო  პროექტი , რომლის მიზანია მეწარმეობის  პოპულარიზაცია,ინოვაციური სტარტაპების ფორმირების ხელშეწყობა და ახალგაზრდა  თაობის მოტივაცია და მხარდაჭერა.



დღეს, 24 ნოემბერს, შავი ზღვის საერტაშორისო უნივერსიტეტში გაიმართა დავით ზურაბიშვილის საჯარო ლექცია თემაზე: ”ეროვნული ლიბერალიზმის თავისებურებანი, ანუ რას ნიშნავს პროდასავლურობა?”.

დავით ზურაბიშვილი გახლავთ ეკონომისტი, მწერალი და პოლიტიკოსი. 2004—2008 წლებში იყო საქართველოს პარლამენტის წევრი პარტიული სიით. 2004—2005 წლებში იყო განათლების, მეცნიერების, კულტურისა და სპორტის კომიტეტის წევრი, პარლამენტის ბიუროს წევრი. 2005—2008 წლებში — ფრაქცია „დემოკრატიული ფრონტის“ წევრი და თავმჯდომარის მოადგილე. 2012—2013 წლებში გახლდათ განათლებისა და მეცნიერების მინისტრის მოადგილე.
ბატონი დავითი არის არის მოთხრობებისა და სტატიების ავტორი პოლიტიკის, ეკონომიკისა და ლიტერატურის საკითხებზე.

შეხვედრას სხვადასხვა ფაკულტეტის სტუდენტები ესწრებოდნენ. დისკუსიის დროს მათ შესაძლებლობა ჰქონდათ კითხვით მიემართათ ბ-ნ დავითისთვის და მიეღოთ მათზე ამომწურავი პასუხი. რას ნიშნავს პროდასავლურობა, რა არის ეროვნული ლიბერალიზმის თავისებურებანი, საქართველოს საგარეო პოლიტიკა, სწორი დიპლომატიის მნიშვნელობა - ეს ის აქტუალური საკითხებია, რომლებმაც სტუდენტებში დიდი დაინტერესება გამოიწვია და, სწორედ, ამ საკითხების გასაანალიზებლად დაისვა ბ-ნი დავითის მიმართ ძალიან ბევრი კითხვა, რამაც დისკუსია უფრო საინტერესო და მწვავე გახადა.

„შეხვედრა ძალიან ნაყოფიერი აღმოჩნა. ჩემთვის ძალიან საინტერესო იყო ბ-ნ დავითთან შეხვედრა. ადამიანთან, რომელსაც საოცრად დიდი გამოცდილება აქვს დიპლომატიის მიმართულებით. მისი მოსაზრება ამ დროისათვის ყველაზე აქტუალურ და მწვავე საკითხებზე მეტად საინტერესო იყო. ეს დამეხმარა რიგით საკითხებზე სხვა თვალით შემეხედა“ - აცხადებს ეკონომიკის მიმართულების სტუდენტი, სალომე ჯინჭარაძე.

შავი ზღვის საერთაშორისო უნივერსიტეტი იმედოვნებს, რომ ბ-ნ დავითთან თანამშრომლობა გაგრძელდება და სამომავლოდ კიდევ არა ერთ საინტერესო შეხვედრას შესთავაზებს სტუდენტებს მასთან თანამშრომლობის საფუძველზე.




სტუდენტთა საერთაშორისო დღესთან დაკავშირებით გამართულ საღამოს, ესწრებოდა შავი ზღვის საერთაშორისო უნივერსიტეტის პრორექტორი პროფ. დოქტ. ქალბატონი ნათელა დოღონაძე, რომელმაც IBSU-ის სტუდენტებს საჩუქრები გადასცა.

Government of Abkhazia - აფხაზეთის ა/რ მთავრობა
სტუდენტთა საერთაშორისო დღე აღინიშნა
სტუდენტთა საერთაშორისო დღესთან დაკავშირებით აფხაზეთის ავტონომიური რესპუბლიკის უმაღლესი საბჭოს ორგანიზებით „მაგთი კლუბში" აფხაზეთიდან დევნილი, წარმატებული სტუდენტებისთვის საზეიმო შეხვედრა გაიმართა. აფხაზეთის მთავრობის თავმჯდომარის მოვალეობის შემსრულებელმა ვახტანგ ყოლბაიამ ახალგაზრდებს სტუდენტა საერთაშორისო დღე მიულოცა და პროფესიულ განვითარებაში წარმატებები უსურვა.

საღამოს ასევე დედაქალაქის მერის მოადგილე ალუდა გოგლიჩიძე, სოხუმის სახელმწიფო უნივერსიტეტის რექტორი, პროფესორი ჯონი აფაქიძე, თბილისის სახელმწიფო სამედიცინო უნივერსიტეტის რექტორი, პროფესორი ზურაბ ვადაჭკორია, საქართველოს განათლების მინისტრის მრჩეველი ოთარ აბესაძე, საქართველოს პარლამენტის ტერიტორიული მთლიანობის აღდგენის დროებითი კომისიის წარმომადგენელი ავთანდილ ბესელია, საქართველოს დავით აღმაშენებლის სახელობის უნივერსიტეტის მედიის სკოლის დეკანი ივანე სეხნიაშვილი, შავი ზღვის საერთაშორისო უნივერსიტეტის პრორექტორი, პროფესორი ნათელა დოღონაძე , აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები ესწრებოდნენ.

აფხაზეთის უმაღლესი საბჭოს თავმჯდომარემ ელგუჯა გვაზავამ ახალგაზრდობის აღზრდის საქმეში პირადი ღვაწლისათვის და აფხაზეთიდან დევნილი სტუდენტების მიმართ გამოჩენილი მზრუნველობისათვის უმაღლესი საბჭოს საპატიო სიგელით დააჯილდოვა თბილისის სახელმწიფო სამედიცინო უნივერსიტეტის, ივანე ჯავახიშვილის სახელობის სახელმწიფო უნივერსიტეტის, ილიას სახელმწიფო უნივერსიტეტის, კავკასიის საერთაშორისო უნივერსიტეტის, საქართველოს დავით აღმაშენებლის სახელობის უნივერსიტეტის რექტორები. წარმატებულ სტუდენტებს საღამოს ორგანიზატორებმა, სპონსორებმა და უნივერსიტეტების რექტორატმა ფასიანი საჩუქრები გადასცეს.

სტუმრების წინაშე მუსიკალური ნომრებით წარდგნენ მომღერლები ნინი წიკლაური, სალომე ბაკურაძე და ახალაგზრდული „ჯაზ-ბენდი" საღამო კომპანიების : „მაგთის", „ლიბერთი ბანკის", „ავერსისა" და „ჯიპისის" მხარდაჭერით გაიმართა. https://www.facebook.com/media/set/?set=a.801602423214489.1073742054.230016827039721&type=1



შავი ზღვის საერთაშორისო უნივერსიტეტის სტუდენტები აქტიურად არიან ჩართულნი როგორც ადგილობრივ, ასევე საერთაშორისო პროექტებში, რაც მათ ეხმარებათ მეტი გამოცდილების შეძენასა და ენობრივი კრიტერიუმების გაუმჯობესებაში.

“Erasmus +“ და „ევროპელ დიპლომატთა ასოციაციის“ ორგანიზებით ჩვენმა სტუდენტებმა მონაწილეობა მიიღეს საერთაშორისო ახალგაზრდულ პროექტში, „Be Active + “ . ღონისძიება ჩატარდა 10-17 ნოემბერს თურქთში, კერძოდ ქალაქ აიდინში. საქართველოს დელეგაციის მონაწილენი გახლდათ შავი ზღვის საერთაშორისო უნივერსიტეტის სოციალური მეცნიერებების მიმართულების ეკონომიკის ფაკულტეტის სტუდენტი, სალომე ჯინჭარაძე და სამართლის მიმართულების სტუდენტი, შაკო ბუავა.

სესიის ფარგლებში სტუდენტებს შესაძლებლობა ჰქონდათ: დასწრებოდნენ პლენარულ დისკუსიებს; შეხვედროდნენ სამთავრობო და არასამთავრობო სტრუქტურებს; გაეცნოთ საერთაშორისო ორგანიზაციების წარმომადგენლები, მშვიდობის კორპუსის წარმომადგენლები.

„საერთაშორისო პროექტები კარგი შესაძლებლობაა კონტაქტი გქონდეს სხვადასხვა ქვეყნის წარმომადგენლებთან, რაც, უპირველე ყოვლისა, გეხმარება ენის კრიტერიუმების გაუმჯობესებაში, საშუალება გაქვს გაეცნო მათ კულტურას და, ასევე, გააცნო ჩვენი ქვეყნის კულტურა და ტრადიციები, რომლებიც ძალიან დიდ დაინტერესებას იწვევს უცხო ქვეყნის წარმომადგენლებში. საერთაშორისო ახალგაზრდული პროექტი უცხოეთში პირველი გამოცდილება იყო ჩემთვის და მაქსიმალურად ვცდილობდი დიდი ცოდნა და გამოცდილება შემეძინა ამ სესიიდან, ასევე გამეცნო ის უცხოელი სტუდენტები, რომელთან ერთადაც სამომავლოდ შესაძლებელია მსგავსი საერთასორისო პროექტის განხორციელება ჩევნი ქვეყნის ფარგლებში.“ - სალომე ჯინჭარაძე.



IBSU ზღვის დონიდან 8 000 მეტრის სიმაღლეზე, ნეპალი - "ხანტენგრი" ევერესტის მახლობლად. მადლობა ბიძინა გუჯაბიძეს ამ ლამაზი ფოტოსთვის. სურათი გადაღებულია 2014 წლის აგვისტოში IBSU-ის სტუდენტების თხოვნით.



„გაიღე სისხლი, გადაარჩინე სიცოცხლე. ყველა დონორი გმირია“
ამ ლოზუნგით დღეს, 20 ნოემბერს შავი ზღვის საერთაშორისო უნივერსიტეტში გაიმართა საქველმოქმედო აქცია - სისხლის დონაცია. აქციის მთავარი მიზანი არის დავეხმაროთ ლეიკემიით დაავადებულ ბავშვებს და იმ პირებს, რომლებსაც ეს დახმარება ყველაზე მეტად ესაჭიროება. სტუმრად იმყოფებოდა „შპს ნატალია კვანტალიანის სახელობის სისხლის ცენტრალური ბანკის“ (მის.:ქ. თბილისი, ქავთარაძის 21ა; ტელ.: 254-52-84, 218-88-84) წარმომადგენლები.

„სტუდენტებს შესაძლებლობა ჰქონდათ უანგაროდ დახმარებოდნენ ადამიანებს და წვლილი შეეტანათ მათი სიცოცხლის გადარჩენაში. როდესაც საუბარია ლეიკემიით დაავადებულ ბავშვებზე, სიმსივნურ პაციენტებზე, მელოგინე ადამიანსა თუ სხვა ტიპის დაავადების მქონე ხალხის დახმარებაზე, დონორობას კიდევ უფრო დიდი მნიშვნელობა ენიჭება და ძალიან საამაყოა, რომ ჩვენი სტუდენტები ამ კეთილ საქმეს უანგაროდ აკეთებენ.“ - აცხადებს შავი ზღვის საერთაშორისო უნივერსიტეტის ექიმი, მარიამ ზებედაშვილი.

როგორც ცნობილია სისხლის ჩაბარებამდე ძალიან ბევრი კრიტერიუმია გასათვალისწინებელი. დღეს ჩვენი უნივერსიტეტის დაახლოებით 20-მა სტუდენტმა მოახერხა გამხდარიყო დონორი.

„ამ აქციის წყალობით შესაძლებლობა მაქვს უანგაროთ გავცე სისხლი და დავეხმარო მას, ვისაც ეს ნამდვილად სჭირდება. მჯერა, რომ ჩემი სისხლი გამოადგება სხვა ადამიანს, რომელსაც არ აქვს საშუალება საჭიროებიდან გამომდინარე ის შეიძინოს. სწორედ ამიტომ გადავწყვიტე გავმხდარიყავი აქციის მონაწილე“ - კომენტარს აკეთებს ჩვენი დონორი სტუდენტი, ნესტან ჭაღალიძე.



შავი ზღვის საერთაშორისო უნივერსიტეტის ადმინისტრაცია, წარჩინებული აბიტურიენტების აღზრდისთვის მადლობას უხცადებს 100-მდე სკოლას მთელი ქვეყნის მასშტაბით. მადლობის ნიშნად სკოლებს დაეგზავნათ სპეციალური დიპლომები და მადლობის წერილები.



ბიზნესის მართვის ფაკულტეტმა უმასპინძლა განსაკუთრებულ სტუმარს,   მეწარმეობის საერთაშორისო კვირეულის პრეზიდენტს და ფონდ „ერვინ მარიონ ქაუფმანის“ უფროს მკვლევარს ჯონათან ორთმანს. ჯონათან ორთმანი საქართველოს ესტუმრა მეწარმეობის საერთაშორისო კვირეულის ფარგლებში. ეს არის პროექტი, რომელიც მიზნად ისახავს დამწყები ბიზნესების და მცირე მეწარმეობის ხელის შეწყობას. ჯონათან ორთმანი შეხვდა ბიზნესის მართვის ფაკულტეტის სტუდენტებს და ისაუბრა თემაზე „მეწარმეობის როლი საზოგადოების განვითარებაში“.

ჯონათან ორთმანმა მსოფლიოს 15 ქვეყანაში ჩამოაყალიბა მოძრაობა, რომელიც მიზნად ისახავს მეწარმეთათვის ჯანსაღი ეკოსისტემების ჩამოყალიბებას და მოქალაქეების მიერ საკუთარი ბიზნესის წამოწყების წახალისებას. ჯონათან ორთმანი ასევე არის მეწარმეობის საერთაშორისო კონგრესის დამფუძნებელი და პრეზიდენტი. მეწარმეობის საერთაშორისო კონგრესი ყოველი წლის მარტის თვეში თავს უყრის  5 000-ზე მეტ დელეგატს მსოფლიოს 150 ქვეყნის სამეწარმეო ეკოსისტემებიდან.



15 ნოემბერს შავი ზღვის საერთაშორისო უნივერსიტეტში ჩატარდა მოკლევადიანი ექსპრეს-კურსი ლიდერობასა და ორგანიზაციული განვითარების საკითხებში. ტრენინგ პროგრამაში მონაწილეობა მიიღეს 15 წარმატებული, კერძო და საჯარო სკოლების ხელმძღვანელებმა. პროგრამის დასასრულს ტრენინგის მონაწილეებს გადაეცათ სერთიფიკატები.



ხუთშაბათს, 13 ნოემბერს სოციალურ მეცნიერებათა ფაკულტეტის ჟურნალისტიკის მიმართულებამ ცნობილ საზოგადო მოღვაწეს, რეჟისორსა და კინოდოკუმენტალისტს, ბატონ გოგა ხაინდრავას უმასპინძლა. საჯარო ლექცია ძალიან საინტერესო აღმოჩნდა სტუდენტებისათვის. სტუმარმა ისაუბრა არა მარტო საკუთარ შემოქმედებაზე, არამედ ქართული კინოს განვითარების ისტორიაზე, სხვადასხვა ეპოქის გამოჩენილ კინოხელოვანებსა და იმ ფაქტორებზე რაც თავად რეჟისორისთვის აღმოჩნდა შთამაგონებელი.

შეხვედრას დაესწრო შავი ზღვის საერთშორისო უნივერსიტეტის დეკანი ბატონი ილიას ჩილოღლუ, რომელმაც სტუმარს სიმბოლური საჩუქარი გადასცა.

ბატონ გოგასთან ორგანიზებული შეხვედრების ფარგლებში უახლოეს მომავალში იგეგმება რეჟისორის ფილმის, „დემოკრატიის შუქურის“ ჩვენება სტუდენტურ კინო-კლუბში და ფილმის განხილვა ავტორთან ერთად.


 

გოგა ხაინდრავას საჯარო ლექცია

შავი ზღვის საერთაშორისო უნივერსიტეტი ღრმა მწუხარებას გამოთქვამს თავისუფალი და აგრარული უნივერიტეტების დამფუძნებლის ბატონი კახა ბენდუქიძის გარდაცვალების გამო და უსამძიმრებს მის ოჯახს, მის ახლობლებს.


12 ნოემბერს, შავი ზღვის საერთაშორისო უნივერსიტეტში “საქართველოს რეფორმების ასოციაცია GRASS”-ის, მრავალპროფილურ ანალიტიკური ცენტრის 
დამფუძნებელმა ქალბატონმა ელენე ხოშტარიამ ღია ლექცია ჩაატარა.

შეხვედრისას სტუმარი შეეხო ისეთ თემებს, როგორიც არის საგარეო პოლიტიკა, თავდაცვის და უსაფრთხოების პოლიტიკა, კონფლიქტიდარეგულირება, ევროპულ და ევრო-ატლანტიკურ სტრუქტურებში ინტეგრაცია.
შეხვედრას ესწრებოდნენ ბიზნესისა და სოცილურ მეცნიერებათა ფაკულტეტის სტუდენტები.

 


6 ნოემბერს მართლმსაჯულების სახლში ხელი მოეწერა ურთიერთთანამშრომლობის მემორანდუმს “იუსტიციის უმაღლესი სკოლის“ დირექტორ, ლაშა მაღრაძესა და 11 წამყვან უნივერსიტეტს შორის, რომელთა რიცხვში გახლავთ შავი ზღვის საერთაშორისო უნივერსიტეტი.

"იუსტიციის უმაღლესი სკოლის" ძირითადი მიზანია მოსამართლედ გასამწესებელ პირთა – იუსტიციის მსმენელთა საწყისი მომზადება, ასევე მოქმედ მოსამართლეთა გადამზადება და კვალიფიკაციის ამაღლება. სკოლა ასევე ახორციელებს მოსამართლის თანაშემწეებისა და სასამართლოს სხვა თანამშრომელთა გადამზადებასა და კვალიფიკაციის ამაღლებას.

 

მემორანდუმის ფარგლებში:

* სკოლა უზრუნველყოფს საჯარო (უფასო) ლექციების  ჩატარებას იურიდიული ფაკულტეტის/სამართლის მიმართულების სტუდენტებისთვის;

* პრიორიტეტი მიენიჭება უნივერსიტეტების მიერ ინიცირებულ თემებს და განსაკუთრებული აქცენტი გაკეთდება პრაქტიკულ სწავლებაზე;

* მხარეები განახორციელებენ ერთობლივ სასწავლო ღონისძიებებს წინასწარ შეთანხმებულ თემებზე.



6 ნოემბერს შავი ზღვის საერთაშორისო უნივერსიტეტს ეწვია გაეროს მუდმივი კოორდინატორი და გაეროს განვითარების პროგრამის წარმომადგენელი საქართველოში, ნილს სკოტი, რომელსაც სოციალურ მეცნიერებათა ფაკულტეტმა უმასპინძლა.

ბ-ნი ნილს სკოტი 2013 წლის სექტემბერში დაინიშნა საქართველოში გაეროს მუდმივი კოორდინატორისა და გაეროს განვითარების პროგრამის მუდმივი წარმომადგენლის თანამდებობაზე. საქართველოში ჩამოსვლამდე ის ჟენევაში, გაეროს ჰუმანიტარულ საქმეთა საკოორდინაციო ოფისში დახმარების მხარდაჭერის განყოფილების ხელმძღვანელი გახლდათ. სხვადასხვა დროს ნილს სკოტი კოტ დ’იუარის და ჰაიტის ოფისების ხელმძღვანელის დროებითი მოვალეობის შემსრულებელი იყო. ხელმძღვანელობდა კატასტროფებისა და დაზარალებულთა დახმარების პოლიტიკის განყოფილებას ჟენევაში (თებერვალი - ივნისი 2010 წელი). იკავებდა სხვადასხვა თანამდებობებს წითელი ჯვრისა და წითელი ნახევარმთვარის საზოგადოებაში.

თავის გამოსვლაში ბ-ნი სკოტი შეეხო იმ თემებს, რაც მეტად აქტუალურია ჩვენს ქვეყანაში: გაეროს როლი საქართველოში; ღონისძიებები, რომლებიც ხორციელდება გაეროს ეგიდით. მან ყურადღება გაამახვილა განათლების სისტემაზე და ისაუბრა იმ პროგრამებსა თუ ღონისძიებებზე, რომლებსაც სისტემის გაუმჯობესება შეუძლია. ასევე, იმ გამოწვევებზე, რომლებიც შესაძლოა საქართველოში შეგვხვდეს. მან რჩევით მიმართა სტუდენტებს, მაქსიმალურად გამოიყენონ მთავრობისა და პოლიციის ინსტიტუტები, რათა გარკვეულ სფეროებში გაუმჯობესდეს მდგომარეობა, მაქსიმალურად იყოს დაცული ადამიანის უფლებები და განვითარდეს სოციალური ინსტიტუტები. უფლებების დაცვის მიზნით მან მოუწოდა სტუდენტებს, მონაწილეობა მიიღონ და მაქსიმალურად იყვნენ ჩართულები ქვეყნის დემოკრატიულ მოწყობაში.

შეხვედრამ მიიღო საინტერესო მიმართულება. დისკუსიის დროს სტუდენტებმა გამოიყენეს შესაძლებლობა და ბ-ნ ნილს სკოტს მიმართეს იმ კითხვებით, რომლებიც ეხებოდა ამ დროისათვის საქართველოში ყველაზე მწვავე, აქტუალურ პრობლემებსა და საკითხებს: ადამიანის უფლებები და უსაფრთხოება, მისი გადაჭრისა და მოგვარების გზები; განათლების სისტემის გაუმჯობესება; ახალი რეფორმების ჩატარების საჭიროება; ეკონომიკური ვითარების გაუმჯობესების შესაძლებლობა და ქვეყნის საგარეო პოლიტიკა.

იმედი გვაქვს, რომ თანამშრომლობა საქართველოში გაეროს წარმომადგენლობასა და შავი ზღვის საერთშრისო უნივერსიტეტს შორის სხვადასხვა პროექტების სახით მომავალშიც გაგრძელდება.



 დღეს, 5 ნოემბერს შავი ზღვის საერთაშორისო უნივერსიტეტში ამერიკის შეერთებული შტატების ელჩი, რიჩარდ ნორლანდი დაესწრო „ამერიკისმცოდნეობის მე-7 ყოველწლიურ საერთაშორისო კონფერენციას“, რომელიც ტარდება განათლებისა და მეცნიერებათა ფაკულტეტის ეგიდით.

 ბ-ნი რიჩარდი  გახლავთ ამერიკელი დიპლომატი, რომელიც ბარაკ ობამამ წარადგინა ელჩად საქართველოში, ხოლო სენატმა დაამტკიცა ამ პოსტზე. რიჩარდ ნორლანდი ამ დრომდე ვაშინგტონის ეროვნულ სამხედრო კოლეჯში საერთაშორისო ურთიერთობებში მრჩეველი და ხელმძღვანელის მოადგილე იყო. იგი ასევე გახლდათ აშშ-ის ელჩი უზბეკეთში (2007-2010 წლები).

 კონფერენციის მომხსენებლები იყვნენ: ტარა კელი - ისტორიული პრეზერვაციის მეცნიერებათა მაგისტრი. „Friends of The Upper East Side Historic Districts-ის“ აღმასრულებელი დირექტორი, ნიუ იორკი, აშშ; ტიმოთი ბლუველტი - ამერიკული საბჭოების ხელმძღვანელი საქართველოში.

  კონფერენციის ფარგლებში სიტყვით გამოვიდნენ შავი ზღვის საერთაშორისო უნივერსიტეტის სტუდენტები და პროფესორები. ისინი მოხსენებაში ეხებოდნენ იმ თემებს, რომლებიც უშუალოდ ეხებოდა: ამერიკის ისტორიასა და კულტურას; განათლების სისტემასა და პროგრამებს; ქვეყნის მნიშვნელობას საერთაშორისო ასპარეზზე; ამერიკასა და საქართველოს ურთიერთობას, ასევე იმ შესაძლებლობებს, რომლებსაც ამერიკა სთავაზობს ქართველ სტუდენტებს.

  მოგეხსენებათ, რომ „ამერიკისმცოდნეობის საერთაშორისო კონფერენცია“ ტარდება ყოველწლიურად განათლებისა და მეცნიერებათა ფაკულტეტის ეგიდით და მასში აქტიურად არიან ჩართულნი შავი ზღვის საერთაშორისო უნივერსიტეტის სტუდენტები და პროფესორები, ასევე საქართველოს სხვადასხვა უნივერსიტეტების ამერიკანისტები.


დღეს, 3 ნოემბერს შავი ზღვის საერთაშორისო უნივერსიტეტის ეკონომიკისა და საერთაშორისო ურთიერთობების მიმართულების სტუდენტებთან საჯარო ლექცია გამართა ბ-მა ნიკა რურუამ.

ბ-ნი ნიკა გახლავთ იურისტი, პოლიტიკოსი, საქართველოს კულტურისა და ძეგლთა დაცვის მინისტრი (2008 - 2012 წლებში). აგრეთვე, საქართველოს მეექვსე და მეშვიდე მოწვევის პარლამენტის წევრი. ამ დროისათვის ის თავის საქმიანობას უკავშირებს მედია-ტრენინგებსა და გაზეთ „IVERIA.biz-ს”,რომლის ერთ-ერთი მთავარი რედაქტორი, სწორედ, ბ-ნი ნიკა გახლავთ.

შეხვედრისას ბ-მა ნიკამ აცნობა სტუდენტებს თავისი საქმიანობის შესახებ, აგრეთვე, გაუზიარა ის გამოცდილება, რომელიც სტუდენტურ წლებში მიიღო უცხოეთში, და რომელიც დააგროვა მინისტრობისა და პარლამენტარობის დროს.

დისკუსიის დროს სტუდენტებს შესაძლებლობა ჰქონდათ კითხვით მიემართათ ბ-ნ ნიკასათვის და მიეღოთ მათზე ამომწურავი პასუხი. საქართველოს საგარეო პოლიტიკა, სწორი დიპლომატიის მნიშვნელობა, სამაჩაბლოსა და აფზაზეთის ოკუპაცია, ამერიკისა და რუსეთის ურთიერთობა, ერგნეთის ბაზრის გახსნის შესაძლებლობა და ა.შ - ეს ის აქტუალური საკითხებია, რომლებმაც სტუდენტებში დიდი დაინტერესება გამოიწვია და, სწორედ, ამ საკითხების გასაანალიზებლად დაისვა ბ-ნი ნიკას მიმართ ძალიან ბევრი კითხვა, რამაც დისკუსია უფრო საინტერესო და მწვავე გახადა.

„შეხვედრა ძალიან ნაყოფიერი აღმოჩნა. ჩემთვის ძალიან საინტერესო იყო ბ-ნ ნიკასთან შეხვედრა. ადამიანთან, რომელსაც საოცრად დიდი გამოცდილება აქვს დიპლომატიის მიმართულებით. მისი მოსაზრება ამ დროისათვის ყველაზე აქტუალურ და მწვავე საკითხებზე მეტად საინტერესო იყო. ეს დამეხმარა რიგით საკითხებზე სხვა თვალით შემეხედა“ - აცხადებს ეკონომიკის მიმართულების სტუდენტი, პაატა სებისკვერაძე.

შავი ზღვის საერთაშორისო უნივერსიტეტი იმედოვნებს, რომ ბ-ნ ნიკასთან თანამშრომლობა გაგრძელდება და სამომავლოდ კიდევ არა ერთ საინტერესო შეხვედრას შესთავაზებს სტუდენტებს მასთან თანამშრომლობის საფუძველზე.

სტატიის ავტორი: სალომე ჯინჭარაძე



"საქართველოს ახალგაზრდა დიპლომატთა კლუბის" ორგანიზებით პირველად საქართველოში ჩატარდება "ახალგაზრდული ამბასადორიალი 2014". დახურვის ცერემონიალი გაიმართა Sheraton Metechi Palace-ში. შეხვედრას ესწრებოდნენ სტუმრები სახელმწიფო უწყებებიდან და სხვადასხვა არასამთავრობო ორგანიზაციებიდან.

"ახალგაზრდული ამბასადორიალი" - არის ერთადერთი ღონისძიება, რომლის ფარგლებში დელეგატებს ეძლევათ საშუალება იმუშაონ 3 დღის განმავლობაში უცხოეთში საქართველოს წარმომადგენლების - ელჩების, კონსულებისა და სხვა რანგებში. მათ მოუწიათ საქართველოს საგარეო პოლიტიკის ჩამოყალიბება კონკრეტულ აქტუალურ საკითხებთან დაკავშირებით, სხვადასხვა რეგიონისა თუ ქვეყნების მიზნობრივი ჯგუფების მიხედვით.

პროექტის ფარგლებში აქტიურად იყვნენ ჩართულნი შავი ზღვის საერთაშორისო უნივერსიტეტის სტუდენტები. მათი პოზიცია განისაზღვრებოდა როგორც დელეგატობით, აგრეთვე მთავარი ორგანიზატორობით. გაწეული შრომისათვის კი დაჯილდოვდნენ სიმბოლური საჩუქრებით ორგანიზაციის მხრიდან.

გაცნობებთ, რომ შავი ზღვის საერთაშორისო უნივერსიტეტი გახლდათ პროექტის ერთ-ერთი მთავარი პარტნიორი. ჩვენი მხარდაჭერა სხვადასხვა მიმართულებით მიმდინარეობდა და შეიცავდა ტექნიკურ, ლოჯისტიკურ და სპონსორულ მხარდაჭერას. აგრეთვე, კომიტეტის საუკეთესო დელეგატებს უნივერსიტეტმა გადასცა სასაჩუქრე ნაკრები.

ღონისძიების ფარგლებში საკომიტეტო მუშაობები მიმდენაროეობდა 25-26 ოქტომბერს. 27 ოქტომბერს Sheraton Metechi Palace-ში კი გაიმართა დახურვის ცერემონიალი, რომელსაც მაღალი რანგის სახელმწიფო მოხელეები, უცხოელი და სხვა საპატიო სტუმრები დაესწრნენ. ცერემონიალს დაესწრო და სიტყვით მიმართა ახალგაზრდა დიპლომატებს საგარეო საქმეთა მინისტრმა, ქ-მა მაია ფანჯიკიძემ. აგრეთვე, საქართველოს პარლამენტის საგარეო ურთიერთობების კომიტეტის თავმჯდომარემ, ბ-მა თედო ჯაფარიძემ. მოწვეულ სტუმრებს შორის გახლდათ შავი ზღვის საერთაშორისო უნივერსიტეტის ლექტორები ბ-ნი ნიკა ჩიტაძე და ბ-ნი გიგი კუბლაშვილი.



  „საზოგადოებრივი იმიჯი და რეპუტაცია, მუდმივი ზრუნვა სტუდენტებსა და კურსდამთავრებულებზე, ქველმოქმედება“ - ეს ის ნომინაციაა, რომელშიც შავი ზღვის საერთაშორისო უნივერსიტეტმა მოიპოვა გამარჯვება „ჯორჯიან თაიმსის“ ყოველწლიურ ბიზნეს-რეიტინგში.

   22 ოქტომბერს „ჯორჯიან თაიმსის“ ბიზნეს-რეიტინგის რიგით მე-15 საიუბილეო ცერემონიალი გაიმართა. მასში მონაწილეობას იღებდნენ ქართული სხვადასხვა კომპანიების წარმომადგენლები, თუმცა, მხოლოდ 30-მა შესძლო გამარჯვების მოპოვეა გარკვეულ ნომინაციებში.

  მოგახსენებთ, შავი ზღვის საერთაშორისო უნივერსიტეტი მუდმივად არის ჩართული იმ ღონისძიებებში, რომელბიც ხელს შეუწყობს სწავლის ხარისხის ამაღლებას, უფრო კომფორტულ გარემოს შექმნას სწავლისათვის, სტუდენტების ხელშეწყობისკენაა მიმართული და საზოგადოების კეთილდღეობას განაპირობებს.

  მაგალითისთვის, შენდება ახალი საუნივერსიტეტო სტუდქალაქი (Campus – ფართობი 48, 646 მ), რომელიც თავისი მაჩვენებლებით მსოფლიოს უმაღლეს სტანდარტებს შეესაბამება. მისი ინვესტირება 15 000 000 ლარს შეადგენს. ჩვენი უნივერსიტეტი ყოველწლიურად აჯილდოვებს  საუკეთესო მოსწავლეებს სასწავლო გრანტებით და სხვადასხვა სახის საჩუქრებით. ბოლო ორი წლის განმავლობაში, ჩვენი შეღავათებით 565-მდე სტუდენტი სარგებლობს, რომლის ჯამური თანხა 912, 390 ლარს შეადგენს. რაც შეეხება სოციალურ პროექტს, 2008 აგვისტოს მოვლებების პერიოდში, შავი ზრვის საერტაშორისო უნივერსიტეტმა 2 თვის განმავლობაში შეიფარა 400 დევნილი (შეუქმნა საცხოვრებელი პირობები, უზრუნვეყო კვებით, პირველადი დახმარების საშაულებით. თვეების განმავლობაში დევნილებს უწევდა დახმარებას, იმ კომპაქტურ დასახლებაშიც, სადაც ისინი შემდგომში გადავიდნენ საცხოვრებლად).

  „ჯორჯიან თაიმსის“ ბიზნეს-რეიტინგის რიგით მე-15 საიუბილეო ცერემონიალი "ფუნიკულიორის კომპლექსში" გაიმართა და მას საკანონმდებლო, აღმასრულებელი, ხელისუფლების წევრები, ბიზნესმენები, არასამთავრობო ორგანიზაციების, ინტელიგენციის, საქართველოში აკრედიტირებული მისიების და ფონდების წარმოადგენლები, ადგილობრივი და უცხოური მასმედია ესწრებოდა. შეხვედრაზე, საბოლოო ჯამში, სხვადასხვა ნომინაციებში წარმატებული 30 კომპანია და ბიზნესმენი დაჯილდოვდა.

  შავი ზღვის საერთაშორისო უნივერსიტეტი დიდ მადლობას მოახსენებს „ჯორჯიან თაიმსს“ ჩვენი ღვაწლისა და იმ კეთილი შრომის დაფასებისათვის, რომელიც რამდენიმე წელია უნივერსიტეტის მთავარ მიზნად არის ქცეული. სამომავლოდ კი უფრო მეტ სიახლესა და ინოვაციას პირდება.



13 ოქტომბერს „მომავალ ლიდერთა კლუბის“ ორგანიზებით გაიმართა შეხვედრა ასოცირებულ პროფესორთან, ბ-ნ მერაბ ტურავასთან.

მერაბ ტურავა გახლავთ საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტთან შექმნილი დროებითი სამუშაო ჯგუფის წევრი. იგი იყო TACIS-EU-პროექტის ექსპერტი სისხლის სამართლის სამოსამართლეო სწავლების საკითხებში. ხელმძღვანელობდა საქართველოს სისხლის სამართლის საპროცესო კოდექსის პროექტის შემმუშავებელი სახელმწიფო კომისიის სამუშაო ჯგუფს. აგრეთვე, ბ-ნი მერაბი იყო საქართველოს უზენაესი სასამართლოს სისხლის სამართლის საქმეთა პალატის მოსამართლე და სისხლის სამართლის საქმეთა პალატის თავმჯდომარე. იგი, აგრეთვე, მრავალი წიგნის ავტორი გახლავთ.

ბ-მა მერაბმა თავისი გამოცდილება გაუზიარა შავი ზღვის სართაშორისო უნივერსიტეტის სტუდენტებს, რომელთაც მიეცათ საშუალება ჩართულიყვნენ პროფესორთან დისკუსიაში, კითხვით მიემართათ მისთვის და საქართველოს მაგალითზე განეხილათ უზენაესი სასამართლოს მუშაობის სფეციფიკა.

შეხვედრას ასევე ესწრებოდა სოციალურ მეცნიერებათა ფაკულტეტის წარმომადგენელი და რექტორი, ბ-ნი ილიას ჩილოღლუ, რომელმაც სტუმარს სიმბოლური საჩუქრები გადასცა. როგორც ბატონი ილიასი იუწყება, მისთვის დიდი პატივია მსგავსი სტუმრების უნივერსიტეტში ხილვა და იმედოვნებს, რომ ბ-ნ მერაბ ტურავასა და შავი ზღვის საერთაშორისო უნივერსიტეტს შორის თანამშრომლობა გაგრძელდება.
სალომე ჯინჭარაძე.



  20 ოქტომბერს შავი ზღვის საერთაშორისო უნივერსიტეტში გაიმართა წიგნის, „საქართველოში თურქოლოგიის ფუძემდებელი: სერგი ჯიქიას ბიობიბლიოგრაფია“-ს თურქული თარგმანის პრეზენტაცია.

 სერგი ჯიქია გახლდათ მეცნიერების დამსახურებული მოღვაწე, ფილოლოგიის მეცნიერებათა დოქტორი, აკადემიკოსი, თურქული ფილოლოგიის, ახლო აღმოსავლეთისა და კავკასიის ხალხების მკვლევარი. მას გამოქვეყნებული აქვს 150-ზე მეტი შრომა, რომელიც ძირითადად ეხება ენობრივ და ისტორიულ-ლიტერატურულ   კონტაქტებს, დიალექტებსა და ენობრივ ურთიერთობებს, ფონეტიკის, მორფოლოგიისა და ლექსიკის საკითხებს.

  აკადემიკოს სერგი ჯიქიას მეცნიერული მოღვაწეობის განსაკუთრებულ სფეროს წარმოადგენს საქართველოსა და მთლიანად კავკასიის შესახებ ისტორიული ცნობების შემცველი ოსმალური დოკუმენტებისა და ნარატიული ძეგლების პუბლიკაცია ქართული თარგმანითა და კომენტარებით. სერგი ჯიქიამ სათავე დაუდო საქართველოში თურქოლოგიური კვლევის ყველა მიმართულებას.

  ამ დიდებული პიროვნების საქმიანობის შესახებ საუბარი შეიძლება განუწყვეტლივ. თუმცა, აუცილებელად აღსანიშნავია მისი პიროვნება, რომელიც ყველა მოწაფისთვის იყო მაღალი ზნეობის, თავმდაბლობის, გულისხმიერების, კოლეგიალობის, პრინციპულობისა და მიმტევებლობის ნიმუში. მას „სულის აზნაურს“ უწოდებდნენ. როგორც აკადემიკოს სერგი ჯიქიას მოწაფეები იუწყებიან, ის გამოირჩეოდა ადამიანებთან თბილი და ტკბილი ურთიერთობის უნარით, სიტუაციას ზედმიწევნით მისადაგებული რბილი იუმორით. მისი საუბარი იმედითა და სიცოცხლის სილამაზის რწმენით გავსებდა.

  სწორედ ამ ფაქტებს იხსენებდა და ერთმანეთს უზიარებდა საღამოზე მოწვეული დაახლოებით 40 სტუმარი, რომელთათვის აკადემიკოსი სერგი ჯიქია გახლავთ ქართულ-თურქული ენობრივი, ლიტერატურული კონტაქტებისა და მეგობრული ურთიერთობის ფუძემდებელი. შეხვედრაზე გაიმართა დისკუსია ყველა იმ თემაზე, რომელიც მის ცხოვრებას, რაც კოლეგების, მოწაფეებისა და შვილების ტკბილ მოგონებებში ინახებოდა და საქმიანობას, რომელიც მან ისტორიასა და საგანმანათლებლო დაწესებულებებს შემოუნახა.

  სტუმრებმა ისაუბრეს შეხვედრის ერთ-ერთ მთავარ თემაზე, წიგნის „საქართველოში თურქოლოგიის ფუძემდებელი: სერგი ჯიქიას ბიობიბლიოგრაფიის“ მნიშვნელობასა და ფუნქციის შესახებ თანამედროვე თურქოლოგიაში.

  „შესრულებული ნაშრომი ძალზედ მნიშვნლოვანია იმ თვალსაზრისით, რომ გვაძლევს საშუალებას შევადაროთ აკადემიკოს სერგი ჯიქიას მოღვაწეობისა და მისი გარდაცვალების შემდეგ თურქოლოგიის მდგომარეობა ქართულ უნივერსიტეტებში“ - აცხადებს პროფესორი, ბ-ნი ილიას უსთუნიერი.

  შეხვედრაზე დამსწრე საზოგადოების წინაშე სიტყვით აგრეთვე გამოვიდა:

შზსუ-ს რექტორი, ასოცირებულ პროფესორი, ბ-ნი ილიას ჩილოღლუ;

შზსუ-ს სამეთვალყურეო საბჭოს თავჯდომარე,  ბ-ნი ადემ ონალი; სერგი ჯიქიას ყოფილი მოწაფეები, ამჟამად უკვე პროფესორები - ხელნაწერთა ინსტიტუტის წარმომადგენელი, ქ-ნი ცისანა აბულაძე; აღმოსავლეთმცოდნეობის ინსტიტუტის წარმომადგენელი, ასოცირებული პროფესორი, ბ-ნი გიორგი შაყულაშვილი; ივ. ჯავახიშვილის სახ. თბილისის სახელმწიფო უნიევრსიტეტის ეროვნული სამეცნიერო ბიბლიოთეკის წარმომადგენელი, ქ-ნი ია დუდუჩავა; აღმოსავლეთმცოდნეობის ინსტიტუტის წარმომადგენელი, ასოცირებული პროფესორი, ქ-ნი მარინა შონია; ივ. ჯავახიშვილის სახ. თბილისის სახელმწიფო უნიევრსიტეტის ჰუმანიტარულ მეცნიერებათა ფაკულტეტის თურქოლოგიის მიმართულების უფროსი, აკადემიკოს სერგი ჯიქიას ქალიშვილი, პროფესორი, ქ-ნი მარიკა ჯიქია; პროფესორი, ბ-ნი ნოდარ შენგელია; თურქოლოგი, ბ-ნი შალვა გაბისკირია; სოხუმის სახელმწიფო უნივერსიტეტის რექტორი, ბ-ნი ჯონი აფაქიძე.

  საღამო, ტრადიციულად, დაგვირგვინდა სადილით. დამსწრე საზოგადოებას გადაეცათ სიმბოლური საჩუქრები და წიგნი, „საქართველოში თურქოლოგიის ფუძემდებელი: სერგი ჯიქიას ბიობიბლიოგრაფია“, რომლის პრეზენტაციასა და დისკუსიას მიეძღვნა მთელი შეხვედრა.

 

სტატიის ავტორი: სალომე ჯინჭარაძე



შავი ზღვის საერთაშორისო უნივერსიტეტის მთავარი მიზანი არის სტუდენტებს გაუღრმავოს არა მხოლოდ ზოგადი, არამედი პროფესიასთან დაკავშირებული ცოდა და მაქსიმალურად შეუწყოს ხელი მათ პრაქტიკაში გამოყენების შესაძლებლობებს, რასაც სხვადასხვა აქტოვობების წყალობით ანხორციელებს.

17 ოქტომბერს დასრულდა 2 კვირიანი სამაგისტრო სასწავლო პროგრამა „საზოგადოებასთან ურთიერთობა (ქეისები და ანალიზი)“, რომელიც შავი ზღვის საერთაშორისო უნივერსიტეტის სამაგისტრო და სადოქტორი სწავლების ინსტიტუტის დაგეგმილი გახლდათ. აღნიშნული კურსის ლექტორი გახლდათ ჰოლანდიიდან მოწვეული სტუმარი,ბ-ნი სანდერ შხრუვერსი.

„ჩემთვის ძალიან დიდი პატივია ამ პერიოდის მანძილზე ვიყო ჩართული შავი ზღვის საერთაშორისო უნივერსიტეტის სტუდენტებთან სამუშაო პროცესში. ეს არიან ისეთი სტუდენტები, რომლებსაც გააჩნიათ დიდი ამბიცია იყვნენ წარმატებულნი თავიანთ საქმიანობაში და ჰქონდეთ აღმავალი კარიერული ზრდა, რასაც მე მათ მთელი გულით ვუსურვებ. მიხარია, რომ გარკვეული წვლილი მეც შევიტანე მათ სამომავლო საქმიანობაში. ძალიან მნიშვნელოვანია, სტუდენტს ჰქოდეს უნარი და შესაძლებლობა თეორიული ცოდნა გამოიყენოს და მოარგის პრაქტიკულ საქმინობას და, სწორედ, ეს იყო ამ სასწავლო პროგრამის ერთ-ერთი მთავარი მიზანი“ - აცხადებს ბ-ნი შხრუვერსი.

ლექციებზე აგრეთვე იყვნენ მოწვეულნი კომპანია „ბილაინის“ PR მენეჯერი, ქ-ნი თეონაბაღდავაძე და ამსტერდამის უნივერსიტეტის პროფესორი, ბ-ნი კლარენს ვან დენ პუტი.

„ჩვენი ლექტორი გახლავთ ძალიან კარგი პრაქტიკოსი. მან შეძლო 2 კვირაში თავისი ხუმრობებითა და მასტერ კლასებით აეხსნა როგორ შეიძლება დაამყარო ბიზნეს კომუნიკაციები და შექმნა წარმატებული პიარ სტრატეგიები. მას ამ საქიანობაში აქვს ძალიან დიდი გამოცდილება, რასაც დიდი სიხარულით გვიზიარებდა. ამ პერიოდის მუშაობის შედეგი არის ჩვენი კვლევა, რომელიც წიგნის, „მედია გიდის“ შექმნაში გადაიზარდა“ - გვაცნობა პროგრამის მონაწილემ, მარიამ მთვარელიძემ.

„მედია გიდი“ ეს არის ცნობა, რაშიც შედის ყველა ცნობილი და წარმატებული ჟურნალების, გაზეთების საკონტაქტო ინფორმაციებისა და მათ საქმიანობის, მიმდენარეობის შესახებ კრებული, რომელიც გაუადვილებს მომხმარებელს ინფორმაციის განთავსებას მისთვის საჭირო სეგმენტისათვის. „მედია გიდში“ გაერთიანებულია 30-ზე მეტი ყველაზე პოპულარული და მოთხოვნადი სხვადასხვა სფეროს მედია წყაროს საკონტაქტო საშუალება.

სტუდენტებმა შეხვედრაზე გამართეს პრეზენტაცია იმ წიგნისა, რომელზეც ამ პერიოდის მანძილზე მუშაობდნენ. ის უახლოეს მომავალში დაიბეჭდება, დაიკავებს ადგილს წიგნების მაღაზიის დახლებზე და ნებისმიერ მსურველს მიეცემა შეძენის შესაძლობლობა. სტუდენტებს გადაეცათ სასწავლო პროგრამაში მონაწილეობის დამადასტურებელი სერტიფიკატები. საღამო კი, ტრადიციულად, ტორტის გაჭრის ცერემონიალით დაგვირგვინდა.


სურათები


შავი ზღვის საერთაშორისო უნივერსიტეტი მონაწილეობს ევროკავშირის მიერ დაფინანსებული „შავი ზღვის აუზის ოპერაციების ერთობლივი პროგრამა 2007–2013“ - შავი ზღვის აუზის ქვეყნების უნივერსიტეტებს შორის თანამშრომლობის ქსელი - UNIVER-SEA.NET (http://www.univer-sea.net) პროექტში, რომლის ფარგლებში 2014 წლის 9-11 ოქტომბერს სტამბულში გაიმართა საერთაშორისო კონფერენცია - „უნივერსიტეტებს შორის თანამშრომლობა შავი ზღვის რეგიონში: საერთო საგანმანათლებლო ღირებულებები“, რომელშიც მონაწილეობა მიიღო რუმინეთის, მოლდოვას, თურქეთის და საქართველოს 60-ზე მეტმა უნივერსიტეტმა.

კონფერენციაზე შავი ზღვის საერთაშორისო უნივერსიტეტს წარმოადგენდნენ პროექტის მენეჯერი, შზსუ-ს პროფესორი, დოქტორი ტატიანა პაპიაშვილი და პროექტის საგანმანათლებლო ექსპერტი, შზსუ-ს ხარისხის უზრუნველყოფის სამსახურის უფროსი, დოქტორი დიანა მჭედლიშვილი. საქართველოს დელეგაციას ასევე წარმოადგენდნენ პროექტის ახალი პარტნიორები საქართველოს 12 უნივერსიტეტის წარმომადგენლები. მათ შორის არიან:

  • ამერიკული ჰუმანიტარული უნივერსიტეტი;
  • ბათუმის შოთა რუსთაველის სახელმწიფო უნივერსიტეტი;
  • კავკასიის საერთაშორისო უნივერსიტეტი;
  • კავკასიის დემოკრატიული ინტეგრაციის ინსტიტუტი;
  • აღმოსავლეთ ევროპის სასწავლო უნივერსიტეტი;
  • საქართველოს ეროვნული უნივერსიტეტი (სეუ);
  • იაკობ გოგებაშვილის სახელობის თელავის სახელმწიფო უნივერსიტეტი;
  • გორის სახელმწიფო სასწავლო უნივერსიტეტი;
  • გურამ თავართქილაძის სასწავლო უნივერსიტეტი;
  • შოთა მესხიას ზუგდიდის სახელმწიფო სასწავლო უნივერსიტეტი;
  • სოხუმის სახელმწიფო უნივერსიტეტი;
  • დავით ტვილდიანის სახელობის სამედიცინო უნივერსიტეტი.

კონფერენციის გახსნის ცერემონიალზე სიტყვით გამოვიდნენ პარტნიორი უნივერსიტეტების წარმომადგენლები, რომლებმაც შეაფასეს პროექტის ფარგლებში განხორციელებული აქტივობები და ისაუბრებს პროექტის მნიშვნელოვნებაზე და სამომავლო გეგმებზე. საქართველოს მხრიდან სიტყვით გამოვიდა პროექტის მენეჯერი, შზსუ-ს პროფესორი, დოქტორი ტატიანა პაპიაშვილი.

კონფერენციის მიზანია თანამშრომლობის ქსელის შექმნა, რომლის ფარგლებშიც უნივერსიტეტები შეძლებენ გაცვალონ საუკეთესო გამოცდილება, პუბლიკაციები და სასწავლო კურსები, შექმნიან ბუნებრივ საფუძველს სხვადასხვა ეროვნების, კულტურის და რელიგიის სტუდენტებისა და პროფესორების დიალოგისათვის და ხელს შეუწყობენ სპეციფიკური საგანმანათლებლო ღირებულებების განვითარებას.

კონფერენციის მსვლელობისას მოხდა პროექტის ფარგლებში შემუშავებული წიგნის პრეზენტაცია, რომელიც ასახავს რუმინეთის, მოლდოვას, თურქეთის და საქართველოს ქვეყნების უმაღლესი განათლების, ხარისხის უზრუნველყოფის სისტემის და საკვალიფიკაციო ჩარჩოს სპეციფიკას, ასევე მონაწილე ხუთი უნივერსიტეტის საუკეთესო პრაქტიკას. იგი ასახავს „შავი ზღვის აუზის ოპერაციების ერთობლივი პროგრამა 2007–2013“ - შავი ზღვის აუზის ქვეყნების უნივერსიტეტებს შორის თანამშრომლობის ქსელი - UNIVER-SEA.NET პროექტის მთავარ მიზანს -  საგანმანათლებლო ღირებულებებისა და გამოცდილების გაზიარების ხელშეწყობა, საგანმანათლებლო სისტემების საერთო კომპონენტების იდენტიფიცირება და რეგიონული იდენტურობის გაძლიერება საერთო ვირტუალური საზოგადოების შექმნის საშუალებით. საქართველოს მხრიდან წიგნის თანაავტორია დოქტორი დიანა მჭედლიშვილი. წიგნის შემუშავებაში ღირებული წვლილი შეიატანა პროფესორმა, დოქტორმა ტატიანა პაპიაშვილმა.

უნივერსიტეტებს შორის გაფორმდა მემორანდუმები, დაისახა თანამშრომლობის შემდგომი ეტაპები, რომლის ფარგლებშიც იგეგმება პარტნიორი უნივერსიტეტების სტუდენტებისთვის ერთობლივი სასწავლო კურსის - „რეგიონული საგანმანათლებლო განვითარება: შავი ზღვის არეალი“  შეთავაზება. კურსის მოდულები მოიცავენ ერთთვიან ლექციებს (მათ შორის სამი კვირა ონლაინ რეჟიმში) და პარტნიორი უნივერსიტეტების სტუდენტების გაცვლით პროგრამაში მონაწილეობას. სასწავლო კურსის დასრულების შემდეგ სტუდენტები მიიღებენ სერთიფიკატებს, ხოლო ხუთი წარჩინებული სტუდენტი გაივლის ერთთვიან სტაჟირებას თურქეთის ორ - ქარაბუქის (ქარაბუქში) და აიდინის უნივერსიტეტში (სტამბულში). სასწავლო კურსი შედგება ოთხი მოდულისაგან:

  1. მულტიკულტურიზმი და იდენტურობა (ქარაბუქის უნივერსიტეტი, თურქეთი)
  2. ინტერკულტურული კომუნიკაცია (მოლდოვას უნივერსიტეტი)
  3. კონფლიქტის გადაწყვეტა (ანდრეი საგუნას უნივერსიტეტი, რუმინეთი და შავი ზღვის საერთაშორისო უნივერსიტეტი, საქართველო)

სოციალური მეწარმეობა (აიდინის უნივერსიტეტი, თურქეთი)



  შავი ზღვის საერთაშორისო უნივერსიტეტის კიდევ ერთი სტუმარი გახლდათ „ეკონომიკური პოლიტიკის ექსპერტთა ცენტრი“ ( www.epec.ge ). შეხვედრა ჩატარდა მიმდინარე წლის 16 ოქტომბერს და მისი მთავარი თემა იყო „კერძო საკუთრება და ეკონომიკური თავისუფლების ხარისხი“.

  „ეკონომიკური პოლიტიკის ექსპერტთა ცენტრი“ ეს არის არაკომერციული არასამთავრობო ორგანიზაცია რომელიც ახორციელებს საკანონმდებლო ბაზის ეკონომიკურ ანალიზს, ქმნის ეკონომიკური პოლიტიკის საკონსულტაციო ცენტრებს, ეწევა საგანმანათლებლო-შემეცნებით საქმიანობას, ეკონომისტთა პროფესიული დაოსტატებისა და კვალიფიკაციის ამაღლებისათვის, ატარებს სამეცნიერო კონფერენციებს, დისპუტებს და ა.შ. ორგანიზაცია თავისი მიზნებიდან გამომდინარე, მოქმედებს საქართველოს მთელ ტერიტორიაზე, ასევე მის ფარგლებს გარეთ და მისი წევრი შეიძლება გახდეს ნებისმიერი ფიზიკური (18 წელს ზევით) და იურიდიული პირი, რომელიც იზიარებს და პატივს სცემს ორგანიზაციის მისიას, მიზნებს და მის წესდებას.

  შეხვედრა გაიმართა ლექცია-სემინარის სტილში. მომხსენებლემბა ისაუბრეს იმ მთავარ პრობლემებზე, რომლებიც აღნიშნულ თემას უკავშირდება: კერძო საკუთრების როლი ეკონომიკურ თავისუფლებაში, ეკონომიკური თავისუფლების ხარისხი და მისი როლი ეკონომიკურ პოლიტიკაში, კერძო საკუთრების დამკვიდრება, ეკონომიკური თავისუფლების დონის შეფასება საქართველოში და ა. შ.

  მთავარი მომხსენებლები გახლდათ: რამაზ გერლიანი, „ეკონომიკური პოლიტიკის ექსპერტთა ცენტრის“ პრეზიდენტი, ეკონომიკის დოქტორი; მათე გარდავა, „ეკონომიკური პოლიტიკის ექსპერტთა ცენტრის“ დამფუძნებელი, თსუ-ს დოქტორანტი; ქეთევან კრიალაშვილი, „ეკონომიკური პოლიტიკის ექსპერტთა ცენტრის“ აღმასრულებელი დირექტორი, პროექტის ხელმძღვანელი; ირაკლი მაკალათია, პროექტის ასისტენტი, ეკონომიკის დოქტორი.

  შავი ზღვის სართაშორისო უნივერსიტეტის სტუდენტებს მიეცათ საშუალება ჩართულიყვნენ „ეკონომიკური პოლიტიკის ექსპერტთა ცენტრის“ მიერ დაგეგმილ კონფერენციაში, კითხვით მიემართათ სტუმრებისათვის და საქართველოს მაგალითზე განეხილათ ეკონომიკური თავისუფლების ხარისხი. სტუმრებმა გადასცეს სტუდენტებს ლექცია-სემინარში მონაწილეობის დამადასტურებელი სერტიფიკატი.


ბიზნესის მართვის პროფესორები ქეთევან ლაფაჩი და სოფიო ხუნდაძე 8-9 ოქტომბერს მონაწილეობდნენ მსოფლიო ბანკის ფინანსური ანგარიშგების რეფორმის ცენტრის  (CFRR) აღმოსავლეთ პარტნიორობის ქვეყნებში აუდიტისა და ბუღალტრული აღრიცხვის  რეგიონული პროგრამის STAREP ფარგლებში ორგანიზებული სემინარის, -„განათლება შესაძლებლობებისათვის: ცვლილებების დასაწყისი“ მუშაობაში. სემინარი ფოკუსირებული იყო საბაკალავრო საბურალტრო პროგრამების მოდერნიზების საკითხებზე  და მიზნად ისახავდა საგანმანათლებლო პროგრამების სრულყოფას  პრაქტიკის მოთხოვნების გათვალისწინებით.

სემინარის მუშაობაში მონაწილეობდნენ მსოფლიო ბანკის ფინანსური ანგარიშგების რეფორმების ცენტრის (CFRR) და EU აღმოსავლეთ პარტნიორობის ქვეყნების საქართველოს, აზერბაიჯანის,  უკრაინის, სომხეთის, მოლდოვის, ბელორუსიის უნივერსიტეტებისა  და პროფესიული ორგანიზაციების წარმომადგენლები.


აბიტურიენტის მიღება, შავი ზღვის საერთაშორისო უნივერსიტეტში ერთიანი ეროვნული გამოცდების შედეგების საფუძველზე ხდება. ეს შესაძლებელია, იმ შემთხვევაში, თუ შავი ზღვის საერთაშორისო უნივერსიტეტში ჩაბარების  მსურველი, ეროვნული გამოცდებისთვის რეგისტრაციისას, სასწავლო პროგრამების ჩამონათვალში, ჩვენს უნივერსიტეტს, პრიორიტეტს მიანიჭებს.

როგორია სწავლის საფასური, შეღავათები და დაფინანსების სისტემა შავი ზღვის საერთაშორისო უნივერსიტეტში  2015 სასწავლო წლისთვის?

„გრანტს + გრანტი“  -  საუკეთესო აბიტურიენტებს, ჩვენ საუკეთესო პირობებს ვთავაზობთ: იხილეთ აქ


განათლებისა და ჰუმანიტარულ მეცნიერებათა ფაკულტეტმა უმასპინძლა ამერიკელ პროფესორს, დოქტ. ბრიუს მაკოტო არნოლდს. ლექცია შეეხებოდა თემას: „ამერიკის განსაკუთრებულობა ან საზღვაო პოლიტიკური პრეცედენტი: იაპონიაში ფრითის ექსპედიციის ხელახალი შეფასება, 1852-1854 წლებში.“


8 ოქტომბერს, შავი ზღვის საერთაშორისო უნივერსიტეტმა, „საერთაშორისო გამჭვირვალობა – საქართველოს“ აღმასრულებელ დირექტორს, ეკა გიგაურს უმასპინძლა.

შეხვედრა უნივერსიტეტის რექტორთან, ილიას ჩილოღლუსთან და სხვადასხვა ფაკულტეტის სტუდენტებთან გაიამართა. საუბრის თემა შეეხო „საერთაშორისო გამჭვირვალობა – საქართველოს“ მიერ, უკვე განხორციელებულ და მიმდინარე პროექტებს, ისეთ საკითხებზე, როგორიც არის, სახელმწიფო ინსტიტუტების მშენებლობის ხელშეწყობა და გაძლიერება, კანონის უზენაესობისა და კარგი მმართველობის განვითარება, სახელმწიფო ორგანოების გამჭვირვალობისა და საზოგადოების წინაშე მათი პასუხისმგებლობის უზრუნველყოფა. http://www.transparency.ge/


7 ოქტომბერს, შავი ზღვის საერთაშორისო უნივერსიტეტს „სიდა“ - სამოქალაქო განვითარების სააგენტოს დირექტორი, ზვიად დევდარიანი ესტუმრა.
შეხვედრა უნივერსიტეტის რექტორთან, ილიას ჩილოღლუსთან და სხვადასხვა ფაკულტეტის სტუდენტებთან გაიამართა. საუბრის თემა შეეხო „სიდა“ -ს მიერ, უკვე განხორციელებულ და მიმდინარე პროექტებს, ისეთ საკითხებში, როგორიც არის, სამოქალაქო საზოგადოების განვითარება, სიღარიბის დაძლევა, მიგრაციული პროცესების მართვის გაუმჯობესება, სამოქალაქო ინტეგრაცია და ნდობის მშენებლობა. 
სამოქალაქო განვითარების სააგენტო (სიდა) სამოქალაქო საზოგადოების ორგანიზაციაა, რომელიც მხარს უჭერს საქართველოს მოსახლეობის სოციალურ-ეკონომიკური უფლებების პოპულარიზაციას, დაცვასა და განხორციელებას, როგორც სერვისების პირდაპირი მიწოდებით, ასევე - პრობლემათა გადაწყვეტით დაინტერესებული ჯგუფების შესაძლებლობებისა და კავშირების განვითარებით. http://www.cida.ge/


1 ოქტომბერს, შავი ზღვის საერთაშორისო უნივერსიტეტს, ევროპის უნივერსიტეტის ინსტიტუტის, ისტორიისა და ცივილიზაციის დეპარტამენტის დოქტორანტი, სტატიების ავტორი, გრიგოლ გეგელია სტუმრობდა. 
დისკუსია, სტუმარსა და სტუდენტებს შორის, შეეხეო ისეთ საკითხებს, როგორიც არის თავისუფლება, საზოგადოებრივი მოწყობა, ლიბერალიზმი, დასავლური ღირებულებები, ევროპული განათლება.


ყოველწლიური და უკვე, ტრადიციად ქცეული   “Welcome Party”  IBSU-ის პირველკურსელთათვის, 25 სექტემბერს გაიმართა. ღონისძიება, საინტერესოდ წარიმართა. “Welcome Party”-ის პროგრამა, მუსიკალურ ნაწილთან ერთად, ითვალისწინებდა  სტუდენტებისათვის IBSU-ს საგრანტო ვაუჩერების და საჩუქრების გადაცემასაც. ვაუჩერები გადაეცა სახელმწიფო გრანტის მფლობელებს, IBSU-ს ოლიმპიადებში გამარჯვებულ სტუდენტებს. ეროვნული გამოცდების შედეგებით, ქვეყნის მასშტაბით TOP-200-ში შესულ სტუდენტებს, საჩუქრად გადეცათ Ipad-ი, უფასო სწავლების ვაუჩერი და ყოველთვიური, 100 ლარიანი სტიპენდია.

46 ოქროსმედალოსანს გადეცა უფასო სწავლების ვაუჩერი, 18 ვერცხლისმედალოსანს გადაეცა 70%-ნი IBSU-ს გრანტი. წელს, 449 პირველკურელიდან, 300-მდე პირველკურსელმა მიიღო სხვადასხვა ტიპის დაფინანსება.


სტაჟირების პროგრამა ბაკალავრიატის დამამთავრებელი კურსის, მაგისტრატურის ან დოქტორანტურის სტატუსის მქონე სტუდენტებისათვის, ვინც გამოირჩევა მაღალი აკადემიური მოსწრებით.

გაცნობებთ, რომ საქართველოს პრემიერ-მინისტრის ინიციატივით სსიპ - საჯარო სამსახურის ბიურომ შეიმუშავა საჯარო დაწესებულებებში სტაჟირების გავლის წესი და პირობები, რომელიც დამტკიცებულ იქნა „საჯარო დაწესებულებაში სტაჟირების გავლის წესისა და პირობების შესახებ“ სახელმწიფო პროგრამის დამტკიცების თაობაზე“ საქართველოს მთავრობის 2014 წლის, 18 ივნისის, N410 დადგენილებით.

სტაჟირების პროგრამა განკუთვნილია საქართველოს მოქალაქისათვის, რომელიც არის  ბაკალავრიატის დამამთავრებელი კურსის სტუდენტი, მაგისტრანტის ან დოქტორანტის სტატუსის მქონე პირი და გამოირჩევა მაღალი აკადემიური მოსწრებით, რაც დასტურდება GPA-თ (მინიმუმ 3.0 შესაბამის უმაღლეს საგანმანათლებლო დაწესებულებაში GPA-ს გამოთვლის წესის არსებობის შემთხვევაში) ან საგანმანათლებლო პროგრამის ფარგლებში მიღებული შეფასებების საშუალო არითმეტიკულით (მინიმუმ (B) ძალიან კარგი 81-90%); სტაჟირების გავლის შესაძლებლობა აქვთ, აგრეთვე, იმ კურსდამთავრებულებსაც, რომლებიც აკმაყოფილებენ ზემოაღნიშნული მაღალი აკადემიური მოსწრების მოთხოვნებს და მათი სწავლის დასრულებიდან გასული არ არის ორ წელზე მეტი.

სტაჟირების პროექტის განხორციელებისას შემუშავდება სტაჟირების ერთიანი სტანდარტი, რომელიც ხელს შეუწყობს სტუდენტებისა და კურსდამთავრებულების საჯარო სამსახურში საქმიანობისათვის აუცილებელი პრაქტიკული უნარ-ჩვევებით აღჭურვილ და კონკურენტუნარიან კადრებად ჩამოყალიბებას.

სტაჟირების მსურველებისთვის პროგრამაში დარეგისტრირება სსიპ - საჯარო სამსახურის ბიუროს მიერ ადმინისტრირებულ ვებგვერდზე - www.stajireba.gov.ge 15-დან 25 სექტემბრამდე იქნება შესაძლებელი.

15 სექტემბრიდან, რეგისტრაციის გასავლელად უნივერსიტეტის სტუდენტებსა და კურსდამთავრებულებს, IBSU-ში, პირადობის მოწმობის წარმოდგენის საფუძველზე გადმოგეცემათ ინდივიდუალური აქტივაციის კოდები, რომელიც საჭიროა პროგრამაში რეგისტრაციის გასავლელად.

საჯარო სამსახურის ბიუროს ინფორმაციით, საქართველოს მასშტაბით, სხვადასხვა საჯარო სამსახურებში სტაჟირების პროგრმაში მონაწილე პირთათვის, შექმნილია 10 000 ვაკანტური ადგილი.

სტაჟირების პროგრამაში მონაწილეობის უფლება მოიპოვეს:  იხილეთ სრული სია (არსებული სია საჯარო სამსახურის ბიუროს, მათი მოთხოვნის საფუძველზე გადაეგზავნა 2014 წლის ივნისში, რაც გულისხმობს იმას, რომ წლევანდელი დამამთავრებელი კურსი პროგრამაში მონაწილეობას ვერ მიიღებს. როგორც საჯარო სამსახურის ბიურომ განმარტა, პროგრამაში მონაწილეობა მომავალ წელს იქნება შესაძლებელი)

15 სექტემბრიდან, მიაკითხეთ სტუდენტური საქმეების განყოფილებას, ადმინისტრაციული კორპუსი, I -სართული, ოთახი N108

 

ინსტრუქცია:

რომელი სამართლებრივი აქტით დარეგულირდება სტაჟირების წესები და პირობები?    

„საჯარო დაწესებულებაში სტაჟირების გავლის წესისა და პირობების შესახებ“  სახელმწიფო პროგრამის დამტკიცების თაობაზე“  საქართველოს მთავრობის 2014 წლის 18 ივნისის № 410 დადგენილების შესაბამისად.  

რა არის სტაჟირების პროგრამის მიზანი?

სტაჟირების პროგრამის მიზანია მაღალი აკადემიური მოსწრების სტუდენტებისა და  და კურსდამთავრებულებისთვის  საჯარო მოხელისათვის აუცილებელია პრაქტიკული უნარ-ჩვევების მიღების შესაძლებლობის შექმნა, საჯარო სამსახურის შესახებ ცნობიერების ამაღლება.

ვინ შეიძლება იყოს სტაჟირების პროგრამის მონაწილე?  

საქართველოს ქმედუნარიანი მოქალაქე, რომელიც ფლობს სახელმწიფო ენას; სწავლობს საქართველოს უმაღლეს საგანმანათლებლო დაწესებულებაში, ბაკალავრიატის აკრედიტებულ საგანმანათლებლო პროგრამაზე და არის დამამთავრებელი სემესტრის (ბოლო ორი სემესტრი) სტუდენტი; სწავლობს სამაგისტრო ან სადოქტორო საგანმანათლებლო პროგრამაზე და სწავლისას გამოირჩევა მაღალი აკადემიური მოსწრებით, რაც დასტურდება GPA-თ (მინიმუმ 3.0 შესაბამის უმაღლეს საგანმანათლებლო დაწესებულებაში GPA-ს გამოთვლის წესის არსებობის შემთხვევაში) ან საგანმანათლებლო პროგრამის ფარგლებში მიღებული შეფასებების საშუალო არითმეტიკულით (მინიმუმ (B) ძალიან კარგი 81-90%);  აგრეთვე, პირი, რომელმაც დაასრულა ბაკალავრიატის, სამაგისტრო ან სადოქტორო საგანმანათლებლო პროგრამა, ამ საგანმანათლებლო პროგრამის დასრულებიდან გასული არ არის ორ წელიწადზე მეტი და რომელიც სწავლისას გამოირჩეოდა მაღალი აკადემიური მოსწრებით, რაც დასტურდება GPA-თ (მინიმუმ 3.0 შესაბამის უმაღლეს საგანმანათლებლო დაწესებულებაში GPA-ს გამოთვლის წესის არსებობის შემთხვევაში) ან საგანმანათლებლო პროგრამის ფარგლებში მიღებული შეფასებების საშუალო არითმეტიკულით (მინიმუმ (B) ძალიან კარგი 81-90%).             

 

 

რა ეტაპების გავლა მომუწევს სტუდენტს/კუსდამთავრებულს სტაჟირების პროგრამაში მონაწილეობის მისაღებად?                   

 

I-ეტაპი

სტაჟიორობის მსურველი სტუდენტი/კურსდამთავრებული ვალდებულია გამოცხადდეს უნივერსიტეტის ადმინისტრაციაში უნიკალური კოდის მისაღებად, რომელიც პირადობის მოწმობის წარდგენის შემდეგ გადაეცემა დახურული კონვერტით. 

II-ეტაპი

სტაჟიორობის მსურველი სტუდენტი/კურსდამთავრებული ვალდებულია საჯარო სამსახურის ბიუროს მიერ ადმინისტრირებულ ვებ-გვერდზე www.stajireba.gov.ge-ზე გაიაროს აქტივაცია უნიკალური კოდისა და პირადი ნომრის მეშვეობით. 

III-ეტაპი

 

სტაჟიორობის მსურველი სტუდენტი/კურსდამთავრებული ვალდებულია უნიკალური კოდით აქტივაციის შემდეგ   www.stajireba.gov.ge-ზე  გაიაროს ავტორიზაცია და პროგრამის ზედა მარჯვენა კუთხეში არსებული  ვაკანსიების ბმულიდან გადავიდეს ვაკანსიების მქონე უწყებების ჩამონათვალზე და დარეგისტრირდეს სასურველ უწყებაში სასურველ ვაკანსიაზე.  

IV-ეტაპი

 

რეგისტრაციის დასრულებიდან  10 დღის განმავლობაში სტუდენტი/კურსდამთავრებული ვალდებულია გამოცხადდეს და პირადობის მოწმობით  რეგისტრაცია გაიაროს სტაჟირების ადგილზეც.

 

 

 

 

 

 

 

 

 


რეგისტრაციის პერიოდი პირველკურსელებისათვის : 08.09.2014-12.09.2014

სწავლის დაწყება : 15.09.2014

საქართველოს მოქალაქეები, რომლებიც ეროვნული გამოცდების შედეგად ჩაირიცხნენ შავი ზღვის საერთაშორისო უნივერსიტეტში, ვალდებულნი არიან წარმოადგინონ შემდეგი სახის საბუთები:

1) სკოლის ატესტატი (ორიგინალი);
2) ჯანმრთელობის ცნობა, ფორმა №100;
3) პირადობის დამადასტურებელი მოწმობის ასლი;
4) 4 ფოტო-სურათი 3x4-ზე (1 ელექტრონული ჩაწერილი CD-ზე);
5) წვევამდელის მიწერის მოწმობა სამხედრო კომისარიატიდან (მხოლოდ ვაჟებისთვის);
6) საქართველოს სამეცნიერო ოლიმპიადის მესამე ტურში გადასულმა სტუდენტებმა წარმოადგინეთ ეროვნულ ოლიმპიადაში მონაწილეობის დამადასტურებელი ცნობა გამოცდების   ეროვნული ცენტრიდან;
7) საქართველოს საერთაშორისო სამეცნიერო ოლიმპიადების ეროვნული ნაკრების წევრმა სტუდენტებმა წარადგინეთ  დამადასტურებელი საბუთი;
8) საქართველოს ეროვნული ნაკრების სპორტსმენენმა სტუდენტებმა  წარადგინეთ დამადასტურებელი საბუთი.


საქართველოს საუინივერსიტეტო სპორტის ფედერაციამ ქალაქ ბათუმში უმასპინძლა ქვიშის ფრენბურთის საუნივერსიტეტო ჩემპიონატს. ტურნირში მონაწილეობა, საქართველოს 16  უნივერსიტეტის გუნდმა მიიღო. ტურნირი 6 დღე მიმდინარეობდა, ფინალში თბილისის ივანე ჯავახიშვილის სახელობის სახელმწიფო უნივერსიტეტისა და შავი ზღვის საერთაშორისო უნივერსიტეტის გუნდებმა იასპარეზეს,  და თასი შავი ზღვის საერთაშორისო უნივერსიტეტის სტუდენტებმა ირინა ჭელიძემ და მარიამ მუკაზაშვილმა მოიპოვეს.

 




გაიარეთ რეგისტრაცია შავი ზღვის საერთაშორისო უნივერსიტეტში 22 აგვისტოდან 15 სექტემბრის ჩათვლით და ისარგებლეთ 20 % იანი შეღავათით . 


სტუდენტებმა, რომლებმაც მობილობით მოიპოვეს შავი ზღვის საერთაშორისო უნივერსიტეტში გადმოსვლის უფლება, 9 სექტემბრამდე უნდა წარადგინონ შემდეგი საბუთები:

1. განცხადება რექტორის სახელზე

2. პირადობის მოწმობის ასლი

3. ნიშნების ფურცლის დამოწმებული ასლი

4. ეროვნული გამოცდების/სტუდენტური ბარათის ასლი

5. საშუალო სკოლის ატესტატის ასლი

6. უნივერსიტეტში ჩარიცხვის ბრძანების დამოწმებული ასლი

7. წვევამდელის სამხედრო სააღრიცხვო მოწმობის ასლი (ვაჟებისთვის)


2014 წლის, 26-28 დეკემბერს,  შავი ზღვის საერთაშორისო უნივერსიტეტი რობოტების შერკინების პირველ საერთაშორისო კონკურსს უმასპინძლობს, კონკურსში მონაწილეობას 15 ქვეყნის ყველაზე წარმატებული კონკურსანტები მიიღებენ.

რობოტის პარამეტრები: 

  1. რობოტის ზომები : სიგრძე 35 სმ , სიგანე 15 სმ სიმაღლე 5 სმ ;
  2. საბრძოლო რობოტის  რეკომენდირებული პარამეტრები : სიგრძე 45 სმ, სიგანე 45 სმ ;
  3. შეჯიბრისთვის განკუთვნილი  დისტანციური მართვის მანქანების რეკომენდირებული პარამეტრები : სიგრძე 35 სმ , სიგანე 15 სმ, სიმაღლე 5 სმ ;
  4. კონსტრუქციის დიზაინი შეზღუდული არ არის;   

 

რეგისტრაციის ბოლო ვადაა 2014 წლის 30 ნოემბერი.

სარეგისტრაციო ფორმა მონაწილეთათვის: რეგისტრაცია

 

მეორე საერთაშორისო რობოტების კონკურსი გაიმართება   2015 წლის მაისში რომლის მასპინძელია შავი ზღვის საერტაშორისო უნივერსიტეტი.

რობოტის პარამეტრები: 

  1. რობოტის ზომები : სიგრძე 35 სმ , სიგანე 15 სმ სიმაღლე 5 სმ .
  2. აბრძოლო რობოტის  რეკომენდირებული განზომილებებია : სიგრძე 45 სმ სიგანე 45 სმ სიმაღლე 45 სმ.  
  3. შეჯიბრისთვის განკუთვნილი  დისტანციური მართვის მანქანების რეკომენდირებული განზომილება : სიგრძე 35 სმ , სიგანე 15 სმ სიმაღლე 5 სმ
  4. კონსტრუქციის დიზაინი შეზღუდული არ არის;   

 

 რეგისტრაციის ბოლო ვადაა 2015 წლის 31 მარტი.

სარეგისტრაციო ფორმა მონაწილეთათვის: რეგისტრაცია


შავი ზღვის საერთაშორისო უნივერსიტეტი ღრმა მწუხარებას გამოხატავს საქართველოს ექსპრეზიდენტის ბატონ ედუარდ შევარდნაძის გარდაცვალების გამო.


პარასკევს, 27 ივნისს, 11 საათზე, სასტუმრო „ქორთიარდ მერიოტში“ საქართველოში მოქმედი 22 უნივერსიტეტის რექტორი შეიკრიბა. შეკრების მიზანი იყო სამოქალაქო განათლების ლექტორთა ასოციაციასთან ურთიერთთანამშრომლობის მემორანდუმის გაფორმება, რომლის მიხედვითაც აღნიშნული უნივერსიტეტები ვალდებულნი არიან სასწავლო პროგრამაში შეიტანონ და დანერგონ ინოვაციური სასწავლო კურსი „დემოკრატია და მოქალაქეობა“. შეხვედრას ესწრებოდნენ ასევე ამერიკის საელჩოს, განათლების სამინისტროს, არასამთავრობო, სამთავრობო, საერთაშორისო ორგანიზაციების წარმომადგენლები. შეხვედრა გაიმართა აშშ განვითარების სააგენტოს (USAID) და საარჩევნო სისტემების საერთაშორისო ფონდის (IFES) მხარდაჭერით.


2014 წლის 26 ივნისს შვიდმა უნივერსიტეტმა და ორმა ბიზნეს ასოციაციამ  ხელი მოაწერა პარტნიორობის ხელშეკრუელბაზე ტემპუსის  (სტუდენტების კარიერის განვითარება საქართველოში)  პროექტის ფარგლებში . მეორე წელია რაც ეს პროექტი მიმდინარეობს   პარტნიორობის ინიციატივის ხელმოწერა  უმნიშვნელოვანესი მოვლენაა.

იმედს ვიტოვებთ, ხელშეკრულების საფუძველზე  შემცირდება დასაქმების პრობლემა პარტნიორი უნივერსიტეტების სტუდენტებისთვის .  პროექტის განვითარებაში საქართველოს განათლებისა და მეცნიერების სამინისტროცაა ჩართული.  


ქართული უნივერსიტეტების სტუდენტები წელს პირველად, მონაწილეობას მიიღებენ ბიზნეს ქეისების საერთაშორისო შეჯიბრში, რომელიც 2014 წლის დეკემბერში აზერბაიჯანში ჩატარდება. შესაბამის მემორანდუმს საქართველოს განათლებისა და მეცნიერების სამინისტროს, ,,ბრითიშ ამერიქან ტობაკო ჯორჯია ლიმითედს (BAT)“, ამერიკული განათლების აზერბაიჯანულ ალუმნი ასოციაციას (AAA), თბილისის სახელმწიფო უნივერსიტეტს, კავკასიის უნივერსიტეტს, თავისუფალ უნივერსიტეტს, ქართულ ამერიკულ უნივერსიტეტსა და შავი ზღვის საერთაშორისო უნივერსიტეტს შორის დღეს მოეწერა ხელი. მემორანდუმს შავი ზღვის საერთაშორისო უნივერსიტეტის მხრიდან უნივერსიტეტის ვიცე-რექტორმა პროფ. დოქტ. ილიას ჩილოღლუმ მოაწერა.



2014 წლის 7 ივნისს შავი ზღვის საერთაშორისო უნივერსიტეტსა და  ,,კალიფორნიის უნივერსიტეტი პენსილვანიაში“  გაფორმდა  მემორანდუმი. ხელშეკრულებას ხელმოაწერეს უნივერსიტეტის პრეზიდენტმა  გერალდინ მ. ჯონსმა და შზსუ-ს რექტორმა .

CALU- ს ვებ გვერდი მითითებულია http://www.calu.edu/index.htm


შავი ზღვის საერთაშორისო უნივერსიტეტში 2014 წლის, 13 ივნისს კურსდამთავრებულთა მე-16 გამოსაშვები საღამო გაიმართა. წელს უნივერსიტეტი 120-მა წარმატებულმა სტუდენტმა დაამთავრა. ცერემონიალზე გამოვლინდნენ სხვადასხვა კონკურსებსა და კონფერენციებში გამარჯვებული სტდუენტები, მათ სამახსოვრო საჩუქრები გადაეცათ.
მთლიანად საღამომ ემოციურად ჩაიარა, სტუდენტების ცხოვრებაში კიდევ ერთი უმნიშვნელოვანესი ეტაპი დასრულდა. წარმატებებს ვუსურვებთ ჩვენს კურსდამთავრებულებს პირად თუ პროფესიულ საქმიანობაში!


2014 წლის 14 მაისს თურქეთის სამხრეთ-დასავლეთ რეგიონში, ქალაქ   ანისას,  სომას რაიონში 300 ზე მეტი   ადამიანი დაიღუპა. ამასთან დაკავშირებით საქართველოში თურქეთის საელჩოში შეიქმნა სამძიმრის წიგნი  სადაც ყველა მსურველს საშუალება აქვს გამოხატოს დამოკიდებულება და მწუხარება მომხდარ ტრაგედიასთან დაკავშირებით. ამ წიგნში მისი ღრმა მწუხარება გამოხატა შავი ზღვის საერთაშორისო უნივერსიტეტის სახელით ჩვენი უნივერსიტეტის რექტორმა ბატონმა შევქეთ ერჯან თუნჩმა.


2014 წლის 23 მაისს  თბილისის ივანე ჯავახიშვილის სახელმდწიფო უნივერსიტეტში შავი ზღვის საერთაშორისო უნივერსიტეტის ორგანიზებით აბრეშუმის გზის რიგით მე-9 საერთაშორისო კონფერენცია თემაზე  “ბიზნესი, ეკონომიკა საერთაშორისო ურთიერთობები და განათლება  გაიხსნა. „

კონფერენცია მიზნად ისახავდა  მკვლევარების, ბიზნესის ეკონომიკის საერთაშორისო ურთიერთობებისა და განათლების სფეროთი დაინტერესებული მხარეების ჩართულობას ცოდნის გაზიარებასა და სამომავლო პერსპექტივების დანახვას.

სა